Хитай өктичиләр обаманиң ши җинпиңдин немишқа уйғурларниң сақал-бурутиға чеқилғанлиқини сорашни тәләп қилди

Мухбиримиз әркин
2016-03-31
Елхәт
Пикир
Share
Принт

Америкидики «пуқралар күчи» намлиқ хитай өктичи тәшкилати баянат елан қилип, президент обаманиң пәйшәнбә күни хитай рәиси ши җинпиң билән көрүшкәндә униңдин 4 һалқилиқ соални сорашни тәләп қилди.

«Хитай пуқралар күчи» тәшкилати обаманиң соришини тәләп қилған төт соалниң бири, тибәт вә уйғурларниң һоқуқиға алақидар. Бу соалда обаманиң «бәзи өлкиләрдики аз санлиқ милләтләрниң аптономийә һоқуқи хитай асасий қануниниң 4‏-маддисида капаләткә игә қилинған болсиму, әмма уларниң бу һоқуқни йүргүзүши немә үчүн рәт қилиниду?........ Әгәр сән уйғурларниң миллий кимликини қанунсиз йоқитишқа уруниватқанмиған болсаң, немә үчүн уйғурларниң коммунизм пешваси-карл маркс қойған сақал-бурут қоюшиға йол қоюлмайду» дәп сориши тәләп қилинған.

Хитай рәиси ши җинпиң пәйшәнбә күни обама билән көрүшиду. Ши җинпиң президент обаманиң саһибханлиқидики дуня ядро бихәтәрлик йиғиниға қатнишиш үчүн вашингтонға кәлгән иди.

«Хитай пуқралар күчи» ниң қалған 3 соали диний әркинлик, «тйәнәнмен вәқәси», «дөләтни қанун билән идарә қилиш» қа алақидар.

«Хитай пуқралар күчи» баянатида, президент обамани хитай асасий қануниға, униң алақидар қанунлириға хилаплиқ қиливатқан кишиниң вәдисигә ишинип кәтмәсликкә чақирип, униң «хәлқара тән җазасини чәкләш низами», «пуқралиқ -сиясий һәқләр әһдинамиси», у имза қойған башқа хәлқара мизанларға әмәл қилиши гуманлиқ икәнликини билдүргән.

Пикирләр (0)
Share
Толуқ бәт