ອະດີດທ່ານນາຍພົນ ວັງປາວ ຈະກັບໄປລາວ

ອະດີດທ່ານນາຍພົນວັງປາວ ປະກາດຕໍ່ຊາວມົ້ງລາວ ໃນງານຄ້າຍວັນເກີດ ທີ່ຄົບຮອບ 80 ປີ ຂອງທ່ານວ່າ: ພ້ອມທີ່ຈະເດີນທາງກັບ ສປປລາວ ພາຍຫລັງ 35ປີ ທີ່ລີ້ໄພຢູ່ຕ່າງປະເທດ.
ຈຳປາທອງ
2009-12-24
ອີແມວລ໌
ຄໍາເຫັນ
Share
ພິມ
ທີ່ກຸງວໍຊິງຕັນ ດີຊີ ສະຫະຣັດ ອະເມຣິກາ ອະດີດທ່ານນາຍພົນວັງປາວ(ຊ້າຍ) ໄດ້ທໍາພິທີໄວ້ອາລັຍ ທີ່ອະນຸສາວະຣີ ທະຫານຜ່ານເສິກວຽດນາມ(ຮູປຖ່າຍບັນທຶກໄວ້ ໃນເດືອນພຶສພາປີ2000)
ທີ່ກຸງວໍຊິງຕັນ ດີຊີ ສະຫະຣັດ ອະເມຣິກາ ອະດີດທ່ານນາຍພົນວັງປາວ(ຊ້າຍ) ໄດ້ທໍາພິທີໄວ້ອາລັຍ ທີ່ອະນຸສາວະຣີ ທະຫານຜ່ານເສິກວຽດນາມ(ຮູປຖ່າຍບັນທຶກໄວ້ ໃນເດືອນພຶສພາປີ2000)
AFP PHOTO/FILES/Luke FRAZZA

ໃນການກ່າວຄໍາປາໃສ ເປັນເວລາ 30 ນາທີ ເມື່ອຄືນວັນ ອັງຄານ ທີ 22 ທັນວາ 2009 ອະດີດທ່ານນາຍພົນ ວັງປາວ ກ່າວວ່າ ທ່ານມີໂຄງການທີ່ຈະ ເດີນທາງກັບໄປລາວ ຫລັງຈາກທີ່ຢູ່ຕ່າງປະເທດ ມາໄດ້ 35 ປີ. ຕາມຣາຍງານຂ່າວ Sacramento Bee  ຣັດ California ສະຫະຣັດ ອະເມຣິກາ.

ທ່ານ ວັງປາວ ຜູ້ສລອງວັນເກີດຂອງຕົນ ຄົບຮອບ 80 ປີ ໄດ້ປະກາດເຊັ່ນນັ້ນ ໃນງານລ້ຽງອາຫານຄໍ່າ ຊຶ່ງມີແຂກເຂົ້າຮ່ວມ ປະມານ 100 ຄົນ ຢູ່ສະໂມສອນ  Fresno Fairgrounds. ໃນນັ້ນ 1 ສ່ວນ 3 ຂອງແຂກເປັນຄົນທີ່ ຢູ່ໃນເຂດເມືອງ Sacramentoເອງ ທ່ານວ່າເວລານີ້ ເປັນຊ່ວງເວລາ ຜ່ອນສັ້ນຜ່ອນຍາວ ກັບປະເທດລາວ ເພື່ອປົດປ່ອຍຊາວມົ້ງ ຫລາຍພັນຄົນທີ່ຍັງລີ້ຊ່ອນ ຢູ່ໃນປ່າດົງ ໃນລາວ ແລະ ຢູ່ສູນຜູ້ອົພຍົບຂອງໄທ.

ນາຍພົນ ວັງປ່າວ ກ່າວວ່າພວກທ່ານ ຕ້ອງເຮັດໃຫ້ມີ ການປ່ຽນແປງດຽວນີ້. ຣັຖບານລາວໄດ້ ພຍາຍາມໄຂປະຕູ. ພວກທ່ານ ຄວນນໍາສິ່ງໃດສິ່ງນຶ່ງ ຂຶ້ນມາເທິງໂຕະ ແລະ ນັ່ງເຈຣະຈາກັນ ເພື່ອສັນຕິພາບ. ໃນຕອນນຶ່ງຂອງຄຳປາໄສ ທ່ານໄດ້ຮຽກຮ້ອງໃຫ້ ຊາວມົ້ງລືມເຫດການ ທີຜ່ານມາເພື່ອ ຈະເຮັດໃຫ້ທຸກຄົນ ມີຊີວິດການເປັນຢູ່ ຢ່າງປົກກະຕິ. ທ່ານກ່າວຢ້ຳອີກວ່າ ດຽວນີ້ຣັຖບານລາວ ຄິດວ່າມັນເຖິງເວລາແລ້ວ ທີ່ຕ້ອງຢູ່ຮ່ວມກັນ ຢ່າງສັນຕິດ້ວຍສິດທິ ແລະ ໂອກາດສເມີພາບກັນ.

ໃນວັນທີ 10 ມົກກະຣາ 2010 ທ່ານ ວັງປາວ ຈະໄປເຂົ້າຮ່ວມ ພິທີພົບປະ ເພື່ອຜ່ອນສັ້ນຜ່ອນຍາວກັນ ຢູ່ຂົວມິຕພາບ ວຽງຈັນ-ໜອງຄາຍ ຕາມຄຳເວົ້າຂອງທ່ານ  Chai Vang ອາຍຸ 44 ປີ ຊຶ່ງເປັນນຶ່ງໃນຈໍານວນ ລູກຊາຍ 18 ຄົນ ຂອງທ່ານ.

ຂ່າວທີ່ອອກມາ ເມື່ອຄືນວັນອັງຄານນັ້ນ ເຮັດໃຫ້ຊາວມົ້ງຫລາຍຄົນ ຕົກສະເງີ້ ເພາະໃນເມື່ອເດືອນ ກັນຍາ ຜ່ານມາ ຣັຖບານສະຫະຣັດ ໄດ້ຍົກເລີກຂໍ້ກ່າວຫາ ນາຍພົນວັງປາວ ຖານວາງແຜນໂຄ່ນລົ້ມ ຣັຖບານຄອມມິວນິສລາວ ໂດຍໃຊ້ກໍາລັງ. ສ່ວນຜູ້ຕ້ອງຫາອຶ່ນໆ ເປັນສິບກວ່າຄົນນັ້ນ ບໍ່ຮັບສາຣະພາບ ຜິດແນວໃດ ແລະຍັງປະເຊີນກັບ ຂໍ້ກ່າວຫາພຍາຍາມໂຄ່ນລົ້ມ ຣັຖບານລາວນັ້ນຢູ່.

ທ່ານ ວັງປາວ ເຄີຍມີຍົດເປັນນາຍພົນ ປະຈຳອາດີດ ກອງທັບຣາຊອານາຈັກລາວ ທີ່ນຳພາກອງກຳລັງ ຕໍ່ສູ້ກັບກຳລັງ ຂອງຄອມມິວນິສ ເມື່ອ 30 ປີກວ່າໆຜ່ານມາ.
ການທີ່ທ່ານປະກາດວ່າ ຈະກັບຄືນເມືອລາວຄັ້ງນີ້ ເຮັດໃຫ້ຊາວລາວ ຊຶ່ງຮວມທັງຊາວມົ້ງລາວເອງ ໃນຕ່າງປະເທດ ໄດ້ເປີດສົນທະນາກັນ ຢ່າງກວ້າງຂວາງວ່າ ມັນຈະເປັນໄປໄດ້ ແນວໃດ?

ຄໍາເຫັນ (35)
Share

ຜູ້ອ່ານທີ່ບໍ່ອອກຊື່

if Lao open the door for officially. General Vang Pao back with United Nation or World Organization Community, his life will be saved because he left Laos about 35 yrs. we never truth other poeple we have left behind, but i believe some of 100 percent wants to see him before they happy to disappear in the world.

Jan 04, 2010 11:55 AM

ຜູ້ອ່ານທີ່ບໍ່ອອກຊື່

If vang pao back to Laos..i agree whith his idea . but i think that it is not safe for him..if he comes by him selft, it is like that he is going to tiger's mouth. he should back to Laos with CIA or World Organization Community permiting him back right to his hometown for developing Laos as hmong people , lao lune, lao theng and human right in Laos.

Dec 28, 2009 08:58 AM

ຜູ້ອ່ານທີ່ບໍ່ອອກຊື່

I want to know his reason but this can be truth because Hmong is Lao too

Dec 28, 2009 08:01 AM

ຜູ້ອ່ານທີ່ບໍ່ອອກຊື່

ປະຈຸບັນນີ້ລັດຖະບານລາວພວມມີການພັດທະນາສ້າງສາປະເທດຊາດເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າດີຂື້ນຢ່າງເຫັນໄດ້ປະຈັກຕາກົງກັນຂ້າມເປັນໄປບໍ່ໄດ້ທີ່ຊາວມົ້ງຈະຮ່ວມທ່ານວັງປາວຕໍ່ສູ້ເຖີງເວລາແລ້ວທີ່ທ່ານວັງປາວຈະຍອມຈຳນົນ

Dec 27, 2009 11:06 PM

ຜູ້ອ່ານທີ່ບໍ່ອອກຊື່

I am very glad to see Gen. Vangpao want to
go back to Laos,in my opinion if he really
I willbe glad with him befor he pass away.

Dec 27, 2009 11:28 AM

ເບິ່ງຄວາມເຫັນທັງໝົດ.

ເຕັມຫນ້າ