ບຶງທາຕຫຼວງເປັນຂອງຈີນ 50 ປີ

ຊາວລາວ ມີຄວາມ ເປັນຫ່ວງກັງວົນ ໃນໂຄງການ ພັທນາ ບຶງທາຕຫລວງ ໃຫ້ເປັນຂອງ ຈີນ 50 ປີ ຫລັງຈາກນັ້ນ ຣັຖບານ ຈະເອົາໄປຂາຍ ໃຫ້ໃຜ ນອກຈາກ ກຸ່ມນາຍທຶນ.
ສິດນີ
2012-12-28
ອີແມວລ໌
ຄໍາເຫັນ
Share
ພິມ
ໃນຂົງເຂດ ບຶງທາຕຫຼວງ
ໃນຂົງເຂດ ບຶງທາຕຫຼວງ
RFA

ໂຄງການພັທນາ ບຶງທາຕຫລວງ ໃຫ້ເປັນເມືອງໃຫມ່ ຂອງ ບໍຣິສັດຈີນ ໄດ້ເລີ້ມລົງ ມື້ຢ່າງເປັນ ທາງການ ໃນອາທີດນີ້ ໃນຂະນະ ດຽວກັນ ຄົນລາວ ບາງກຸ່ມ ກໍມີຄວາມ ກັັງວົນ ໃນໂຄງການ ດັ່ງກ່າວ ເນື່ອງຈາກວ່າ ໂຄງການນີ້ ຈະນຳ ເອົາຄົນຈີນ ເຂົ້າມາ ທຳມາຫາກີນ ແລະ ດຳເນີນ ທຸຣະກິດ ໃນພື້ນທີ່ແຫ່ງນີ້ ຫລາຍຫມື່ນຄົນ ເພາະຈີນ ໄດ້ສຳປະທານ ຈາກ ຣັຖບານລາວ ເປັນເວລາ 50 ປີ ຊື່ງຈະເປັນການ ຍາດແຍ່ງ ວຽກງານ ແລະ ການຢູ່ກິນ ຂອງ ປະຊາຊົນລາວ.

ຄົນລາວ ຜູ້ທີ່ບໍ່ປະສົງ ອອກຊື່ເວົ້າວ່າ ໂຄງການພັທນາ ບຶງທາຕຫລວງ ໃຫ້ເປັນ ເມືອງໃຫມ່ນັ້ນ ໄດ້ໂຍກຍ້າຍ ປະຊາຊົນ ຫລາຍຮ້ອຍຄອບຄົວ ແລະ ບາງຄົນ ກໍບໍ່ພໍໃຈ ໃນການໂຍກຍ້າຍ ແຕ່ກໍເວົ້າຫຍັງບໍ່ໄດ້ ເພາະພື້ນທີ່ ດັ່ງກ່າວ ມີຣາຄາສູງ ຈີນ ຈື່ງຕ້ອງການ. ທີ່ດິນ ຂອງຊາວບ້ານ ທີ່ອາສັຍ ຢູ່ໃນພື້ນທີ່ ແຫ່ງນີ້ ສ່ວນໃຫຍ່ ຈະເປັນດິນ ມໍຣະດົກຕົກທອດ ມາແຕ່ປູ່ຍ່າຕາຍາຍ ຂອງ ພວກຂະເຈົ້າ ບໍ່ສົນໃຈ ແລະ ບໍ່ພໍໃຈ ໃນຄ່າຊົດເຊີຍ ແບບບັງຄັບ ຂອງຣັຖບານ.

ບໍຣິສັດຈີນ ຈະສ້າງ ສະຖານທີ່ ດ່ັງກ່າວ ໃຫ້ເປັນສູນ ສັພພະສີນຄ້າ ຕືກອາຄານ ໃຫ້ຄົນເຊົ່າ ພ້ອມທັງສວນ ສາທາຣະນະ ສູນການຄ້າ ຕລາດ ທະນາຄານ ແລະ ບ່ອນແລກປ່ຽນ ສິນຄ້າ ປະເພດຕ່າງໆ ຈາກຈີນ ແລະ ເປັນກັມມະສິດ ຂອງຈີນ ໃນຣະຍະ 50 ປີ.

ຄົນລາວ ບໍ່ມີສິດ ຄອບຄອງ ພື້ນທີ່ດັ່ງກ່າວ ເຖິງແມ່ນວ່າ ຈະເປັນເຈົ້າຂອງ ທີ່ດີນ ໃນເຂດນັ້ນ ມາກ່ອນກໍຕາມ ຣັຖບານລາວ ຖືວ່າ ໂຄງການພັທນາ ບຶງທາດຫລວງ ເປັນໂຄງການ ທີ່ຈະຍົກຣະດັບ ພາບພົດຂອງ ສປປລາວ ໃນຍຸກໃຫມ່ ແຕ່ປະຊາຊົນລາວ ຢ້ານວ່າ ເປັນການເສັຽ ອະທິປະຕັຍ ຂອງລາວ ໃນອະນາຄົດ.

ຄໍາເຫັນ (6)
Share

Bannok

ຈາກ 22

ທຸກໆຄົນມີສິດ ອອກຄວາມຄິດເຫັນ, ແຕ່ບໍແມ່ນສັດຕູຸ, ທຸກໆຄົນມີສິດ ຢູ່ຣວມກັນໄດ້ ບ້ານເມືອງມີກົດຫມາຍ . ແມ່ນແຕ່ ອາເມຣິກາ ເຂົາມີທຸກສັນຖົ່ວໂລກ ເຂົ້າມາຕັ້ງຖິນຖານ (ຣວມທັງຄົນລາວ) ແຕ່ກໍຍັງເປັນ ປະເທດເທົ້າ ປັຈຸບັນນີ້.(ແລະຈະເລີນ ອີກດ້ວຍ)


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 02:41 PM

ດວງມາລາ

ຈາກ ທ່າເດື່ອ

ສະຖານທີ່ສຳຄັນ ມອບໃຫ້ຕ່າງປະເທດ, ບ່ອນໄດບໍ່ເປັນຕາສະເທດ ຮັກສາໄວ້ໃຫ້ຄົນລາວ ຈັງແມ່ນສລາດສ່ອງໃສ ສ້າງແຕ່ຄວາມຈັງໄຮ ສຸດຍອດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 11:03 AM

ຄົນລາວ

ຈາກ ເມືອງລາວ

ລະວັງ ພໍມັນສ້າງແລ້ວ ແລະນຳເອົາຄົນຈີນເຂົ້າມາຢູ່ ມັນຈະຂຽນປ້າຍໃສ່ປະຕູເຂົາວ່າ "ຫມາ ແລະຄົນລາວຫ້າມເຂົ້າ" ດັ່ງດຽວກັບພວກຕ່າງຊາດ ໃນເຂດເຊົ່າເມືອງ ຊຽງໄຮ້ ຂຽນຫ້າມຄົນຈີນ ໃນສັຕວັດທີ່ 19 ແລະ ສັດຕະວັດທີ່ 20.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 10:58 AM

khon lao

Don't even say again that Lao people are so idiot ok? who the hell are you living in USA and pay tax every year? not idiot too?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 10:41 AM

ຄົນລາວ

ຈາກ ເມືອງລາວ

ຖ້າຫາກພໍ່ແມ່ພີ່ນອ້ງຊາວລາວ ທົ່ວປະເທດ ຍັງພາກັນນິ່ງເສີຍ ບໍ່ເຮັດສິ່ງໃດ ເພື່ອຄັດຄ້ານລັຖບານແລ້ວ ຢ່າວ່າແຕ່ເຮົາຈະສູນເສັຍ ພຽງບຶງທາດຫລວງ ໃຫ້ແກ່ຈີນ ປະເທດລາວ ຍັງຈະຖືກແບ່ງ ອອກເປັນສອງສ່ວນ, ສ່ວນນຶ່ງເປັນຂອງຈີນ ອີກສ່ວນນຶ່ງ ເປັນຂອງວຽດນາມ ແລ້ວລາວເຮົາລະ ຈະເຫລືອອີຫຍັງ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 10:17 AM

ເບິ່ງຄວາມເຫັນທັງໝົດ.

ເຕັມຫນ້າ