Uyghurlar xongkong naraziliq namayishini qollaydighanliqini ipadilidi

Muxbirimiz jüme
2019-09-03
Élxet
Pikir
Share
Print
Uyghurlar amérika paytexti washin'gtonda teshwiqat pa'aliyiti uyushturup, xongkongdiki namayishini qollaydighanliqini ipadilidi. 2019-Yili 2-séntebir.
Uyghurlar amérika paytexti washin'gtonda teshwiqat pa'aliyiti uyushturup, xongkongdiki namayishini qollaydighanliqini ipadilidi. 2019-Yili 2-séntebir.
RFA

2-Séntebir washin'gton we uning etrapidiki bir qisim Uyghurlar amérika paytexti washin'gtonda teshwiqat pa'aliyiti uyushturup, xitayning Uyghurlargha qaratqan basturush siyasitini eyiblesh bilen birge xongkongda ötken bir nechche aydin buyan dawam qiliwatqan naraziliq namayishini qollaydighanliqini ipadilidi. Pa'aliyette yene xongkong namayishchilirigha qolliniliwatqan zorawanliqlar eyiblendi.

Mezkur pa'aliyetni Uyghur pa'aliyetchi irade qeshqeri teshkilligen bolup, pa'aliyetke asasliqi Uyghur yashliri ishtirak qildi.

Pa'aliyette, xitayning Uyghurlargha qaratqan basturush herikiti, lagér tüzümi, xongkongdiki namayish we ulargha qaritilghan zorawanliqlar bayan qilin'ghan resimler chaplan'ghan bir uchur témi hasil qilindi. Ötken-kechkenlerge xitayning Uyghurlargha qaratqan basturush herikiti we xongkong namayishi heqqidiki uchur waraqchilirini tarqitildi.

Pa'aliyet teshkilligüchiliri xitay kompartiyesining Uyghurlarni keng kölemlik basturuwatqanliqini, nöwette ularning qara qolini xongkong xelqige sun'ghanliqini hemde buningdin intayin endishelinidighanliqini bildürüshti.

Ular bu pa'aliyet arqiliq xitay kompartiyesining zulumida ingrawatqan Uyghur we xongkongluqlar weziyitige téximu köp diqqet tartish meqsitige yetmekchi boluwatqanliqini bildürdi.

Xitay hökümiti, 2016-yilidin buyan Uyghur rayonida tutup turush lagérlirini kölemleshtürüp, bir milyondin ikki milyon'ghiche Uyghur qatarliq türkiy milletlerni lagérlargha qamidi.

Uyghur mesilisi xelq'ara diqqet merkizi boluwatqan mezgilde xongkong xelqi xongkongda maqullinish aldida turghan "Jinayetchilerni ötküzüp bérish qanuni" gha naraziliq bildürüp namayish bashlighan.

Namayish dawam qiliwatqinigha hazir 80 nechche kündin ashti. Xongkong da'iriliri mezkur qanunning waqtinche toxtitilghanliqini bildürgen bolsimu, emma qanunning pütünley emeldin qaldurulghanliqini jakarlimidi.

Toluq bet