Xitay da'irilirining saqal-burut cheklimisi xelq'ara metbu'atlarning diqqitini qozghidi

Muxbirimiz méhriban
2014-04-25
Élxet
Pikir
Share
Print

Yéqindin buyan da'irilerning Uyghurlargha qaratqan atalmish "Diniy keypiyatning simwoli bolghan saqal-burut we kiyim kéchek-cheklimisi"ning küchiyishi, xelq'ara metbu'atlarning Uyghur weziyiti heqqidiki xewerliride asasiy salmaqni igileshke bashlidi.

25-Aprél küni en'giliyide chiqidighan téligraf gézitide, aqsu shayar nahiyiside yolgha qoyulghan saqal qoyghan erlerge 50 somdin 50 ming somghiche jerimane qoyulghanliqi, saqalliq erler we hijapliq ayallarning tekshürüsh hetta tutqun qilish obiktigha aylan'ghanliqi heqqidiki xewer bésildi.

Pochta-téligraf géziti xewerning xitayning yer shari waqti gézitining peyshenbe künidiki xewiridin neqil élin'ghanliqini eskertip, "Shinjang da'iriliri hazir saqal qoyghan Uyghurlarni hujum nishani qildi.

Saqal, burut da'irilerning neziride diniy radikalliqning ispati dep qarilip, saqal qoyghan Uyghurlar her jehettin qattiq cheklime we basturushqa uchrimaqta. Emma Uyghurlarning neziride saqal, burut qoyush musulmanliqning we örp-adetning belgisi dep qarilidu" dégen bayanlar bérilgen.

Toluq bet