Бурут мәсилиси японийидики телевизийә сөһбитидә

Уйғур районида елип бериливатқан сиясий иҗраатлар, тәңсизлики вә һәқсизлиқи биләнла әмәс, ғәйрийлики биләнму дуняниң диққитини тартмақта. Қәшқәр шәһәрлик партком 2007 ‏ - йили 25 ‏ - номурлуқ һөҗҗәт чиқирип, уйғур ишчи хизмәтчиләрниң бурут қоюшини чәклиши, бир қисим дуня җамаәтчиликини һәйран қалдурмақта.
Мухбиримиз шөһрәт һошур
2009-02-25
Елхәт
Пикир
Share
Принт
Бу, уйғур елиниң мәлум шәһириниң кочилириниң биридики уйғурларниң һайатидин бир көрүнүш болуп, сүрәт, йолда кетип барған бир сақаллиқ уйғур бовай вә базардин бир көрүнүш.
Бу, уйғур елиниң мәлум шәһириниң кочилириниң биридики уйғурларниң һайатидин бир көрүнүш болуп, сүрәт, йолда кетип барған бир сақаллиқ уйғур бовай вә базардин бир көрүнүш.
RFA Photo

Бүгүн, йәни2009 - йили 25 ‏ - феврал күни, японийиниң факура телевизийисидә хитайдики милләтләр мәсилиси дегән темида телевизийә сөһбити өткүзүлгән. Сөһбәткә токйодики мәшһур сиясий анализчилар вә кишилик һоқуқ паалийәтчилири болуп 7 киши иштирак қилған болуп, сөһбәт җәряни телевизийәниң мәдәнийәт қанили нәқ мәйдандин тарқитилған. Сөһбәткә японийә уйғур җәмийитиниң рәиси илһам тохтиму қетилған. Сөһбәт җәрянида, қәшқәрдә йолға қоюлған бурут чәкләш түзүми қиззиқ муназирә темисиға айланған.

Японийә уйғур җәмийитиниң рәиси илһам махмутниң бүгүн японийидики факура телевизийисидә өткүзүлгән сөһбәттин биз мәлумат бәрди. Телевизийә сөһбитидә, хитайниң милләтләр сиясити, хитайдики миллий районларниң вәзийити муназирә темиси болған.

Сөһбәттә, илһам махмут, уйғур райониниң иқтисадиниң талан - тарҗ қилиниватқанлиқи, уйғур районидики иқтисади тәрәққияттин уйғурларниң қилчә бәһриман болалмайватқанлиқи, иқтисадий җәһәттики еғир муһтаҗлиқ түпәйлидин, уйғурларниң маарип вә әхлақ җәһәттин чекиниватқанлиқи; йәнә әшу сәвәбтин уйғурларниң хитай қанунида бәлгүләнгән әқәллий һоқуқлирини тәләп қилишқиму қурби вә җасарити йәтмәйватқанлиқи қатарлиқ мәсилиләрни оттуриға қойған.

Илһам махмут оттуриға қойған мәсилиләр ичидә бурут мәсилиси көпчиликниң әң диққитини тартқан. Хитай һөкүмәт даирилириниң баян қилишичә, бурут қоюшни чәкләш дөләтниң дөләт мәмурлириниң қияпитини қелиплаштуруш түзүмигә уйғун болған нормал бир сиясәт. Уйғур паалийәтчилириниң билдүрүшичә, бу уйғурларниң өрп - адәтлиригә, җүмлидин һаят шәклигә қопаллиқчә вә әдәпсизчә арилишиш. Сиясий анализчиларниң қаришичә, бу хитайниң уйғурларни өзигә охшитивелиш тиришчанлиқиниң һәҗвийлишиши.

Илһам махмут телевизийә сөһбитидә йәнә, хитайниң һечбир өлкисидила, әмәс, дуняниң һич бир йеридә йолға қоюлуп бақмиған сиясәтләрниң уйғур районида йолға қоюливатқанлиқини әскәрткән. У бу нуқтида, пүтүн дуняда өлүм җазасини әмәлдин қалдуруватқан пәйттә, уйғур сиясий мәһбусларға қарита өлүм җазаси бериватқанлиқини, пүтүн дуня ана тилни қәдирләшни йүксәк бир мәдәнийәт санаватқан пәйттә, уйғур тилиниң хәвпкә дуч келиватқанлиқини, пүтүн дуняда земинидин нефит чиққан милләтләр гүллиниватқан пәйттә хитай енергийә сәрпиятиниң %32 ини тәминләватқан уйғур земининиң пуқралириниң намратлишиватқанлиқини истатистикилиқ мәлуматлар билән баян қилған.

Һөрмәтлик оқурмәнләр, юқурида биз силәргә, қәшқәрдә йолға қоюлған бурут чәкләш түзүминиң японийәдики бир телевизийә сөһбитидә муназирә қилинғанлиқи һәққидә тәпсилий хәвәр бәрдуқ.

Юқиридики аваз улинишидин, сөһбитимизниң тәпсилатини аңлайсиз.

Пикирләр (0)
Share
Толуқ бәт