ອໍານາດສະພາແຫ່ງຊາດຈະສູງ ທີ່ສຸດ

ຈໍາປາທອງ
2014-12-23
ອີແມວລ໌
ຄໍາເຫັນ
Share
ພິມ
ສະຖາບັນ ສູງສຸດ ສະພາ ແຫ່ງຊາດ ສປປ ລາວ
ສະຖາບັນ ສູງສຸດ ສະພາ ແຫ່ງຊາດ ສປປ ລາວ
LPDR

 

ການ ດັດແກ້ ຣັຖທັມນູນ ຢູ່ ໃນ ກອງປະຊຸມ ສະພາ ແຫ່ງຊາດ ຂອງ ລາວ ຊຶ່ງ ກໍາລັງ ດໍາເນີນໄປ ຢູ່ ໃນຂນະນີ້ ຈະເຮັດໃຫ້ ສະພາ ແຫ່ງຊາດ ມີອໍານາດ ສູງທີ່ສຸດ ຂອງ ປະເທສ. ຕາມ ຣາຍງານ ຂອງ ວຽງຈັນ ທາມ ຂອງ ທາງການ ລາວ. ສະມາຊິກ ສະພາ ແຫ່ງຊາດ ຫລາຍຄົນ ສນັບສນູນ ເຣຶ່ອງ ທີ່ວ່ານັ້ນ ເພາະວ່າ ສະພາ ແຫ່ງຊາດ ມີບົດບາດ ສໍາຄັນ ເປັນທັງຜູ້ ຮັບຮອງ ເອົາຜູ້ນໍາ ປະເທສ ຮວມທັງ ປະທານ ປະເທສ ແລະ ທັງເປັນຜູ້ ຕົກລົງ ທຸກ ບັນຫາ ທີ່ເປັນພື້ນຖານ ຂອງ ປະເທສ.

ຖ້າຫາກວ່າ ຣັຖທັມນູນ ສະບັບ ປັບປຸງ ກໍານົດ ໃຫ້ ສະພາ ແຫ່ງຊາດ ມີອໍານາດ ສູງສຸດ ຂອງ ປະເທສ ກໍໝາຍ ຄວາມວ່າ ບົດບາດ ຂອງ ສະພາ ແຫ່ງຊາດ ຈະເພີ່ມຂຶ້ນ ຢ່າງ ຫຼວງຫຼາຍ ແລະ ໄດ້ຮັບການ ຍອມຮັບ ຈາກ ປະຊາຊົນ ທົ່ວທັງ ປະເທສ.

ທ່ານ ເກດ ກຽດຕິສັກ ຮອງ ຣັຖມົນຕຣີ ກະຊວງ ຍຸຕິທັມ ແລະ ເປັນທັງ ກັມການ ຄນະ ເລຂາທິການ ແກ້ໄຂ ຣັຖທັມນູນ ກ່າວຕໍ່ ວຽງຈັນ ທາມ ໃນອາທິດ ນີ້ວ່າ: “ຕາມ ນະໂຍບາຍ ຂອງ ປະເທສ ພວກເຮົາ ອໍານາດ ທັງໝົດ ເປັນຂອງ ປະຊາຊົນ. ທຸກຢ່າງ ທີ່ ພວກເຮົາເຮັດ ແມ່ນເພື່ອ ປະຊາຊົນ. ດັ່ງນັ້ນ ສະພາ ແຫ່ງຊາດ ຈຶ່ງສົມຄວນ ໄດ້ຮັບ ບົດບາດ ອັນນີ້”.

ແຕ່ຄວາມ ເປັນຈິງແລ້ວ ສະພາ ແຫ່ງຊາດ ຈະບໍ່ມີ ໂອກາດ ທີ່ ຈະມີອໍານາດ ສູງສຸດ ຂອງ ປະເທສ ໄດ້ ຖ້າຫາກ ບໍ່ປ່ຽນແປງ ມາດຕຣາ 3 ຂອງ ຣັຖທັມນູນ ສປປລາວ ທີ່ ກໍານົດເອົາ ໄວ້ວ່າ ພັກ ປະຊາຊົນ ປະຕິວັດ ລາວ ເປັນ ແກນນໍາ ຂອງ ຣະບົບ ການເມືອງ ຢູ່ລາວ.

ເຖິງຈະດັດແກ້ ຣັຖທັມນູນ ໃຫ້ ສະພາ ແຫ່ງຊາດ ມີ ອໍານາດ ສູງສຸດ ແຕ່ໃນ ສະພາບ ຕົວຈິງ ພັກ ກໍຍັງມີສິດ ມີອໍານາດ ເໜືອ ທຸກການ ຈັດຕັ້ງ ຢູ່ ສປປ ລາວ ນັ້ນຢູ່ ສເມີໄປ.

ຄໍາເຫັນ (4)
Share

ຫລານຊາຍພະຍາຟ້າງຸ່ມ

ຈາກ ໃຈກາງນະຄອນຫລວງ

ສະບາຍດີ ທ່ານ ບກ ທີ່ຮັກແພງ ຂພ ຂໍປະກອບ ຄຳຄິດເຫັນນຳ ອາດຈະເປັນປະໂຫຍດ ເລັກນ້ອຍ ກັບບ້ານເມຶອງ ແຕ່ກໍຄິດວ່າ ຍັງຈະດີກ່ວາ ບາງຄົນ ທີ່ນັ່ງເຊີດໜ້າຊູຕາ ຢູ່ຕຳແໜ່ງ ທີ່ປຸ້ນເອົາຈາກ ປະຊາຊົນມາ ແລ້ວນັ່ງ ກິນເງິນ ຂອງປະຊາຊົນ ບໍໜຳຊ້ຳ ຜັດຍັງຍັກຍອກ ສໍ້ໂກງບ້ານເມຶອງ ຢ້າງໜ້າຕາເສີຍອີກ ທ່ານວ່າແມ່ນບໍ? ( ເຊີນຕິດຕາມ ຟັງຄໍາເຫັນຂອງທ່ານຜ່ານທາງ ຣາຍການ ອ່ານ ຈ ມ ຈາກຜູ້ຟັງ)


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2014 03:24 PM

ຊື່ໃຜ

ຈາກ ບອກແລ້ວ

ເລື່ອງຂຽນ ນັ້ນຂຽນໄດ້, ຂຽນໃຫ້ດີ ໃຫ້ງາມ ປານໃດກໍ່ໄດ້ ແຕ່ພາກ ປະຕິບັດ ມັນໄປ ຄົນລະທິດກັນ, ບັນດາທ່ານ ຄົງຈະໄດ້ຍີນ ຈົນຄຸ້ນຫູແລ້ວ ກັບຄຳທີ່ວ່າ: ພັກເປັນ ແກນນຳ, ພັກນຳພາ ທຸກຂົງເຂດ ວຽກງານ. ກຳຕຳແໜ່ງ ຢູ່ໃນການຈັດຣັຖ ກໍ່ຄົນຜູ້ດຽວກັນ ນັ້ນ, ກຳຕຳແໜ່ງ ຢູ່ການຈັດຕັ້ງພັກ ກໍ່ຄົນຜູ້ດຽວກັນນັ້ນ, ກຳຕຳແໜ່ງ ຢູ່ໃນສະພາ (ນິຕິບັນຍັດ) ກໍ່ຄົນຜູ້ດຽວນັ້ນ ແລ້ວຈະມີຫຍັງ ທີ່ຂັດກັນໄດ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2014 03:08 PM

ທອງສິງ

ຈາກ ທ່າງ່ອນ

ອຳນາດສູງສຸດ ກໍ່ຄືພັກ ປະຊາຊົນ ປະຕິວັດລາວ ອັນດຽວ ນັ້ນແລ້ວ ລອກຄາບ ຈາກພັກ ຄອມມູຍນິຕ ແກວແດງ ແບ່ງປັນ ມູນ ໃຫ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 25, 2014 01:55 PM

ໄມສິງ

ຈາກ ວຽງໄຊ

ຈະຕັ້ງສິ່ງໄດຂຶ້ນ ກໍ່ພຽງແຕ່ ເປັນຂອງ ລວງຕາ, ສິ່ງສຳຄັນ ກ່ວາຫມູ່ ນັ້ນກໍ່ຄືພັກ ນຳພາ, ລັດຄຸ່ມຄອງ ປະຊາຊົນ ເປັນເຈົ້າ, ມີປະຊາທິປະຕາຍ ລວມສູນ ດຽວກັນ ເປັນເຄົ້າ ນັ້ນແລ້ວ ແມ່ນເຖິງຖອງ, ແບບ ຄອມມູຍນິຕ ລາວແດງ ແຂງນອກອ່ອນໃນ ເປັນຕົ້ນມາ, ຈົນເຖິງວັນ ໄດ້ບູຊາຮູບປັ້ນ ບັກໂຮຈິມິນ ທີ່ ໄດ້ຕັ້ງຂຶ້ນ ຢູ່ດິນລາວ ດັ່ງທີ່ທຸກຄົນເຫັນ ປະຈັກຕາ ຢູ່ທຸກວັນນີ້ ນັ້ນແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 24, 2014 03:54 PM

ເຕັມຫນ້າ