Мая ваң: «пакистан уйғурлардин башқа һәммә мусулманларға көңүл бөлиду»

Мухбиримиз ирадә
2019-04-18
Елхәт
Пикир
Share
Принт

Бүгүн хәлқара кишилик һоқуқни көзитиш тәшкилатиниң тәтқиқатчиси мая ваң «хәвәр һәптилики» журнилида бир парчә мақалә елан қилип, пакистан баш министири имран ханниң уйғур мусулманлириға қиливатқан икки йүзлимичиликини тәнқид қилди.

«Пакистан йеқин шерики хитай зулум қиливатқанлардин башқа һәммә мусулманларға көңүл бөлиду» дегән кинайилик мавзу қоюлған бу мақалә дәл имран ханниң келәр һәптә хитайға қилидиған рәсмий зиярити башлиниш алдида елан қилинған.

Мая ваңниң көрситишичә, имран хан пакистанда бир өктичи сиясәтчи мәзгилидила дуняниң һәрқайси җайлиридики мусулманларниң һоқуқи үчүн актип аваз чиқирип кәлгән бир шәхис икән. У 2017-йили б д т баш катипиға мәктуп йоллап, хәлқара җәмийәтни роһинга мусулманлирини қоғдаш үчүн йетәрлик күч чиқармиди, дәп қаттиқ тәнқид қилған болса, техи йеқинда йеңи зеландийәдики мәсчиттә йүз бәргән қораллиқ һуҗумдин кейин тивиттерда елан қилған язмисида «11-сентәбир вәқәси» дин кейин 1 йерим милярдқа йеқин мусулманларниң террорчилар билән охшаш бир таяқта һәйдәлгәнликидин шикайәт қилған.

Мая ваң мақалисидә имран ханниң мусулманларниң һоқуқини қоғдашта наһайити актип бири болғанлиқи сәвәбидин униң хитай һөкүмитиниң зулумиға учраватқан уйғур мусулманлириға кәлгәндә «мениң бу иштин хәвирим йоқ» дәп олтурувелишиниң алаһидә диққәт тартидиғанлиқини әскәрткән.

Имран хан бу йил 3-айда «малийә вақти гезити» ниң зияритини қобул қилғанда мухбирниң уйғурларниң лагерға қамиливатқанлиқи һәққидики соалға «мән бу һәқтә көп нәрсә билмәймән» дәп җаваб бәргән иди.

Мая ваң мақалисидә пакистанниң һазир хитайниң «бир бәлвағ бир йол» қурулушидики әң муһим дөләт икәнлики вә һиндистанниң өз территорийәси ичидики қораллиқ гуруппиларға қарши һәрикәт қозғишиниң алдини елишта хитайға еһтияҗи барлиқи нуқтисидин имран ханниң бу мәсилини көрмәскә селивелишини қисмән чүшинишкә болидиғанлиқини тилға алған. Әмма у пакистанниң б д т дики вәкиллириниң кишилик һоқуқ кеңишидә хитай үчүн яқа йиртип, «хитай һөкүмити мусулман пуқралириниң һалидин обдан хәвәр еливатиду» дәп җар селишини чүшинишниң һәқиқәтәнму қейинлиқини билдүргән.

Пикирләр (0)
Share
Толуқ бәт