Алматада барин қозғилиңи қурбанлирини әсләш паалийити өткүзүлди

Ихтиярий мухбиримиз ойған
2013-04-04
Елхәт
Пикир
Share
Принт
Сүрәттә, барин инқилабчилирини тутуш вә қирғин қилишқа қатнашқан биңтуән хитай қораллиқ "деһқан" лиридин бир көрүнүш.
Сүрәттә, барин инқилабчилирини тутуш вә қирғин қилишқа қатнашқан биңтуән хитай қораллиқ "деһқан" лиридин бир көрүнүш.
File Photo

1-Апрелда алмата шәһириниң султанқорған мәһәллисидә 1990-йилқи барин қозғилиңи қурбанлирини хатириләш мурасими өткүзүлгән болуп, униңға алмата шәһири вә униң әтрапидики йеза вә наһийиләрдин кәлгән вәкилләр қатнашти.

Мәлумки, 1990-йилниң 5-апрел күни қәшқәр вилайитиниң барин йезисида йүз бәргән қораллиқ қозғилаң азадлиқни, әркинликни қолға кәлтүрүшкә, кишилик һоқуқлирини һимайә қилишқа қаритилған болуп, уни рәһимсиз бастуруш үчүн хитай һөкүмити көп санда һәрбий күчини аҗратқан иди. Буниң нәтиҗисидә гунаһсиз қурбан болғанларниң, изсиз йоқап кәткәнләрниң һәм түрмигә қамалғанларниң ениқ сани һазирғичә намәлум болмақта.

Барин, 1997-йилқи ғулҗа феврал қанлиқ вәқәси, 2009-йилқи үрүмчи июл қанлиқ паҗиәси, шундақла қәшқәр, хотән, корла вә уйғур елиниң башқиму шәһәр вә йезилирида йүз бәргән һәм бүгүнгичә тохтимай келиватқан қаршилиқ һәрикәтлири дуня җамаәтчиликиниң, инсан һәқлири тәшкилатлириниң, анализчиларниң диққәт мәркизидә болмақта. Мәзкур қаршилиқ һәрикәтлиридә қурбан болғанларни хатириләш бүгүнки күндә әнәнигә айланди. Дуняниң һәр қайси мәмликәтлиридә яшаватқан уйғур җамаәтчилики бу қозғилаңларниң нөвәттә әркинликкә, инсан һәқлирини қоғдашқа қаритилғанлиқини, уйғурларниң бүгүнму һәм әтиму бу күрәшни тохтатмайдиғанлиқини тәкитлимәктә.

Алматада тәшкилләнгән нөвәттики хатириләш паалийити әнә шуниң йәнә бир испатидур. Паалийәт давамида юрт җамаәтчилик бир йәрдә җәм болуп, азадлиқ, әркинлик үчүн қаза болғанларға һөрмәт билдүрди. Қурбан болғанларға атап қуран оқулғандин кейин қурбанҗан турғаноф барин вәқәси һәққидә доклат оқуди. Андин сөз алған сиясәтшунас қәһриман ғоҗамбәрди дуня уйғур қурултийи рәиси рабийә қадирниң паалийити, уйғур елидики әһвал һәм хитайдики сиясий вәзийәт һәққидә тәпсилий мәлумат бәрди һәм соалларға җаваб бәрди.

Мурасимда, шундақла бу йил франсийидә өткүзүлидиған аяллар йиғиниға баридиған вәкилләр сайланди.

Радиомиз зияритини қобул қилған сиясәтшунас қ. Ғоҗамбәрди барин вәқәсиниң тарихий әһмийити һәм уйғурларға көрсәткән тәсири һәққидә тохталди.

Пикирләр (0)
Share
Толуқ бәт