ທ.ສົມບັດເປັນຕົວຢ່າງໃຫ້ ຊາວ ໜຸ່ມ

ສົມເນ
2014-12-18
ອີແມວລ໌
ຄໍາເຫັນ
Share
ພິມ
ມາດາມ ອຶ້ງ ຊຸຍ ເມັງ ຍັງຕິດຕາມ ສືບທາວຫາ ທ່ານ ສົມບັດ ຕລອດມາ ຢ່າງບໍ່ທໍ້ຖອຍ ໃນ ຄວາມພຍາຍາມ
ມາດາມ ອຶ້ງ ຊຸຍ ເມັງ ຍັງຕິດຕາມ ສືບທາວຫາ ທ່ານ ສົມບັດ ຕລອດມາ ຢ່າງບໍ່ທໍ້ຖອຍ ໃນ ຄວາມພຍາຍາມ
RFA

 

ການ ສັມມະນາ ທີ່ ຈັດຂຶ້ນ ເມື່ອ ວັນທີ 15 ທັນວາ ຢູ່ ບາງກອກ ປະເທດໄທ  ເນື່ອງ ໃນວັນ ຄົບຮອບ 2 ປີ ຂອງ ການ ຫາຍສາບສູນ ຂອງ ທ່ານ ສົມບັດ ສົມພອນ ນັກ ພັທນາ ຊຸມຊົນ ຕົວຢ່າງ ໃນລາວ ເພື່ອ ຮັບຮູ້ ແລະ ຊາບຊຶ້ງ ເຖິງ ຄຸນງາມ ຄວາມດີ ຂອງ ທ່ານ ສົມບັດ ທີ່ ໄດ້ ສ້າງໄວ້, ໂດຍ ເວົ້າວ່າ ປະເທດລາວ ຄົງຈະມີ ກຽດສັກສີ ທີ່ ສູງສົ່ງ ທາງດ້ານ ວັທນະທັມ ແລະ ຈະມີ ພົລເມືອງ ຊາວ ຫນຸ່ມ ທີ່ ຫ້າວຫັນ ຫຼາຍຂຶ້ນ ຖ້າຫາກວ່າ ທ່ານ ສົມບັດ ສົມພອນ ບໍ່ຖືກ ຫາຍສາບສູນ, ຕາມ ຣາຍງານ ໜັງສືພິມ ບາງກອກ ໂພັສ.

ທ່ານ ສຸຣິໄຊ ວັງແກ້ວ ຜູ້ ອໍານວຍການ ສູນ ສຶກສາ ສັນຕິພາບ ແລະ ການຂັດແຍ້ງ ປະຈໍາ ມະຫາ ວິທຍາໄລ ຈຸລາລົງກອນ ກ່າວວ່າ ທ່ານ ສົມບັດ ບໍ່ພຽງແຕ່ ເປັນ ປະຊາຊົນ ລາວ ເທົ່ານັ້ນ ແຕ່ ເປັນຊັພ ສົມບັດ ຂອງ ພູມີພາກ ນັບແຕ່ ທ່ານ ຖືກຮັບຮູ້ ຈາກການ ໄດ້ຮັບ ຣາງວັນ ຜູ້ດີເດັ່ນ ແມັກໄຊໄຊ ໃນປີ 2005. ທ່ານວ່າ ທ່ານ ສົມບັດ ເປັນຫ່ວງ ເປັນໄຍ ນໍາ ປະເທດ ລາວ ແລະ ພູມີພາກ, ທ່ານ ໄດ້ນໍາ ເອົາ ແນວຄິດ ວິທີການ ອ່ອນໂຍນ ແລະ ຄວາມ ເມຕຕາ ສົງສານ ຄົນອື່ນ ໃນ ການສິດສອນ ຊາວຫນຸ່ມ ນ້ອຍ.

ການຈັດ ສັມມະນາ ຄັ້ງນີ້ ມີຫົວເຣື້ອງ ວ່າ ຖ້າຫາກວ່າ ໂລກນີ້ ປາສຈາກ ການ ຖືກບັງຄັບ ໃຫ້ ຫາຍສາບສູນ. ຍານາງ ເປຣັມຣຶດີ ດາວເຣືອງ ຜູ້ ປະສານງານ ໂຄງການ ທີ່ ມີຊື່ວ່າ ກ້າວໄປສູ່ ການຟື້ນຟູ ຣະບົບນິເວດ ແລະ ການເປັນ ພັນທະມິດ ພູມີພາກ ກໍ່ເວົ້າວ່າ ຄວາມຄິດ ແລະ ວິທີການ ຂອງ ທ່ານ ສົມບັດ ນັ້ນ ແມ່ນ ສຸມໃສ່ ເຮັດໃຫ້ຄົນ ຫນຸ່ມນ້ອຍ ເຂົ້າໃຈເຖິງ ການ ກະສິກັມ ແບບຍືນຍົງ ເພື່ອ ສົ່ງເສີມ ໃຫ້ ເຂົາເຈົ້າ ເພິ່ງພາ ຕົນເອງໄດ້ ແລະ ບໍ່ໃຫ້ໜັກໄປ ທາງ ວັດຖຸນິຍົມ.

ຕລອດທີ່ ຍານາງ ເຮັດວຽກ ຮ່ວມກັບ ທ່ານ ສົມບັດ ເປັນ ເວລາ 20 ປີ ນັ້ນ ຍານາງ ສັງເກດ ວ່າ ທ່ານ ສົມບັດ ພຍາຍາມ ທຸກວິທີ ທາງ ແລະ ເຮັດວຽກ ຮ່ວມກັບຄົນ ທຸກ ປະເພດ ຢູ່ ຣະດັບ ແຂວງ ແລະ ຣະດັບ ຊາຕ. ຍານາງ ວ່າ ຖ້າຫາກ ວ່າ ອ້າຍ ສົມບັດ ຍັງມີ ຊີວິດຢູ່ ແນ່ນອນ ຈະມີຊາວ ຫນຸ່ມນ້ອຍ ລາວ ຫລາຍຄົນ ກາຍເປັນ ຜູ້ນໍາ ໃນ ຫລາຍຂແນງ ວຽກງານ ເພື່ອຊ່ວຍໃຫ້ ລາວ ກ້າວໄປໜ້າ ດ້ວຍກຽດ ສັກສີ ແລະ ຄວາມ ສງ່າງາມ.

ຍານາງ ເປຣັມຣືດີ ວ່າ ທາງການ ລາວ ບໍ່ ຫົວຊານໍາ ການ ຫາຍສາບສູນ ຂອງ ທ່ານ ສົມບັດ ແຕ່ວ່າ ຫລາຍຄົນ ໃນ ທົ່ວໂລກ ແລະ ໃນກຸ່ມ ອາຊຽນ ໄດ້ ຣົນນະຣົງ ເພື່ອບໍ່ໃຫ້ ສົມບັດ ຖືກ ຫລົງລືມ.

ຄໍາເຫັນ (6)
Share

ໃຈກາງນະຄອນຫລວງວຽງຈັນ

ຈາກ ໃຈກາງນະຄອນຫລວງວຽງຈັນ

ເຖິງບໍ່ໄດ້ ໄປຮ່ວມ ແຕ່ກໍຄິດເຖິງ ເພີ່ນສະເໜີ ເໝືອນດັ່ງຫລາຍໆ ຢູ່ໃນລາວ ແລະ ຕ່າງປະເທດ, ຍິ່ງມິດງຽບ ບໍ່ຮູ້ ບໍ່ເຫັນ ບໍ່ຈັກ ຂອງພັກລັດ ຍິ່ງເຮັດໃຫ້ ຄວາມຫວາດລະແວງ ຂອງ ຜະເດັດການ ເພີ່ມຂຶ້ນ, ດຽວນີ້ ໃນວົງການ ພັກລັດ ເອງກໍບໍ່ຮູ້ວ່າ ໃຜເປັນໃຜ ໃຜຄົນໃຜ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 23, 2014 03:12 PM

ຟອງມະນີ

ຈາກ ສີສັຕຕະນາກ

ຄວາມດີ ຕົກນ້ຳບໍ່ໄຫລ ຕົກໄຟບໍ່ໄຫມ້, ມະນູຕທັງໂລກ ຮູ້ຢູ່ ແກ່ໃຈວ່າ ອັນໄດດີ ແລະອັນໄດ ຂອງປອມ, ຄົນຈອມປອມ ຊອມເອົາແຕ່ເຣື່ອງ, ມັນເປືອງແນວຄິດ ຈະເຈລະໄນ, ພວກສັຕນາລົກ ອະເວຈີ ພວກນີ້ ເຂົາປ່ອຍມັນ ຕາຍເອງ, ບໍ່ໄວກໍ່ຊ້າ. ຂໍໃຫ້ລູກຫລານ ເກີດໄຫມ່ໄຫຍ່ລຸນ, ຈົ່ງຈົດຈຳ ຄວາມດີ ຂອງ ທ່ານສົມບັດ ສົມພອນ ທີ່ໄດ້ສ້າງເປັນ ແບບຢ່າງ ໃຫ້ເປັນບັນທັດຖານ ບາກບັ່ນ ສ້າງຜົນງານ ສືບຕໍ່ໄປ ຢ່າງບໍ່ມີວັນລືມໄດ້ ໃນອານາຄົດ ຂ້າງຫນ້າ ທີ່ຈະມາເຖິງນີ້, ເຮັດໄດ້ແນວນີ້ ເປັນລຸ້ນຕໍ່ລູ້ນ ກໍ່ຈະປະເສີດ ແລ້ວ. ຂອບໃຈ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 21, 2014 06:52 PM

ເພື່ອຊາດ

ຈາກ ເສລີ

ທ່ານສົມບັດ ບໍ່ຖືກລືມງ່າຍງ່າຍ ຈາກຊາວໜຸ່ມ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 21, 2014 03:51 PM

ຄອມມູນິດລາວ

ຈາກ ໝັ້ນຢືນ..!

ພົນລະເມືອງລາວ ທີ່ເຄີຍເຮັດນຳ ຣັຖບາລລາວ ແລະ ກຳລັງເຮັດວຽກ ໃຫ້ຣັຖບາລລາວ ການຕຳໜິ ຣັຖຄອມມູນິດ ໝາຍເຖີງ ການມ້າງເພທຳລາຍ ຣະບອບ ຜະເດັດກາຣ ນັ້ນເອງ ດັງນັ້ນ ນາຍົກ ແລະ ປະທານປະເທດ ຮູ້ດີວ່າ ສັ່ງໃຜ ໄປຈັບ ທ່ານ ສົມບັດ ສົມພອນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 21, 2014 03:51 PM

​ປ ກ ສ ວິ​ໄລ​ວັນ

ຈາກ ​ ໄຊ​ຖາ​ນີ

ຍາ​ແມ່ ສົມ​ບັດ ​ສົມ​ພອນ ເຖິງ​ແມ່ ​ຈະ​​ສະ​ແດງ​ ຄວາມ​ຮຽກ​ຮ້ອ​ງ ​ຢ່າງ​ເຕັມ​ທີກໍ່​ຕາມ ທ່ານ ສົມ​ບັດ​ສົມ​ພອນ ​ບໍ່​ມີ​ວັນ ​ຈະ​ກັບ​ຄືນ​ມາ​ແລ້ວ ເພາະ​ເປັນ​ແຜນ​ການ ​ຂ້າ​ມະ​ນຸດ​ຂອງ​ພັກ ສ​ປ​ປລາວ ທີ​ໃຊ້​ອ​ຳ​ນາດ ​ໄປ​ຕາມ​ລັດ​ທີ ມາກ ເລ​ນີນ ບັນ​ດາ​ ປະ​ເທດອ​າ​ຊຽນ ຫລື ສຳ​ມະ​ຄົມ​ອາ​ຊຽນ ​ບ​ໍ​ໄດ້​ເປັນ​ຫວ່ງ ​ເຖີງ ບັນ​ຫາ​ມະ​ນຸດ ຫລື ການ​ຂ້າ​ມະ​ນຸດ ​ໃນ​ສ​ປ​ປ​ລາວ ເຖິງ ສ​ປ​ປ ລາວ ​ຍັງ​ເປັນ​ປະ​ເທດ ຄອມ​ມູ​ນີດ ຜະ​ເດັດ​ການ ໄປ​ຕາມ​ການ​ຊີ້​ນຳ ​ຂອງ​ພັກ​ຄອມ​ມູ​ນິດ​ ອີນ​ດູ​ຈິນ ການ​ລັບ​ ຂ້າ​ຕົວ ​ທ່ານ​ສົມ​ບັດ​ຂອງ ສ​ປ​ປ ລາວ​ ເປັນ​ການ​ ລະ​ເມີດ​ ສິດ​ທີ​ມະ​ນຸດ ​ຢ່າງ ຮ້າຍ​ແຮງ ສຳ​ລັບ​ບັນ​ດາ ​ປະ​ເທດ ​ທີ​ມີ​ສິດ ​ເສ​ລີ​ພາບ ສົມ​ບັດ​ ຖືກ​ຈັບ​ຕົວ​ໂດຽ ​ເຈົ້າ​ໜ້າ​ທີ ປ ກ ສ ໃນ​ວັນ​ທິ ສິບ​ຫ້າ ແລະ​ຖືກ​ສົງ​ໄປ ​ສືບ​ສວນ​ຢູ່ ສຳ​ນັກ ກອງຕຳລວດ ທີດອນແກ້ວ ຫລັງ​ຈາກນັ້ນ ໄດ້ນຳ​ຕົວ​ໄປ ຂ້າ​ທີດອນ ນ້ຳ​ເຂືອນ ແລ້ວ ລົດຢິບຂອງເພີນ ​ຍັງ​ຖືກ ຮັກ​ສາ ການບໍ​ລິ​ການ ​ຢູ່ ດອນ​ແກ້ວ

Dec 21, 2014 03:44 PM

ເບິ່ງຄວາມເຫັນທັງໝົດ.

ເຕັມຫນ້າ