ຄຣູອາສາຢຸດສອນນັກຮຽນ

ສິດນີ
2015-11-19
ອີແມວລ໌
ຄໍາເຫັນ
Share
ພິມ
ຄຣູສອນໜັງສື ໃນເຂດຊົນນະບົດ ຂອງລາວ ທີ່ໄດ້ການອຸປຖັມ ອົງການ ສາສນາຄຣິສຕຽນ
ຄຣູສອນໜັງສື ໃນເຂດຊົນນະບົດ ຂອງລາວ ທີ່ໄດ້ການອຸປຖັມ ອົງການ ສາສນາຄຣິສຕຽນ
Christian Reformed World Relief Committee (CRWRC)

ເຈົ້າຫນ້າທີ່ ທ້ອງຖິ່ນ ແຂວງວຽງຈັນ ທ່ານນຶ່ງ ເວົ້າວ່າ ນາຍຄຣູ ອາສາສມັກ 3 ຄົນ ຢູ່ ໂຮງຮຽນ ປະຖົມ ບ້ານປາກຊາວ ເມືອງ ໝື່ນ ແຂວງ ວຽງຈັນ ຢຸດ ສອນ ນັກຮຽນ ມາໄດ້ 1 ອາທິດ ແລ້ວ.

ເນື່ອງຈາກ ພວກຂະເຈົ້າ ໄດ້ ຮຽກຮ້ອງ ຄວາມເຫັນໃຈ ຈາກ ກະຊວງ ສຶກສາ ໃຫ້ ບັນຈຸ ຂະເຈົ້າ ເຂົ້າເປັນ ພະນັກງານ ຣັຖກອນ  ຊື່ງ ພວກຂະເຈົ້າ ໄດ້ ສອນ ນັກຮຽນ ຢູ່ທີ່ນັ້ນ ມາເປັນ ເວລາ 3 ປີ ແລ້ວ ແຕ່ຍັງບໍ່ ຖືກບັນຈຸ ເຂົ້າເປັນ ພະນັກງານ ຣັຖກອນ ເທື່ອ. ດັ່ງ ທ່ານ ກ່າວວ່າ:

"ອາທີດນີ້ ບໍ່ມີ ຄຣູສອນ ຄຣູ ອາສາສມັກ ພວກນີ້ ສອນມາໄດ້ ປີ ທີສາມ ແລ້ວ, ແລ້ວໂຕເລກ ຣັຖກອນ ມາແຕ່ແຂວງ ແລ້ວ ມັນ ບໍ່ມີຊື່ ຂະເຈົ້າ ຈັກຄົນ ຢາກໄດ້ ຄວາມເປັນທັມ ຫັ້ນແຫຼະ, ຜົນງານ ກະດີເດັ່ນ ແລ້ວ ພວກທີ່ ບໍ່ໄດ້ ສອນ ພວກທີ່ ຈົບ ໂຮງຮຽນ ມາໃຫມ່ໆ ແລ້ວ ກໍມີຣາຍຊື່ ຫມົດ".

ທ່ານວ່າ ຄຣູ ອາສາສມັກ ທັງສາມ ເປັນຄົນ ແຂວງ ວຽງຈັນ ໄດ້ມາສອນ ນັກຮຽນ ຢູ່ບ້ານ ປາກຊາວ ແບບບໍ່ມີ ເງີນ ເດືອນ ຕ້ອງໃຊ້ ເງິນ ຕົນເອງ ໃນ ການຢູ່ກິນ ໂດຍອາສັຍ ບ້ານພັກ ທີ່ ຊາວບ້ານ ສ້າງໃຫ້ ເປັນບ່ອນຢູ່.

ພວກຂະເຈົ້າ ໄດ້ຕັ້ງໃຈ ສິດສອນ ຈົນເປັນ ທີ່ ຮັກແພງ ຂອງ ນັກຮຽນ ແລະ ຊາວບ້ານ ເພາະ ມີຄວາມ ຫວັງຢາກເປັນ ຣັຖກອນ ໄດ້ທັງເງີນ ເດືອນ ແລະ ຄ່າ ສວັດດີການ ຕ່າງໆ ແຕ່ບໍ່ມີ ພາກສ່ວນ ໃດ ເຫັນຄວາມ ຕັ້ງໃຈ ຂອງ ພວກຂະເຈົ້າ.

ການຢຸດສອນ ນັກຮຽນ ຂອງ ພວກຂະເຈົ້າ ເຮັດໃຫ້ ນັກຮຽນ ກວ່າ 40 ຄົນ ຕ້ອງໄດ້ຢຸດ ການຮຽນ ພໍ່ແມ່ ນັກຮຽນ ຫວັງວ່າ ພວກຂະເຈົ້າ ຈະໄດ້ຮັບ ຄວາມເປັນທັມ ແລະ ກັບມາ ສອນ ນັກຮຽນ ໃນໄວໆນີ້.

ນອກຈາກນີ້ ຍັງມີ ຣາຍງານວ່າ ຜ່ານມາ ມີຄຣູ ອາສາສມັກ ກວ່າ 60 ຄົນ ໃນ ສັດສ່ວນ 70% ຂອງຄຣູ ອາສາສມັກ ທັງຫມົດ ທີ່ ເມືອງ ຫມື່ນ ຈະລາ ອອກຈາກ ການ ສິດສອນ ຫາກຂະເຈົ້າ ບໍ່ຖືກ ບັນຈຸ ເຂົ້າເປັນ ນາຍຄຣູ ແບບຖາອນ, ຊຶ່ງ ຈະເຮັດໃຫ້ ນັກ ຮຽນ ຈຳນວນ 1200 ຄົນ ຂາດ ຄຣູສອນ.

ກ່ຽວກັບ ບັນຫາ ດັ່ງກ່າວ ເຈົ້າຫນ້າທີ່ ກະຊວງ ສຶກສາ ກໍ ປະຕິເສດ ວ່າ ບໍ່ມີຂ່າວ ການຢຸດສອນ ຈາກ ຄຣູ ອາສາ ແຕ່ຢ່າງໃດ ດັ່ງທ່ານ ກ່າວວ່າ:

"ຍັງບໍ່ທັນ ແຈ້ງເດີວ່າ ເພິ່ນ ຢຸດສອນ ເຂົາກໍຣາຍງານ ມາວ່າງນີ້ນະ ກໍຄືວ່າບໍ່ໄດ້ ຢຸດ ແນວນັ້ນ ຍັງດຳເນີນ ເຮັດໄປຢູ່ ບໍ່ທັນໄດ້ ຍີ່ນ ເທື່ອ ອັນນີ້ນະ".

ມີລາຍງານ ຕື່ມອີກວ່າ ລ່າສຸດ ກະຊວງ ສຶກສາ ກໍຮູ້ ກ່ຽວກັບ ເຣື້ອງນີ້ ແລະ ກໍພ້ອມ ທີ່ຈະສົ່ງ ເຈົ້າຫນ້າທີ່ ໄປ ໂອ້ລົມ ກັບ ນາຍຄຣູ ອາສາສມັກ ຢູ່ ເມືອງຫມື່ນ ໃນໄວໆນີ້ ເພື່ອຫາລື ຂໍ້ຕົກລົງ ແລະ ໃຫ້ ຄວາມເປັນທັມແກ່ ຂະເຈົ້າ.

ຄໍາເຫັນ (4)
Share

(Ldptxee

ຈາກ Ldptxee

ຄັນບໍ່ເອົນເຂົ້າ ເປັນລັດຖະກອນ ກໍບໍ່ຈໍາເປັນມີ ໂຮງຮຍນສ້າງຄູ ດີກວ່າ ອັນນີ້ສ້າງຄູ່ ປີບໍ່ຈັກຈຸດປະສົງ ຢາກຮັບຢູ່ ແຕ່ບໍ່ມີງົບປະມານ ໃຫ້ເງິນເດືອນ ອາດເປັນໄດ້ໃຊ້ລ້າໆ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 24, 2015 02:22 PM

ສຸກ

ຈາກ ຊະນະຄາມ

ຄັນບໍ່ມີເງິນ ແລ້ວຍາກ ຄືຄະເຈົ້າວ່າຫັ້ນລະ ຮຽນຕາມເສັ້ນ ເຮັດວຽກຕາມສາຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 23, 2015 03:19 PM

ຄ.ນະຄຳມ່ວນ

ຈາກ ທ່າແຂກ

ພວກຄູສອນ ອາສາສະມັກ ທຸກຄົນ ທີ່ມີການສຶກສາ ຖ່າຍທອດໃຫ້ລຸ້ນເກີດໃຫມ່ໃຫຍ່ລຸນ ແມ່ນສຸດປະເສີດເລີດລ້ຳ ທຸກຢ່າງດີແລ້ວ, ສິ່ງທີ່ຄິດຢາກມີ ຖ້າມັນເປັນສິ່ງ ບໍ່ດີແລ້ວນັ້ນ ໃຫ້ຕັ້ງມະໂນຈິດ ຢູ່ວ່າ: ບໍ່ມີກໍ່ຈະດີກ່ວາ ໄດ້ເດີ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 22, 2015 04:55 PM

(

ຢູ່ເມືອງລາວ ກ່ອນຈະໄດ້ເຂົ້າເປັນ ພະນັກງານ ລັດຖະກອນ ຕ້ອງໄດ້ຈ້າງເຂົ້າ ຢ່າງໜ້ອຍບໍ່ຕໍ່າກ່ວາ ສີ່ໝື່ນບາດ ສຳລັບ ວຽກງານທຳມະດາ ແຕ່ຖ້າເປັນລັບ ວຽກງານການເງິນ, ພາສີ, ອາກອນ ແມ່ນບໍ່ຕ່ຳກ່ວາ ແປດໝື່ນບາດ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 22, 2015 04:53 PM

ເຕັມຫນ້າ