ສີວັນໄຊພົມມະລາດ ຖືກຂັງປິດຫ້າມຢ້ຽມ

ເຈົ້າໜ້າທີ່ ບໍ່ ອະນຸຍາດ ໃຫ້ ພີ່ນ້ອງ ຄອບຄົວ ເຂົ້າຢ້ຽມ ນາງ ສີວັນໄຊ ພົມມະລາດ ທີ່ຖືກກັກຂັງ ຢູ່ຄຸກ ແຂວງຄຳມ່ວນ ຍ້ອນນາງ ຂັດຂືນ ຕໍ່ຄໍາສັ່ງ ຂອງຫ້ອງການ ປົກຄອງເມືອງ ໃນການຍຶດ ທີ່ດິນ.
ອະວາຣີ
2012-12-27
ອີແມວລ໌
ຄໍາເຫັນ
Share
ພິມ
ການກັກຂັງ ຄວບຄຸມຕົວ ເກີນກໍານົດ ເປັນການ ລ່ວງຣະເມີດ ສິທທິບຸກຄົນ ຮວມໄປເຖີງ ສິດທິມະນຸດ
ການກັກຂັງ ຄວບຄຸມຕົວ ເກີນກໍານົດ ເປັນການ ລ່ວງຣະເມີດ ສິທທິບຸກຄົນ ຮວມໄປເຖີງ ສິດທິມະນຸດ
blogspot

ເຈົ້າໜ້າທີ່ ຕຳຣວດ ແຂວງຄຳມ່ວນ ບໍ່ ອະນຸຍາດ ໃຫ້ ທ່ານ ສຸກພະອວນ ພົມມະລາດ ຜູ້ເປັນຜົວ ແລະ ພີ່ນ້ອງ ຄອບຄົວ ເຂົ້າຢ້ຽມ ນາງ ສີວັນໄຊ ພົມມະລາດ ຜູ້ເປັນເມັຍ ຢູ່ໃນຄຸກ ແຂວງຄຳມ່ວນ. ດັ່ງທ່ານ ສຸກພະອວນ ໄດ້ເລົ່າ ຣາຍລະອຽດ ໃຫ້ຟັງວ່າ:

"ພວກເພິ່ນ ທີ່ກຳຄະດີ ຂອງ ເມັຍຂອງນ້ອງ ນັ້ນແຫລະ ຫ້ອງການ ສັນຕິບານ ຂໍໄປຢ້ຽມ ເພິ່ນບໍ່ໃຫ້ ໄປຢ້ຽມ ຍັງຢ້ຽມບໍ່ໄດ້ຫວະ ນາຍຍັງ ບໍ່ໃຫ້ຢ້ຽມ ເພິ່ນກະອີງວ່າ ນາຍບໍ່ໃຫ້ຢ້ຽມ ເທົ່ານັ້ນແຫລະ ຄືມື້ນີ້ ນ້ອງຈະເຂົ້າໄປ ສານແຂວງ ລອງເບິ່ງ ຊິ່ໄປຖາມເບິ່ງວ່າ ຊິເຮັດແນວໃດ ຈຶ່ງໄດ້ອອກ ແລະ ຊິ່ແກ້ໄຂແນວໃດ ຈຶ່ງຈະໄດ້ ຫັ່ນນ໋າ."

ນາງ ສີວັນໄຊ ພົມມະລາດ ຊຶ່ງຫາກໍອອກລູກ ໃໝ່ໆ ເປັນປະຊາຊົນ ໃນບ້ານນຶ່ງ ໃນເມືອງ ຍົມມະລາດ ແຂວງຄຳມ່ວນ ຖືກຈັບ ແລະກັກຂັງຢູ່ຄຸກ ແຂວງຄຳມ່ວນ ເປັນເວລາ ເດືອນກວ່າແລ້ວ ເພາະນາງ ແລະຜົວ ບໍ່ຍອມຍ້າຍ ອອກຈາກທີ່ດິນ ບ່ອນທີ່ເຂົາເຄີຍ ຢູ່ມາເປັນ ເວລາ ດົນນານແລ້ວ. ກ່ອນຈະຖືກຈັບ ແລະ ກັກຂັງ ສອງຜົວເມັຍ ແລະ ປະຊາຊົນ ໃນບ້ານອ້ອມແອ້ມ ຊາວກວ່າຄົນ ໄດ້ພາກັນ ໄປຫາຜູ້ໃຫຍ່ ຫວັງໃຫ້ເພິ່ນຊ່ວຍ ແກ້ໄຂ ຂໍ້ຂັດແຍ້ງ ທີ່ດິນໃຫ້ ແຕ່ເມື່ອໄປ ບໍ່ເຫັນຜູ້ໃຫຍ່ ກໍພາກັນກັບ.

ຫລັງຈາກນັ້ນ ນາງສີວັນໄຊ ແລະ ຊາວບ້ານ ທີ່ໄປນຳກັນ ກໍຖືກຈັບ ແຕ່ທັງໝົດ ຖືກປ່ອຍຕົວ ໃນເວລາຕໍ່ມາ ຍັງເຫລືອແຕ່ ນາງສີວັນໄຊ ທີ່ຍັງຖືກ ກັກຂັງຢູ່. ຜູ້ເປັນຜົວ ທີ່ກຳລັງ ເປັນຫ່ວງເປັນໄຍ ນໍາເມັຍ ເວົ້າວ່າ ເມັຍຖືກຕູ່ຫາ ຄະດີຄັດຄ້ານ ໂຄງການ ເຂື່ອນນ້ຳເທີນ 2 ຫລື ຮ້າຍໄປກວ່ານັ້ນ ຖືກຕູ່ຫາ ວ່າເປັນຜູ້ນຳພາ ຊາວບ້ານ ໄປປະທ້ວງ ຊຶ່ງເປັນຄະດີ ທີ່ຮ້າຍແຮງ ຢູ່ລາວ.

ຄໍາເຫັນ (8)
Share

(: (ທາໂທດ

ຈາກ : (ທາໂທດ

ພະເດັດການສຸດຫວ່ຽງ ເຮັດເກີນເຫດ, ຮ້າຍກ່ວາການ ຂ້າເຈົ້າເອົາຂອງ ເປັນດ້ວຍເຫດໄດ ຈຶ່ງຢ້ຽມບໍ່ໄດ້, ລາວກັບລາວເຮັດ ໄດ້ເຖິງຂນາດນີ້ ມັນກໍ່ເປັນລັດ ທີ່ລົ້ມລະລາຍນັ້ນແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 11:02 AM

ວຽງຈັນ

ຈາກ ວຽງຈັນ

ຖືກຕ້ອງແລ້ວ ກໍ່ຮູ້ຈັກຢູ່ວ່າລາວ ມີພັກດຽວ ບໍ່ໃຫ້ຂັດຂືນຄຳສັ່ງຜູ້ໃຫ່ຍ ໂຕເປັນຫົວໜ້າ ກໍ່ຕ້ອງຮັບຜີດຮັບຊອບ ຫັ້ນແຫລະ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 31, 2012 10:48 AM

Lao Nork

ຈາກ Dallas

When all lao nork & lao nai will reunit and kick the vietnamese pupet Choummaly & his govt. out of our face. Is it time yet my love lao people?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2012 01:53 PM

ວັນ

ຈາກ ລາວ

ສະຫຍາມ ຝຣັງເສດ ສະຫະລັດອາເມລິກາ ທຳລາຍບ້ານເມືອງລາວ ກໍ່ເຈັບແສບພໍແລ້ວ ແຕ່ປະຈຸບັນ ແມ່ນຄົນລາວເອງ ກັບມາຂົມເຫັງນັ້ນ ໂດຍເອົາຄຳນຳຫນ້າວ່າທ່ານ ... ເພື່ອຫາຜົນປະໂຫຍດ ແລະ ຂົມເຫັງຄົນລາວ ດ້ວຍກັນ ສ້າງລະບົບພັກພວກ ພວກພ້ອງຂຶ້ນມາ ຮ້າຍແຮງກວ່າ ລະບອບລາຊາທິປະໄຕ ທີ່ເຂົາໂຄນລົ້ນທີ່ເຂົາວ່າເນົ່າເປື່ອຍ ແຕ່ສຸດທ້າຍເຂົາເອງ ເປັນຜູ້ກະທຳເອງ ດິນດອນຕອນຫຍ້າ ຂໍໃຫ້ພວກທ່ານ ຈົ່ງໄວ້ໃຫ້ ລູກຫລານ ຊາດລາວ ໄດ້ມີບ່ອນຊຸຫົວນອນແດ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2012 10:22 AM

ກູ້

ຈາກ ລາວ

ຄວາມຢຸດຕິທຳໃນລາວ ໄດ້ຕາຍໄປພ້ອມກັບ ທ່ານໄກສອນ, ສຸພານຸວົງ ຫນູຣັກ ແລະ ການນຳ ລຸ້ນທຳອິດຫມົດແລ້ວ ຍັງເຫລືອໄວ້ແຕ່ ອະຍຸຕິທຳ ໃນສັງຄົມລາວ ໂດຍຄົນລາວເອງ ທີ່ເປັນການນຳ ໃນລຸ້ນປະຈຸບັນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2012 10:14 AM

ເບິ່ງຄວາມເຫັນທັງໝົດ.

ເຕັມຫນ້າ