ແມ່ຍິງ-ເດັກນ້ອຍ 12-29-2015

ມະນີຈັນ
2015-12-29
ອີແມວລ໌
ຄໍາເຫັນ
Share
ພິມ
ແຜນທີ່ຂອງແຂວງອຸບົນ ທີ່ ແມ່ຍິງລາວ 43 ຄົນຖືກຈັບ ແລະ ສ່ວນໃຫຍ່ກໍໄປຈາກ ຂແວງ ຈໍາປາສັກ
ແຜນທີ່ຂອງແຂວງອຸບົນ ທີ່ ແມ່ຍິງລາວ 43 ຄົນຖືກຈັບ ແລະ ສ່ວນໃຫຍ່ກໍໄປຈາກ ຂແວງ ຈໍາປາສັກ
RFA

ມາເຖິງ ປັຈຈຸບັນ ແມ່ຍິງລາວ ທີ່ ໄປເຮັດວຽກ ຢູ່ໄທ ມີຈໍານວນ ບໍ່ໜ້ອຍ ທີ່ເຮັດວຽກ ຕາມ ຮ້ານອາຫານ ຫລືວ່າ ຮ້ານຄາຣາໂອເກະ ໃນ ເຂດ ແຂວງຕ່າງໆ ຂອງໄທ ທັງຢູ່ ແຂວງ ຊາຍແດນ ຕິດກັບ ລາວ ແລະ ແຂວງ ທີ່ຢູ່ ຫ່າງໄກ. ແລະ ເມື່ອໄວໆ ມານີ້ ກໍມີຂ່າວວ່າ ທາງການ ໄທ ຈັບ ແມ່ຍິງລາວ ໄດ້ 43 ຄົນ ທີ່ ຂາຍ ບໍຣິການ ທາງເພດ ຢູ່ ຮ້ານ ຄາຣາໂອເກະ ເມືອງ ໂຂງຈຽມ ແຂວງ ອຸບົນ ຊຶ່ງຕັ້ງຢູ່ ກົງກັນຂ້າມ ກັບເມືອງ ໂພນທອງ ແຂວງ ຈໍາປາສັກ ພາກໃຕ້ ຂອງລາວ ໃນວັນທີ 16 ທັນວາ 2015.

ໃນຈໍານວນ ຜູ້ຖືກຈັບ ນັ້ນ ເຫັນວ່າມີ 14 ຄົນ ອາຍຸ ບໍ່ເຖິງ 18 ປີ ແຕ່ຫາກ ຕົວະ ອາຍຸ ເອົາ ເພື່ອ ຂ້າມຊາຍແດນ ເຂົ້າໄປ ເຮັດວຽກ ຢູ່ໄທ. ພາຍຫລັງ ພວກ ເຂົາເຈົ້າ ຖືກຈັບ ແລ້ວ ຍານາງ ສີນະພາ ສະວັດດີກູນ ເຈົ້າໜ້າທີ່ ອາວຸໂສ ຂອງ ສໍານັກງານ ພັທນາ ສັງຄົມ ແລະ ຄວາມໝັ້ນຄົງ ຂອງ ມະນຸດ ແຂວງ ອຸບົນ ເປີດເຜີຍ ຕໍ່ RFA ເມື່ອ ວັນທີ 18 ທັນວາ ວ່າ ແມ່ຍິງລາວ ທັງ 43 ຄົນ ນັ້ນ ສມັກໃຈ ມາເຮັດວຽກ ຢູ່ໄທ ແລະ ເຕັມໃຈ ຂາຍ ບໍຣິການ ທາງເພດ.

ຄໍາເຫັນ (1)
Share

ລາວເຫນືອ

ຈາກ ຫລວງນຳ້ທາ

ກົດບ້າກົດບໍ ອີຫັຍງ ຂອງ ມະນຸດບຸ ຄົນຂາຍ ບໍລິການທາງເພດ ກໍໄປຜິດເອົາໄດ້. ຄວາມຈິງແລ້ວ ເຂົາຂາຍ ບໍລິການທາງເພດ ເຂົາບໍ່ໄປເດືອດຮ້ອນ ຕໍ່ໃຜອັນໃດເລີຍ. ເຂົາຫາຢູ່ຫາກິນ ຢ່າງສຸຈະລິດ ໂດຍບໍເອົາ ປຽບໃຜ ບໍ່ລັກ ບໍຕົວະ ບໍ່ປຸ້ນ ບໍ່ຊິງເອົາຂອງໃຜ ມາເປັນຂອງເຂົາ. ພວກເຂົາບໍ່ຜິດ ສິນລະທຳ ທີ່ເປັນທຳໃດໆເລີຍ. ພວກຂີ້ສໍ້ ຂີ້ໂລບ ຂີ້ໂກງ ຂີ້ເອົາປຽບ ທັງຫລາຍຕ່າງຫາກ ເປັນຄົນແຕ່ງແຕ້ມ ວ່າເຂົາບໍ່ດີ ແລ້ວກໍຂຽນກົດຂຶ້ນມາ ເພື່ອກີດກັ້ນ ແລະ ໄດ້ປັບໃຫມ ໄປຕາມນັ້ນ ນີ້ຫລືຄວາມເປັນທຳ ທີ່ມະນຸດ ເອົາໃຫ້ ມະນຸດ. ດາລາ ກໍຂາຍຄວາມງາມ ທີ່ ທຳມະຊາດ ໃຫ້ແຕ່ເກີດ, ນາຍຊ່າງ ກໍຂາຍສີມື ທີ່ໄດ້ເຝິກຝົນມາ ແລະອື່ນໆ ກໍບໍ່ເຫັນຜິດ ຫົວໃຜ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 30, 2015 03:13 PM

ເຕັມຫນ້າ