ອອສເຕຣເລັຽອາຈບໍ່ຮ່ວມ ທະນາຄານ ເອເຊັຽ

ມະນີຈັນ
2014-11-13
ອີແມວລ໌
ຄໍາເຫັນ
Share
ພິມ
 ອອສເຕຣເລັຽອາຈບໍ່ຮ່ວມ ທະນາຄານ ເອເຊັຽ
ອອສເຕຣເລັຽອາຈບໍ່ຮ່ວມ ທະນາຄານ ເອເຊັຽ
RFA

 

ປາກົດວ່າ ອອສເຕຣເລັຽ ຈະ ບໍ່ເຂົ້າຮ່ວມ ທະນາຄານ ເອເຊັຽ ເພື່ອ ການລົງທຶນ ໂຄງສ້າງ ພື້ນຖານ ຫລື AIIB ຍ້ອນ ຂໍ້ຂັດແຍ່ງ ດ້ານ ຍຸທສາດ. ຕາມ ບົດຄວາມ ຂອງ Helen Clark ທີ່ ລົງໃນ ໜັງສືພິມ The Diplomat.

ທະນາຄານ AIIB ທີ່ ນຳໂດຍ ຈີນ ນັ້ນ ຈະໃຫ້ເງິນ ກູ້ຢືມ ແກ່ ບັນດາ ປະເທດ ເອເຊັຽ ເພື່ອພັທນາ ໂຄງສ້າງ ພື້ນຖານ ຊຶ່ງ ເປັນທີ່ ຕ້ອງການ ຍິ່ງ ສຳລັບ ພາກພື້ນ ນີ້. ເຫດຜົລ ຂອງ ອອສເຕຣເລັຽ ໃນການ ຖອນຕົວ ຢ່າງໄວວາ ປາກົດວ່າ ກ່ຽວຂ້ອງ ກັບ ສະຫະຣັຖ ອະເມຣິກາ ແລະ ຍີ່ປຸ່ນ.

ບົດຄວາມ ວ່າ ມີຄວາມ ກັງວົນ ກ່ຽວກັບ ອິດທິພົລ ຂອງຈີນ ໃນ ທະນາຄານ ນັ້ນ ເຖິງ ນັກວິຈານ ຈະໄດ້ ຊີ້ແຈງວ່າ ຫຸ້ນສ່ວນ ແລະ ອິດທິພົລ ຂອງຈີນ ຈະ ຫລຸດລົງ ຫາກ ອອສເຕຣເລັຽ ເຂົ້າຮ່ວມນຳ.

ໃນບົດຄວາມ ສຳລັບ ຂ່າວ Fairfax ທ່ານ Peter Reith ອາດີດ ຣັຖມົນຕຣີ ອອສເຕຣເລັຽ ເຊື່ອວ່າ ສຸດທ້າຍ ທະນາຄານ AIIB ຈະບໍ່ມີ ປະສິດທິພາບ ຈະຄ້າຍຄື ກັບ ທະນາຄານ ຢູໂຣບ ເພື່ອການ ກໍ່ສ້າງ ຄືນໃໝ່ ແລະ ການພັທນາ ທີ່ ມີ ກອງປະຊຸມ ຄ້າຍຄື ກັບ ອົງການ ສະຫະ ປະຊາຊາດ ຫລາຍກວ່າ ເປັນ ກອງປະຊຸມ ທະນາຄານ ແລະ ກໍເປັນ ທະນາຄານ ທີ່ ຈີນ ພໍໃຈ ຢາກເອົາເປັນ ແມ່ແບບ ຂອງຕົນ.

ນັກວິຈານ ຄົນອື່ນໆ ອີກ ກໍໄດ້ ເວົ້າເຖິງ ຄວາມກັງວົນ ເຣື່ອງ ອິດທິພົລ ທາງ ຍຸທສາດ ຂອງຈີນ ໃນບັນດາ ປະເທດ ທີ່ໃຊ້ໜີ້ ຄືນ ບໍ່ໄດ້. ນັກວິຈານ ຍັງໄດ້ຍົກ ປະເທດ ລາວ ມາເປັນ ຕົວຢ່າງ ວ່າ ມີຄວາມ ກັງວົນ ກ່ຽວກັບ ອິດທິພົລ ຂອງຈີນ ທີ່ ບໍ່ ເໝາະສົມ ໃນ ປະເທດ ລາວ ຊຶ່ງແມ່ນແຕ່ ສື່ມວນຊົນ ລາວ ທີ່ ທາງການ ຄຸ້ມຄອງ ຢ່າງ ເຂັມງວດ ນັ້ນ ກໍຍັງ ສະແດງ ຄວາມ ກັງວົນນຳ, ແລະວ່າ ຈີນ ແລະ ວຽດນາມ ໄດ້ສ້າງ ສນາມກິລາ ໃນ ນະຄອນ ຫລວງ ວຽງຈັນ ສຳລັບ ການແຂ່ງຂັນ ກິລາ ຊີເກມສ ແລະ ແຜນ ທີ່ຈະ ນໍາຄົນງານ ຈີນ 50 ພັນ ຄົນ ເຂົ້າມາ ກໍປະເຊີນ ກັບ ການຄັດຄ້ານ ຂອງ ມວນຊົນ ລາວ ຢ່າງ ແຂງຂັນ.

ຈີນ ໄດ້ໃຫ້ ການ ຊ່ວຍເຫລືອ ແກ່ ລາວ ແລ້ວ ຫລາຍຮ້ອຍ ລ້ານ ໂດລາ ເພື່ອ ການພັທນາ. ເປັນທີ່ ຈະແຈ້ງວ່າ ສິ່ງ ດັ່ງກ່າວ ດຳເນີນ ໄປ ແບບບໍ່ ເປີດເຜີຍ ບໍ່ ໂປ່ງສັຍ ຫລື ມີເງື່ອນໄຂ ເພື່ອເຮັດໃຫ້ ສະພາບ ສິດທິ ມະນຸດ ດີຂຶ້ນ ໃດໆ ເລີຍ.

ຄໍາເຫັນ (1)
Share

ຄົນລາວ

ຈາກ ຄົລາວ

ເປັນຫັຍງ ອອສເຕເລັຍ ຈິງຖອນໂຕ? ຕາມທີ່ຂ້ອຍຄິດ: ປະເທດທີ່ເຂົາ ສະຫຼາດ ເຂົາເບິ່ງການໄກ ບໍ່ເຫັນແກ່ໄດ້ ແລະ ກະຫາຍ ຈົນເກີນໄປ ຈິ່ງຈະບໍ່ໄດ້ ເສັຍປຽບ ແລະຕົກຢູ່ໃນ ອິດທິພົນ ຂອງຊາດອຶ່ນ ໃນຕໍ່ໜ້າ ດັ່ງທີ່ຫຼາຍ ປະເທດ ໄດ້ພົບມາແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 13, 2014 02:30 PM

ເຕັມຫນ້າ