Burut mesilisi yaponiyidiki téléwiziye söhbitide

Uyghur rayonida élip bériliwatqan siyasiy ijra'atlar, tengsizliki we heqsizliqi bilenla emes, gheyriyliki bilenmu dunyaning diqqitini tartmaqta. Qeshqer sheherlik partkom 2007 ‏ - yili 25 ‏ - nomurluq höjjet chiqirip, Uyghur ishchi xizmetchilerning burut qoyushini cheklishi, bir qisim dunya jama'etchilikini heyran qaldurmaqta.
Muxbirimiz shöhret hoshur
2009-02-25
Élxet
Pikir
Share
Print
Bu, uyghur élining melum shehirining kochilirining biridiki uyghurlarning hayatidin bir körünüsh bolup, süret, yolda kétip barghan bir saqalliq uyghur boway we bazardin bir körünüsh.
Bu, uyghur élining melum shehirining kochilirining biridiki uyghurlarning hayatidin bir körünüsh bolup, süret, yolda kétip barghan bir saqalliq uyghur boway we bazardin bir körünüsh.
RFA Photo

Bügün, yeni2009 - yili 25 ‏ - féwral küni, yaponiyining fakura téléwiziyiside xitaydiki milletler mesilisi dégen témida téléwiziye söhbiti ötküzülgen. Söhbetke tokyodiki meshhur siyasiy analizchilar we kishilik hoquq pa'aliyetchiliri bolup 7 kishi ishtirak qilghan bolup, söhbet jeryani téléwiziyening medeniyet qanili neq meydandin tarqitilghan. Söhbetke yaponiye Uyghur jem'iyitining re'isi ilham toxtimu qétilghan. Söhbet jeryanida, qeshqerde yolgha qoyulghan burut cheklesh tüzümi qizziq munazire témisigha aylan'ghan.

Yaponiye Uyghur jem'iyitining re'isi ilham maxmutning bügün yaponiyidiki fakura téléwiziyiside ötküzülgen söhbettin biz melumat berdi. Téléwiziye söhbitide, xitayning milletler siyasiti, xitaydiki milliy rayonlarning weziyiti munazire témisi bolghan.

Söhbette, ilham maxmut, Uyghur rayonining iqtisadining talan - tarj qiliniwatqanliqi, Uyghur rayonidiki iqtisadi tereqqiyattin Uyghurlarning qilche behriman bolalmaywatqanliqi, iqtisadiy jehettiki éghir muhtajliq tüpeylidin, Uyghurlarning ma'arip we exlaq jehettin chékiniwatqanliqi؛ yene eshu sewebtin Uyghurlarning xitay qanunida belgülen'gen eqelliy hoquqlirini telep qilishqimu qurbi we jasariti yetmeywatqanliqi qatarliq mesililerni otturigha qoyghan.

Ilham maxmut otturigha qoyghan mesililer ichide burut mesilisi köpchilikning eng diqqitini tartqan. Xitay hökümet da'irilirining bayan qilishiche, burut qoyushni cheklesh döletning dölet memurlirining qiyapitini qéliplashturush tüzümige uyghun bolghan normal bir siyaset. Uyghur pa'aliyetchilirining bildürüshiche, bu Uyghurlarning örp - adetlirige, jümlidin hayat sheklige qopalliqche we edepsizche arilishish. Siyasiy analizchilarning qarishiche, bu xitayning Uyghurlarni özige oxshitiwélish tirishchanliqining hejwiylishishi.

Ilham maxmut téléwiziye söhbitide yene, xitayning héchbir ölkisidila, emes, dunyaning hich bir yéride yolgha qoyulup baqmighan siyasetlerning Uyghur rayonida yolgha qoyuliwatqanliqini eskertken. U bu nuqtida, pütün dunyada ölüm jazasini emeldin qalduruwatqan peytte, Uyghur siyasiy mehbuslargha qarita ölüm jazasi bériwatqanliqini, pütün dunya ana tilni qedirleshni yüksek bir medeniyet sanawatqan peytte, Uyghur tilining xewpke duch kéliwatqanliqini, pütün dunyada zéminidin néfit chiqqan milletler gülliniwatqan peytte xitay énérgiye serpiyatining %32 ini teminlewatqan Uyghur zéminining puqralirining namratlishiwatqanliqini istatistikiliq melumatlar bilen bayan qilghan.

Hörmetlik oqurmenler, yuqurida biz silerge, qeshqerde yolgha qoyulghan burut cheklesh tüzümining yaponiyediki bir téléwiziye söhbitide munazire qilin'ghanliqi heqqide tepsiliy xewer berduq.

Yuqiridiki awaz ulinishidin, söhbitimizning tepsilatini anglaysiz.

Toluq bet