Uyghur karxanichilarning chiqish yoli nede?

Yéqinda xurun tetqiqat orni üchinchi yilliq xitaydiki baylarning sani we ularning rayonlargha tarqilish ehwalini élan qildi.
Muxbirimiz gülchéhre
2011-04-22
Élxet
Pikir
Share
Print
Xitay ölkisidiki bir karxanichining toyi murasimi üchün ishletken ésil mashiniliri. Toy murasimigha ketken pul $800,000 bolghan. 2006-Yili 21 öktebir.
Xitay ölkisidiki bir karxanichining toyi murasimi üchün ishletken ésil mashiniliri. Toy murasimigha ketken pul $800,000 bolghan. 2006-Yili 21 öktebir.
AFP

Mezkur doklatta "Uyghur aptonom rayonida 240 milyardér, her 7000 adem ichide bir milyonér bar" dep körsitilgen. Emma bu baylar tizimlikige birmu Uyghur milyardér yaki milyonér kirgüzülmigen bolup, Uyghur élidiki baylar arisida Uyghur milyardér hetta milyonérmu yoqmu? dégen so'allargha jawab élish üchün izdenduq.

Tengritagh Uyghur torining 15-aprél élan qilishiche, xurun tetqiqat orni 12-aprél küni 2011-yilliq baylar tizimlikini élan qilghan. Buningda körsitilishiche xitaydiki 31 ölke sheherler we aptonom rayondiki puldar kishilerning sani 960 minggha buning ichide milyardérlar 60 minggha yetken. Buningda yene Uyghur aptonom rayonidiki baylar sani memliket boyiche 26-orunda dep körsitilgen bolup, Uyghur élidin 240neper milyardér we 3000 neper milyonér bu yilqi baylar tizimlikige kirgen. Emma baylar tizimlikide birmu Uyghur ismi qatargha kirgüzülmigen.

Xewerge qarighanda, xurun milyonérlirining asas salghuchisi tekshürüp tetqiq qilghuchi xurun, Uyghur aptonom rayonida milyonérlarning ehwalining pütün xitaydiki ehwal bilen oxshiship kétidighanliqini, bularning asasen öy mülük xojayinliri, öy-zimin sodisi bilen shughullinidighanlar, kespi paychékler we bashqa tijaret igiliri ikenlikini bildürgen.

Milyonérlar omumyüzlük 2 milyon yüenliktin artuq özi olturidighan öy zémin'gha, 300 ming yüenlik aptomobilgha we bir milyon 200ming yüenliktin artuq meblegh sélishqa bolidighan mal mülükke ige iken.

Xurun milyonérlar taxtisi, 1999-yili xurun teripidin qurulghan xitaydiki tunji baylarni retke turghuzush taxtisi bolup, u xitay axbarat wasitilirining xitaydiki karxanichi baylar heqqide iz qoghlap igiligen xatirilirige asasen tetqiqat élip baridu we yilda bir doklat élan qilidu.

Xurun taxtisida élan qilghini boyiche éytqanda, Uyghur élide 240 neper milyardér bolghandin bashqa,3000neper milyonér bar bolsa, xitay élan qilghan Uyghur aptonom rayoni nopusigha nisbeten, Uyghur élide her 7195 kishi ichide bir milyonér bar bolghan bolidu.

Gerche Uyghur élide milliy karxanilar yéqinqi yigirme yildin buyan yoqluqtin barliqqa kélip, kichiktin zorayghan künsayin ronaq tépiwatidu dep teshwiq qiliniwatqan bolsimu, emma xurun élan qilghan baylar qatarigha bu yilmu birmu Uyghur bay yaki karxanichining kirelmesliki Uyghurlarni ejeblendürmekte.

Xurun taxtisida élan qilishqa sherti toshqudek bir Uyghur sodiger yaki bay yoqmu? Uyghur élide béyiwatqanlar peqetla xitay meblegh salghuchilirimu? bu so'allargha jawab élish üchün aldi bilen, mezkur xewerni élan qilghan tengritagh tori Uyghur bölüm tehriri bilen alaqileshtuq, emma mezkur xewerni élan qilghuchi muxbir bu xewerni peqet asiya merkizi toridin terjime qilip qoyghanliqi, Uyghur élidiki milyonér we milyardérlarning ichide Uyghur bar‏-yoqluqi heqqide izdenmigenlikini bildürdi.

Uyghur élidiki nopuzluq bir milliy karxanining, ismini ashkarilashni xalimighan bir igisi Uyghurlar arisida milyonér hetta milyardérlarning chiqidighanliqigha ishensimu, emma sanining cheklik ikenlikini shundaqla ularning özini we bayliqini ashkarilashni xalimaydighanliqini ipadilidi.

Uyghur élining jenub shimalidiki bir qanche sheherlerde zawut qurghan, Uyghurlar arisida bay atiliwatqan yene bir yash Uyghur karxanichi bolsa, Uyghurlar arisida xéli közge körün'gen karxanichilar chiqiwatqan bolsimu, emma xitaylargha sélishturghili bolmaydighanliqini, chünki barliq siyasetlerning xitay karxanichi we meblegh salghuchilargha kengri bolghan bolsa, Uyghur karxanichilargha türlük tosqunluqlarning mewjutluqini, shu seweblik, Uyghur élige kélip téz arida béyiwatqan xitaylardek ronaq tapalmaywatqanliqini we Uyghur karxanichi, sodigerler peqet birliship, yéngi téxnikilarni kirgüzüp öz-ara hemkarlashqanda chiqish yoli tapalaydu dep oylaydighanliqini bildürdi.

Toluq bet