ລາວຄຣິສຕຽນຢູ່ຫຼວງນໍ້າທາ ຖືກ ບັງຄັບ

ອຸ່ນແກ້ວ ສຸກສະຫວັນ
2014-12-22
ອີແມວລ໌
ຄໍາເຫັນ
Share
ພິມ
ສ່ວນນຶ່ງ ຂອງບັນດາຄອບຄົວ ລາວ-ຄຣິສຕຽນ ທີ່ຖືກທາງການ ທ້ອງຖິ່ນ ຂັບໄລ່ ອອກຈາກບ້ານເຮືອນ ທີ່ ເມືອງຄໍາເກີດ ແຂວງ ບໍຣິຄໍາໄຊ
ສ່ວນນຶ່ງ ຂອງບັນດາຄອບຄົວ ລາວ-ຄຣິສຕຽນ ທີ່ຖືກທາງການ ທ້ອງຖິ່ນ ຂັບໄລ່ ອອກຈາກບ້ານເຮືອນ ທີ່ ເມືອງຄໍາເກີດ ແຂວງ ບໍຣິຄໍາໄຊ
RFA listener

 

ຊາວ ລາວຄຣິສຕຽນ ຢູ່ບ້ານ ຫ້ວຍກຸ້ມ ເມືອງ ລອງ ແຂວງ ຫລວງນ້ຳທາ ຖືກ ເຈົ້າໜ້າທີ່ ທາງການ ຫ້າມ ບໍ່ໃຫ້ ສລອງ ວັນ ຄຣິສມັສ. ຊາວບ້ານ ຜູ້ທີ່ເຫັນ ເຫດການ ທ່ານນຶ່ງ ກ່າວຕໍ່ ນັກຂ່າວ ເອເຊັຽ ເສຣີ ວ່າ:

"ເວລາທີ່ ຄຣິສຕຽນ ກຳລັງ ຈະ ສເລີມສລອງ ກໍມີ ຕຳຣວດ ບາງຄົນ ກໍນັ່ງຢູ່ ທາງໃນແລ້ວ ແລ້ວ ເພີ່ນ ກໍ ໂທຣະສັບ ໃຫ້ ຕຳຣວດ ອອກໄປ ເຫລືອແຕ່ ກອງຫລອນ ບ້ານ ສອງຄົນ ຫລັງຈາກ ນັ້ນ ກໍມີການ ສລອງປະມານ 10 ນາທີ ທັງ ຮ້ອງເພງ ແລະ ກໍທັງອ່ານ ບາດນີ້ ກໍເພີ່ນກໍ ບໍ່ເວົ້າໃດ ບາດນີ້ ແລະ ເພີ່ນກໍເອີ້ນ ໃສ່ວ່າ ດຽວນີ້ ເຈົ້າໜ້າທີ່ ເພີ່ນບໍ່ໃຫ້ ສລອງ".

ຊາວບ້ານ ທ່ານ ນັ້ນກ່າວ ຕື່ມອີກວ່າ ຫລັງຈາກ ເຮັດ ພິທີກັມ ມີເຈົ້າໜ້າທີ່ ກຳລັງ ປະກອບ ອາວຸດ ມາຍາມ ຫລັງຈາກ ນັ້ນ ກໍເອີ້ນເຂົ້າ ໄປ ຫ້ອງການ ບ້ານ ແລ້ວ ກໍບັງຄັບ ໃຫ້ ຊາວບ້ານ ເຊັນ ບົດບັນທຶກ ຊຶ່ງເນື້ອໃນ ຂອງ ບົດບັນທຶກ ຕອນນຶ່ງ ຂຽນວ່າ ໃນການເຮັດ ພິທີ ທາງ ສາສນາ ຖ້າ ອຳນາດ ການປົກຄອງ ບ້ານ ບໍ່ ອະນຸຍາດ ຜູ້ທີ່ຈະເຮັດ ບໍ່ມີສິດ ເຮັດ ເດັດຂາດ.

ແຕ່ ອີງຕາມ ການບອກເລົ່າ ຂອງ ຊາວບ້ານ ໄດ້ຮູ້ວ່າ ກ່ອນ ທີ່ຈະມີ ການສລອງ ວັນ ຄຣິສມັສ ໃນວັນທີ 16 ທັນວາ ນັ້ນ ເຂົາເຈົ້າໄດ້ ໄປແຈ້ງບອກ ໃຫ້ນາຍບ້ານ ຮັບຮູ້ ແລ້ວ ຮຽບຮ້ອຍ ແລະ ນາຍບ້ານ ກໍບໍ່ວ່າ ຫຍັງ. ບັນຫາ ການຈັບກຸມ ລາວ-ຄຣິສຕຽນ ກໍມີຢູ່ ຢ່າງຕໍ່ ເນື່ອງ ຫລ້າສຸດ ໃນເດືອນ ພຶສຈິກາ ຜ່ານມາ ອຳນາດ ການປົກຄອງ ແຂວງ ຫລວງນ້ຳທາ ກໍຈັບ ຊາວ ຄຣິສຕຽນ 7 ຄົນ ແລ້ວ ບັງຄັບ ເຂົາເຈົ້າ ບໍ່ໃຫ້ເຊື່ອ ຖື ສາສນາ ຄຣິສ ອີກຕໍ່ໄປ.

ຄໍາເຫັນ (13)
Share

lao national

ຈາກ vientiane

ເປັນແນວນີ້ຫວາປະເທດລາວ ເຂົ້າອາສຽ່ງ??? ຖ້າຍັງຂົມຂູ່ປະຊົນແນວນີ້ ບໍຖ້າເຂົ້າອາສຽ່ງກະໄດ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2016 01:40 PM

Lao feeling.

ຈາກ Others

ກົດໝາຍກະມີທີ່ບອກເຖິງສິດທິມະນຸດ, ແຕ່ສ່ວນຫລາຍແລ້ວຜູ້ທີ່ມັກບັງຄັບຄົນອື່ນ ແມ່ນຄົນທີ່ເຫັນແກ່ຕົວ, ມັກໃຊ້ສິດອຳນາດເກີນ, ເຮັດຕາມໃຈຕົນເອງ ເພື່ອໃຫ້ຄົນຍ້ອງວ່າລາວເກັ່ງ, ບໍ່ຄຳນຶງເຖິງຈິດໃຈຄົນອື່ນເລີຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2016 01:39 PM

ຄົນບ້ານນອກ

ຈາກ ບ້ານນອກ

ึຄິດວ່າຍັງມີ ຫຼາຍເຫດການ ທີ່ເຮົາຍັງບໍ່ຮູ່ມ ຖ້າບໍ່ຢາກ ໃຫ້ຄົນລາວ ນັບຖືສາສະໜາຄຼິດ ເປັນຫຍັງ ບໍ່ອອກກົດໝາຍຫ້າມ ຖ້າບໍ່ມີກົດໝາຍ ຫ້າມ ກໍ່ບໍ່ຄອນໄປຫ້າມ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2015 11:16 AM

Lao

ຈາກ Lao

ຂ້ອຍບໍເຂົ້າໃຈເລີຍ ເປັນຫຍັງ ທຸກມື້ນີ້ ຍັງມີເຫດການ ແບບນີ້ ເພາະຢູ່ໃນ ກົດໝາຍລາວ ກໍ່ໄດ້ຂຽນ ແຈັງແລ້ວວ່າ ຜູ້ໃດ ຢາກນັບຖື ສາສະໜາໃດ ກໍໍ່ໄດ້ ຂື້ນຢູ່ກັບ ຄວາມເຊື້ອ ຂອງ ໃຜຂອງລາວ, ແຕ່ກໍ່ຍັງມີ ຫຼາຍເຫດການ ແບບນີ້ເກີດຂື້ນ ບໍ່ເຂົ້າໃຈ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 21, 2015 01:25 PM

ຂ້ອຍຈະຕໍ່ສູ້ເພື່ອປະເທດຊາດ

ຈາກ ຄົນເຫນື່ອເມັກ

ຂ້ອຍຢາກ ເຫັນຄົນຊາວ ໂດຍສະເພາະ ແມ່ນ ປະຊາຊົນລາວ ບັນດາເຜົ່າໆ ໃຫ້ມີຄວາມ ຮັກແພງ ແລະ ສະມັກຄີກັນ ເພື່ອບໍ່ໃຫ້ ພວກຜະເດັດການ ຂາຍຊາດ ມາຍາດຊິງ ຜື່ນແຜ່ນດິນເກິດ ຂອງເຮົາ ແລະ ໃຫ້ມີ ສິດທິມະນຸດ ແລະ ສິດທິເປັນເຈົ້າຂອງ ປະເທດ ທີ່ແທ້ຈິງ ສາດສະຫນາ ໃດກໍດີມີປະເພນີ ອັນງົດງາມ ອີກດ້ວຍ ໂປດຈົງເຂົ້າໃຈ ປະຊາຊົນລາວ ບັນດາ ເຜົ່າເອີ໊ຍ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2014 06:26 PM

ເບິ່ງຄວາມເຫັນທັງໝົດ.

ເຕັມຫນ້າ