"Musulmanlar zhurnili" da Uyghur musulmanlirini qollash heqqide maqale élan qilindi

Muxbirimiz sada
2019-05-15
Élxet
Pikir
Share
Print

Xitayning milliy we diniy zulumliri astida éziliwatqan Uyghurlarni qollash pa'aliyetliri xelq'arada jiddiy tüs éliwatqan bir mezgilde "Musulmanlar zhurnili" ning bu ayliq sanida "Uyghur musulmanlirini qollash" témisida bir parche maqale élan qilindi.

Maqalide yéqinqi bir qanche yildin buyan Uyghur diyaridiki Uyghurlarning yilda bir qétim kélidighan ramizan éyida roza tutushi, ayallarning yaghliq artip, erlerning saqal qoyushi pütünley cheklen'genliki, yuqiriqilarning birini qilip qalghanlarning xitay hökümiti teripidin atalmish "Diniy ashqunluq idiyesining tesirige uchrighan" dégen qalpaq bilen lagérlargha tashlinidighanliqi alahide tilgha élin'ghan.

Uningdin bashqa maqalide yene ata-anisi xitayning yighiwélish lagérlirigha ekétilgen, ige-chaqisiz qalghan 500 mingdin artuq Uyghur perzentlirining tirik yétimgha aylinip qalghanliqidek échinishliq paji'elermu bayan qilin'ghan.

Maqalide qeyt qilinishiche, xitayning yighiwélish lagérlirigha solan'ghan Uyghurlar peqet musulman bolghanliqi üchünla xitayning zor kölemlik tutqun qilish nishanigha aylanmaqtiken we insaniy xorluqlargha uchrimaqtiken.

Maqalide amérikaning chikago shehiridiki el-teqwa meschitining imami tariq el eminning Uyghur musulmanlirini qollash heqqide qilghan sözliri neqil élin'ghan. U mundaq dégen: "Biz silerning Uyghurlarning weziyiti heqqide toluq bir chüshenchige ige bolushunglarni hem shular üchün awaz chiqirishinglarni ümid qilimiz."

Közetküchiler Uyghurlar mesilisining amérikadiki "Musulmanlar zhurnili" da élan qilinishi gherbtiki musulmanlar jama'itining bu mesilini islam dunyasigha yéyishida muhim rol oynaydu, dep qarimaqta.

Toluq bet