ຍິງລາວທີ່ເຄາະຮ້າຍ ຍ້ອນກຸ່ມຄ້າມະນຸດ

ຜູ້ຍິງລາວ ສ່ວນຫລາຍ ບໍ່ກ້າເວົ້າວ່າ ຕົນເອງ ຕົກເປັນເຫຍື່ອ ຂອງກຸ່ມ ຄ້າມະນຸດ.
ສິດນີ
2012-02-24
ອີແມວລ໌
ຄໍາເຫັນ
Share
ພິມ

ກົດຟັງສຽງ

ທາງການໄທ ເປີດເຜີຍວ່າ ທີ່ຜ່ານມາ ຜູ້ຍີງລາວ ສ່ວນໃຫຍ່ ທີ່ຖືກກຸ່ມ ຄ້າມະນຸດ ຕົວະຍົວະ ໄປຄ້າ ປະເວນີ ໃນໄທ ເມື່ອຖືກ ທາງການໄທ ຊ່ອຍອອກມາໄດ້ ບໍ່ຍອມຮັບວ່າ ຕົນຖືກຫລອກລວງ ຈາກກຸ່ມ ຄ້າມະນຸດ ເພາະຢ້ານ ທີ່ຈະຖືກ ທຳຮ້າຍ ເມື່ອສົ່ງກັບຄືນ ໄປລາວ ດັ່ງເຈົ້າຫນ້າທີ່ ແຮງງານໄທ ທ່ານນື່ງເວົ້າວ່າ:

"ບາງເທື່ອ ຜູ້ເສັຽຫາຍ ຜູ້ທີ່ເຮົາ ເຂົ້າໄປຊ່ອຍເຫລືອ ຂະເຈົ້າ ບໍ່ຍອມຮັບ ວ່າຂະເຈົ້າ ເປັນຜູ້ເສັຽຫາຍ ຈາກການ ຄ້າມະນຸດ ເພາະ ຂະເຈົ້າກົວ ຖືກພວກ ທີພາມາ ຫລື ຖືກທຳລ້າຍ ໃນປະເທດ ຕົ້ນທາງ ໃນປະເທດ ຂະເຈົ້າ".

ເຈົ້າຫນ້າທີ່ໄທ ນາງນັ້ນ ກ່າວເພີ້ມວ່າ ນາງຮູ້ດີວ່າ ເມື່້ອສີ້ນສຸດ ຄະດີ ທີ່ສານໄທ ຜູ້່ຍີງລາວ ກໍຈະຖືກ ສົ່ງກັບບ້ານ ຫມົດທຸກຄົນ ແຕ່ການ ກັບບ້ານ ຂອງພວກຂະເຈົ້າ ນັ້ນ ຍັງເກີດ ການຣະແວງ ສົງສັຍ ທີ່ວ່າ ພວກ ຄ້າມະນຸດ ໃນລາວ ອາດຈະທຳຮ້າຍ ຂະເຈົ້າ ເພື່ອເປັນການ ແກ້ແຄ້ນ ດ່ັງນັ້ນ ພວກນາງຈື່ງ ບໍ່ບອກ ຄວາມຈິງກັບ ເຈົ້າຫນ້າທີ່ໄທ ໂດຍອ້າງວ່າ ນາງສມັກໃຈ ຂາຍບໍຣິການ ທາງເພດເອງ ເຖີງແມ່ນວ່າ ເຈົ້າຫນ້າທີ່ ໄດ້ກວດກາ ຕາມຮ່າງກາຍ ຈະພົບເຫັນ ຮ່ອງຮອຍ ຈາກການຖືກ ທຳຮ້າຍກໍຕາມ.

ນາງວ່າ ຈາກການສືບສວນ ພົບວ່າ ຜູ້ຍີງລາວ ຜູ້ທີ່ຖືກຈັບ ນັ້ນ ສ່ວນໃຫຍ່ ຮູ້ຈັກ ການປ້ອງກັນຕົວ ຈາກກຸ່ມ ຄ້າມະນຸດ ເປັນຢ່າງດີ ແຕ່ຕ້ອງການ ມາເຮັດວຽກ ຫາເງີນ ທີ່ ປະເທດໄທ ຈື່ງຖືກ ຕົວະໄດ້ງ່າຍ ເພາະ ຢູ່ລາວ ບໍ່ມີວຽກເຮັດ. ການ ປ້ອງກັນຕົວ ທີ່ດີສຳລັບ ພວກຂະເຈ້າ ກໍແມ່ນວ່າ ບໍ່ຄວນມາ ເຮັດວຽກໃນໄທ ຖ້າບໍ່ມີ ການຄຸ້ມຄອງ ຈາກ ກົມແຮງງານ.

ຄໍາເຫັນ (1)
Share

ຜູ້ອ່ານທີ່ບໍ່ອອກຊື່

ເຫັນໃຈພວກຜູ້ຍິງ ໄດ້ຮັບເຄາະຮ້າຽ ຈາກການຄ້າມະນຸຕສ໌ ກໍ່ຍ້ອນມີປະຊາທິປະໄຕລວມສູນ ນີ້ແລ້ວ ມັນຈຶ່ງເກີດມີກຸ່ມຄ້າມະນຸຕສ໌ ເກີດຂຶ້ນ,ປະຊາຊົລຕາດຳໆ ປາກບໍ່ໄດ້ໄອບໍ່ດັງ ເວົ້າທາງດີກໍ່ເປັນພິດ.

Mar 15, 2012 06:44 PM

ເຕັມຫນ້າ