Qatar xitayning Uyghurlargha tutqan siyasitini qollap imza qoyghan 50 döletning ichidin chékinip chiqqan

Muxbirimiz sada
2019-08-21
Élxet
Pikir
Share
Print

Ötken ayda musulman ellirini öz ichige alghan 50 dölet xitayning Uyghur diyaridiki qattiqqol basturush siyasitini qollap, b d t kishilik hoquq aliy kéngishige imzaliq xet ewetken idi. Yéqinda ottura-sherqtiki muhim dölet qatar bu 50 döletning ichidin chékinip chiqqan.

"Blumbérg" gézitining 20-awghusttiki xewiride déyilishiche, qatar hökümiti b d t kishilik hoquq aliy kéngishining prézidénti koliy sékke özlirining 7-ayning 12-küni xitayning Uyghurlargha qaratqan qattiqqol siyasitini qollap imzalighan xétini qayturuwalidighanliqi heqqide melumat bergen. "Blumbérg" géziti bu ehwal heqqide qatar hökümitining alaqe ishxanisi we b d t ning munasiwetlik orgini bilen alaqileshken bolsimu, héchqandaq jawabqa érishelmigen.

Qatarning b d t diki wekili eli el-mensori 18-iyul koliy sékke xet yézip, "Bizning bu birleshme imzaliq mektupqa imza qoyushimizning bizning chet'el siyasitimizdiki bitereplik siyasitimizge we bu jehettiki ewzellikimizge toghra kelmigenlikini hés qilduq. Mushu sewebtin biz biterep bolushni xalaymiz," dégen.

Qatar döliti dunyadiki eng chong suyuqlandurulghan tebi'iy gaz éksport qilidighan döletlerning biri bolup, "Blumbérg" gézitining xewiride qatarning yuqiriqi qararni chiqirishi uning xitay bilen bolghan soda hemkarliqigha melum tesir körsitidighanliqidin dérek béridighanliqi qeyt qilin'ghan.

Toluq bet