Qeshqerde Uyghur ishchi - xizmetchilirining burut qoyushi cheklendi

Qeshqer sheherlik partkom we xelq hökümiti 2007 ‏ - yili 25 ‏ - nomurluq höjjet chüshürüp, Uyghur ishchi - xizmetchilirining burut qoyushini chekligen.
Muxbirimiz shöhret hoshur
2009-02-19
Élxet
Pikir
Share
Print
Uyghur diyaridiki uyghurlarning saqal - burutluq we bash kiyimlik körünüshliridin biri.
Uyghur diyaridiki uyghurlarning saqal - burutluq we bash kiyimlik körünüshliridin biri.
AFP Photo

Mezkur höjjet ishchi - xizmetchilerning qiyapet ölchimi belgilimisi dep atalghan bolsimu, höjjettiki maddilardin biride burut qoyush éniq halda cheklen'gen bolghachqa, mezkur qa'ide amma arisida "burut cheklesh tüzümi" dep atalghan.

Biz burut cheklesh tüzümi heqqide aldi bilen qeshqer sheherlik ma'arip idarisidin ehwal igiliduq. Mes'ul xadim burut cheklesh tüzümining mewjutluqini ret qilmighan bolsimu, bu tüzümning milliy kimlikke qarita cheklime ikenlikini inkar qildi.
 
Qeshqer wilayetlik teshkilat idarisiki bir xadim, burut cheklesh tüzümining mewjutluqini, öziningmu burut chüshürüush jeryanidiki tesiratinibayan qildi.

Burut qoymasliq qeshqerde bir qanche yildin béri teshebbus qilinip kelgen. Emma bu teshebbusqa emel qilghuchilarning sani bek köp bolmighan. Netijide qeshqer sheherlik partkom, mexsus 25 - nomurluq höjjet chüshürüp burut qoyushni chekligen.

Bu höjjetke asasen idare - jem'iyet we mektepler öz aldigha jazalash tüzümini yolgha qoyghan. Bu tüzüm boyiche burut qoyghuchilargha 100 yüendin 300 yüen'ge qeder jirimane qoyghan. Buningliq bilenmu idare ‏ - jem'iyetler burutluqlardin xaliy bolup bolalmighan, netijide mekteplerde, mushu ayning 7 - künidin bashlap burut qoyghanlarni xizmettin heydesh jazasi qollinilghan.

Qeshqer shehiridiki bir ottura mektep mes'uli burut cheklesh tüzümi heqqide qarashlirini sözlep berdi.

Hörmetlik oqurmenler, Uyghur tor betliridiki inkaslarda, xitay da'iriliri Uyghur élide yolgha qoyuluwatqan qosh tilliq ma'arip siyasiti bilen burut cheklesh tüzümining ghayisining oxshashliqi, her ikkisidiki meqsetning wang léchüenning déginidek, Uyghurlarning "jungxu'a" kimlikini kücheytish yeni "Uyghur" kimlikini ajizlitish ikenliki bayan qilinmaqta.


Toluq bet