Қәшқәрдә уйғур ишчи - хизмәтчилириниң бурут қоюши чәкләнди

Қәшқәр шәһәрлик партком вә хәлқ һөкүмити 2007 ‏ - йили 25 ‏ - номурлуқ һөҗҗәт чүшүрүп, уйғур ишчи - хизмәтчилириниң бурут қоюшини чәклигән.
Мухбиримиз шөһрәт һошур
2009-02-19
Елхәт
Пикир
Share
Принт
Уйғур дийаридики уйғурларниң сақал - бурутлуқ вә баш кийимлик көрүнүшлиридин бири.
Уйғур дийаридики уйғурларниң сақал - бурутлуқ вә баш кийимлик көрүнүшлиридин бири.
AFP Photo

Мәзкур һөҗҗәт ишчи - хизмәтчиләрниң қияпәт өлчими бәлгилимиси дәп аталған болсиму, һөҗҗәттики маддилардин биридә бурут қоюш ениқ һалда чәкләнгән болғачқа, мәзкур қаидә амма арисида "бурут чәкләш түзүми" дәп аталған.

Биз бурут чәкләш түзүми һәққидә алди билән қәшқәр шәһәрлик маарип идарисидин әһвал игилидуқ. Мәсул хадим бурут чәкләш түзүминиң мәвҗутлуқини рәт қилмиған болсиму, бу түзүмниң миллий кимликкә қарита чәклимә икәнликини инкар қилди.
 
Қәшқәр вилайәтлик тәшкилат идарисики бир хадим, бурут чәкләш түзүминиң мәвҗутлуқини, өзиниңму бурут чүшүрүуш җәрянидики тәсиратинибаян қилди.

Бурут қоймаслиқ қәшқәрдә бир қанчә йилдин бери тәшәббус қилинип кәлгән. Әмма бу тәшәббусқа әмәл қилғучиларниң сани бәк көп болмиған. Нәтиҗидә қәшқәр шәһәрлик партком, мәхсус 25 - номурлуқ һөҗҗәт чүшүрүп бурут қоюшни чәклигән.

Бу һөҗҗәткә асасән идарә - җәмийәт вә мәктәпләр өз алдиға җазалаш түзүмини йолға қойған. Бу түзүм бойичә бурут қойғучиларға 100 йүәндин 300 йүәнгә қәдәр җириманә қойған. Буниңлиқ биләнму идарә ‏ - җәмийәтләр бурутлуқлардин халий болуп болалмиған, нәтиҗидә мәктәпләрдә, мушу айниң 7 - күнидин башлап бурут қойғанларни хизмәттин һәйдәш җазаси қоллинилған.

Қәшқәр шәһиридики бир оттура мәктәп мәсули бурут чәкләш түзүми һәққидә қарашлирини сөзләп бәрди.

Һөрмәтлик оқурмәнләр, уйғур тор бәтлиридики инкасларда, хитай даирилири уйғур елидә йолға қоюлуватқан қош тиллиқ маарип сиясити билән бурут чәкләш түзүминиң ғайисиниң охшашлиқи, һәр иккисидики мәқсәтниң ваң лечүәнниң дегинидәк, уйғурларниң "җуңхуа" кимликини күчәйтиш йәни "уйғур" кимликини аҗизлитиш икәнлики баян қилинмақта.


Пикирләр (0)
Share
Толуқ бәт