ກຸ່ມຄ້າຢາຣາຍໃຫຽ່ ບໍ່ເຄີຍຖືກຈັບ

ປະຊາຊົນ ລາວ ມີຂໍ້ສົງສັຍ ເພາະ ສັງເກດເຫັນວ່າ ເປັນຫຍັງ ເຈົ້າຫນ້າທີ່ລາວ ຈື່ງບໍ່ສາມາດ ຈັບກຸ່ມ ຄ້າຢາເສພຕິດ ລາຍໃຫຍ່ ໄດ້ຈັກເທື່ອ.
ສິດນີ
2012-12-27
ອີແມວລ໌
ຄໍາເຫັນ
Share
ພິມ
ຢາບ້າ ທີ່ມີແພ່ຫຼາຍ ໃນລາວ
ຢາບ້າ ທີ່ມີແພ່ຫຼາຍ ໃນລາວ
Ramot treatment center for addiction

ຊາວລາວ ສ່ວນໃຫຍ່ ຍັງບໍ່ເຊື່ອວ່າ ຢາເສພຕິດ ໃນລາວ ຈະຫລຸດລົງໄດ້ ຕາມທີ່ທາງການ ປະກາດອອກມາ ແຕ່ເຊື່ອວ່າ ການຈັບກຸມ ນັກຄ້າຢາເສພຕິດ ສ່ວນໃຫຍ່ ໃນລາວນັ້ນແມ່ນ ພວກຂາຍຍ່ອຍ ຫລາຍກວ່າ ພວກຄ້າຣາຍໃຫຍ່ ນັ້ນບໍ່ເຄີຍຈັບໄດ້ ຈື່ງເຮັດໃຫ້ ຂະເຈົ້າຄິດວ່າ ອາດຈະມີການ ສົມຮູ້ຮ່ວມຄິດ ກັບ ເຈົ້າຫນ້າທີ່ ແຕ່ກໍບໍ່ມີ ຫລັກຖານ ມາອ້າງອິງ. ດັ່ງຄົນລາວ ຜູ້ນື່ງເວົ້າວ່າ:

"ຕາມເຮົາເປັນ ປະຊາຊົນ ເຮົາເບີ່ງນີ້ ມັນກໍແກ້ໄຂຍາກ ທີ່ຜ່ານມາເຮົາ ບໍ່ຄ່ອຍຈັບ ໄດ້ລາຍໃຫຍ່ ຈັກເທື່ອ ໄດ້ແຕ່ນ້ອຍໆ ຂາຍເປັນ 200-300 ເມັດ ແຕ່ວ່າ ພວກ ໃຫຍ່ໆແທ້ໆ ມັນເປັນຫຍັງ ຈັບບໍ່ໄດ້ຈັກເທື່ອ ປະຊາຊົນ ເຂົາກໍຕັ້ງ ຄຳຖາມຢູ່ ແຕ່ວ່າ ມັນກໍບໍ່ສູ້ ວ່າຈະ ພິສູດໄດ້ ເພາະວ່າ ປະຊາຊົນ ເຂົາກໍຂັດຂ້ອງຢູ່ ແຕ່ວ່າເຂົາ ກໍພິສູດ ບໍ່ໄດ້ວ່າ ເປັນຫຍັງ ພວກມືໃຫຍ່ ເຮົາຈັບເຂົາບໍ່ໄດ້ ຈັກເທື່ອ".

ທ່ານກ່າວ ຕໍ່ໄປວ່າ ຢາເສພຕິດ ຢູ່ລາວ ບໍ່ມີທາງ ຈະຫມົດລົງໄດ້ ເນື່ອງຈາກວ່າ ຫລັງຈາກລາວ ກາຍເປັນ ທາງຜ່ານທາງບົກ ການລັກລອບ ຂົນສົ່ງ ຢາເສພຕິດ ຜ່ານລາວ ກໍຈະເພີ້ມຂື້ນ ຮ່ວມດ້ວຍ ຄວາມທຸກຍາກ ໃນລາວ ທັງສອງຢ່າງນີ້ ຈະດືງດູດ ໃຫ້ຄົນລາວ ຈຳນວນນື່ງ ຫັນມາປູກ ຜລິດ ແລະ ສົ່ງຢາເສພຕິດ ຫລາຍຂື້ນ ເພື່ອຫາຣາຍໄດ້ ໃຫ້ຄອບຄົວ. ການປາບປາມ ຂອງເຈົ້າຫນ້າທີ່ ລາວກໍບໍ່ເຂັ້ມແຂງ ປານໃດ ດັ່ງປະຊາຊົນ ແຂວງ ສວັນນະເຂດ ອີກຜູ້ນື່ງ ເວົ້າວ່າ:

"ຄັນຕາມເບີ່ງ ຢູ່ແຂວງ ສວັນນະເຂດ ມັນກໍບໍ່ຄ່ອຍ ເຂັ້ມແຂງ ປານໃດ ເຣື້ອງການປາບປາມ ເຮົາກໍເຫັນຕາມ ຊອກຊອຍ ເດັກເລັກເດັກນ້ອຍ ມັນກໍມີ ຂາຍກັນຢູ່ ຄັນເອົາເຂົ້າໄປຂັງ ຢູ່ໃນຫ້ອງຂັງ ກໍຍັງ ຕິດຢາເສພຕິດ ຄືເກົ່າ ມັນເປັນໄດ້ຢ່າງໃດ ມັນມີຢາເສພຕິດ ໄດ້ຢ່າງໃດ ຂນາດຢູ່ໃນ ຫ້ອງຂັງແລ້່ວ".

ບັນຫາ ຢາເສພຕິດ ໃນລາວ ບໍ່ເຄີຍຫລຸດລົງ ເຖີງແມ່ນວ່າ ເຈົ້າຫນ້າທີ່ ຣະດັບສູງ ຂອງລາວ ໄດ້ໃຫ້ຄຳປາສັຍ ໃນກອງປະຊຸມ ສະພາຄັ້ງທີ 9 ວ່າ ຣັຖບານລາວ ເອົາຈິງເອົາຈັງ ກ່ຽວກັບ ການແກ້ໄຂ ບັນຫາ ຢາເສພຕິດ ປະເພດຕ່າງໆ ກໍຕາມ ແຕ່ສະພາບ ໂຕຈິງແລ້ວ ຢາເສພຕິດ ຍັງແຜ່ລາມ ຫລາຍຢູ່ໃນລາວ ໃນທຸກມື້ນີ້.

ຄໍາເຫັນ (5)
Share

ຄົນຮັກຊາດ

ຈາກ ວຽງຈັນ

ບາງທີຄົນທີ່ຜະລິດ ອາດຈະເປັນຜູ້ ທີ່ມີອິດທິພົນໃນລາວ ເພາະເຄີຍໄດ້ຍິນຫຼາຍຄົນເວົ້າວ່າ ມີຮອດທະຫານໄປຍາມໃຫ້ ບ່ອນຜະລິດຢາ ແຕ່ເຂົາກໍ່ເວົ້າຫຍັງບໍ່ໄດ້ ເພາະມັນເປັນຂອງຜູ້ໃຫຍ່ ຫຼື ຂອງລູກຜູ້ໃຫຍ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 11, 2013 10:59 AM

ອຸຕະມະ

ຈາກ ເມືອງລາວ

ເວົ້າໄດ້ແຈ້ງວ່າ ຮ້າຍກ່ວາ ຂູນສາຄືນຊີບອີກ ເພາະມີທຸກແຫ່ງຫົນ, ທຸກຄອກແຄແຈຮົ້ວ ແບບມືດຟ້າມົວຝົນ ຄົນຈົນທົນບໍ່ໄດ້ ຈິງແທ້ ແນ່ນອນ ເດີ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 10:19 AM

ຊະນະໄພ

ຈາກ ວຽງຈັນ

ຂ່າວ RFA ສ່ວນໃຫ່ຍ ບໍ່ຄ່ອຍຖືກຕ້ອງ ກັບຄວາມຈິງ ແຕ່ສຳຫຼັບຂ່າວນີ້ ຂ້ອຍຂໍຍົກໂປ້ໃຫ້ ແລະ ຢືນຢັນວ່າຖືກຕ້ອງ 100% ທີ່ຈິງແລ້ວມັນ ກໍ່ບໍ່ແມ່ນເລື້ອງຍາກ ທີ່ຈະລະບຸວ່າໃຜຄ້າ ຢາເສບຕິດ ໃຫ້ເບິ່ງຄວາມລ້ຳລວຍ ຂອງຄົນແບບໄວວາ ແລະ ບໍ່ມີທຸລະກິດ ເປັນຫຼັກແຫຼ່ງ ໃນປະຈຸບັນ ພວກທີ່ລ້ຳລວຍ ຈາກການຄ້າຢາເສບຕິດ ເຂົາກຳລັງຟອກເງີນ ໂດຍເປັນຜູ້ຮັບເໝົາ ໂຄງການໃຫ່ຍໆ, ເປີດຮ້ານຂາຍລົດໃຫ່ຍ ຍີ່ຫໍ້ແພງໆ ມີບໍ່ອຶດ ສຳຫຼັບຜູ້ຂົນ ແມ່ນເຈົ້າໜ້າທີ່ຕຳລວດ ແລະ ທະຫານເຮັດເອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 02, 2013 12:03 PM

ຄົນລາວ

ຈາກ ເມືອງລາວ

ພວກຄ້າຢາລາຍໃຫຍ່ ກໍຄືພວກ ເຈົ້າໃຫຍ່ນາຍໂຕ ນັ້ນເອງ ໃຜຊີກ້າຈັບ, ຂືນແຕະຕ້ອງ ກໍມີແຕ່ຕາຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 11:01 AM

ຄົນລາວຮັກຊາດ

ຈາກ ວຽງຈັນ

ຢາເສບຕິດ ເປັນແຫຼ່ງລາຍຮັບໃຫ້ແກ່... ບໍ່ສົນໃຈອານາຄົດຂອງຊາດ ຈະເປັນແນວໃດກໍ່ຕາມ ລູກໃຜລູກມັນຮັກສາເອົາເອງ ກູລວຍກໍ່ພໍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 10:59 AM

ເບິ່ງຄວາມເຫັນທັງໝົດ.

ເຕັມຫນ້າ