ອີກຫ້າປີ ສປປລ ຈະພົ້ນທຸກ

ຈໍາປາທອງ
2015-06-01
ອີແມວລ໌
ຄໍາເຫັນ
Share
ພິມ
ຮອງ ນາຍົກ ຣັຖມົນຕຣີ ສປປລາວ ທ່ານ ທອງລຸນ ສີສຸລິດ ກ່າວໃນຫົວຂໍ້: “40 ປີ ສປປລາວ ແລະ ເສັ້ນທາງ ສູ່ອະນາຄົດຂອງລາວ” ຢູ່ ບາງກອກ ປະເທສໄທ ໃນວັນທີ 28 ພຶສພາ 2015
ຮອງ ນາຍົກ ຣັຖມົນຕຣີ ສປປລາວ ທ່ານ ທອງລຸນ ສີສຸລິດ ກ່າວໃນຫົວຂໍ້: “40 ປີ ສປປລາວ ແລະ ເສັ້ນທາງ ສູ່ອະນາຄົດຂອງລາວ” ຢູ່ ບາງກອກ ປະເທສໄທ ໃນວັນທີ 28 ພຶສພາ 2015
RFA

ຮອງ ນາຍົກ ຣັຖມົນຕຣີ ສປປລາວ ທ່ານ ທອງລຸນ ສີສຸລິດ, ໄດ້ກ່າວ ໃນ ຫົວຂໍ້ “40 ປີ ສປປລາວ ແລະ ເສັ້ນທາງ ສູ່ ອະນາຄົດ ຂອງ ລາວ” ຢູ່ ບາງກອກ ປະເທສ ໄທ ໃນ ວັນທີ 28 ພຶສພາ 2015 ວ່າ, ສປປລາວ, ມີ ເປົ້າໝາຍ ທີ່ ຈະ ເຮັດໃຫ້ ປະຊາຊົນ ລາວ ຫລຸດພົ້ນ ອອກຈາກ ຄວາມ ທຸກຍາກ ໃຫ້ໄດ້ ພາຍໃນ ປີ 2020, ແລະ ເລິ່ມ ພັທນາ ໄປສູ່ ປະເທສ ທີ່ ມີ ຣາຍໄດ້ ປານກາງ ເພື່ອ ກ້າວໄປ ສູ່ ຣາຍໄດ້ ສູງ. ຕາມ ເປົ້າໝາຍ ຂອງ ສະຫະ ປະຊາຊາດ, ໂດຍຈະ ໃຫ້ ມີ ຣາຍໄດ້ 8,໐໐໐ ໂດລາ ສະຫະຣັຖ ຕໍ່ຄົນ ຕໍ່ປີ ໃນ ປີ 2032. ຕາມ ຣາຍງານ ຂອງ ມະຕິຊົນ ອອນລາຍ.

ຣາຍງານ ເວົ້າວ່າ ຫຼັງຈາກ ລາວ ຕໍ່ສູ້ ປົດປ່ອຍ ຈາກ ຕ່າງຊາດ, ແລະ ປ່ຽນແປງ ອຳນາດ ການ ປົກຄອງ ເມື່ອ ວັນທີ 2 ທັນວາ 1975, ໃນຊ່ວງ 3 ປີ ທຳອິດ ເປັນຊ່ວງ ທີ່ ຍາກ ລຳບາກ ທີ່ສຸດ, ໃນການ ປົວແປງ ບາດແຜ ສົງຄາມ, ນອກຈາກ ຟື້ນຟູ ເສຖກິດ ແລ້ວ ທີ່ ສຳຄັນ ຄື ພາວະ ຈິດໃຈ ຂອງ ປະຊາຊົນ ທີ່ ຍັງ ສັບສົນ ວ່າ ປະເທສ ຈະໄປ ໃນ ທິດທາງ ໃດ.

ແລະ ຕໍ່ມາ ໃນປີ 1986 ພັກ ປະຊາຊົນ ປະຕິວັດ ລາວ ໄດ້ ວາງ ແນວທາງ ທີ່ ໃຫ້ ຊື່ວ່າ: “ຈິນຕະນາການ ໃໝ່” ໂດຍ ຮັບຮູ້ ຄວາມ ເປັນຈິງ ຂອງ ປະເທສ ປ່ອຍໃຫ້ ມີ ເສຖກິດ ຫລາຍ ພາກສ່ວນ ແລະ ເປີດກວ້າງ ທາງ ດ້ານ ເສຖກິດ ສູ່ໂລກ ພາຍນອກ, ຊຶ່ງ ກ່ອນໜ້າ ນັ້ນ ບັງຄັບ ໃຫ້ ປະຊາຊົນ ເຮັດນາ ລວມໝູ່, ໃຫ້ ຈັດຕັ້ງ ສະຫະກອນ ກະເສດ, ສະຫະກອນ ຊື້-ຂາຍ ໃນ ທົ່ວ ປະເທສ.

ແຕ່ປີ 1991 ມາ ສປປລາວ ມີ ຣັຖທັມນູນ ສະບັບ ທຳອິດ ຊຶ່ງ ໃນນັ້ນ, ບົ່ງໄວ້ ເຖິງການ ຮັບປະກັນ ສິດ ເສຣີພາບ ແລະ ປະຊາ ທິປະຕັຍ ຂອງ ພົລເມືອງ ລາວ ທຸກຄົນ ແຕ່ ໃນ ພາກ ຕົວຈິງ ຫລາຍຄົນ ເວົ້າວ່າ ປະຕິບັດ ບໍ່ໄດ້ ພໍ ເທົ່າໃດ, ແລະວ່າ ຈະ ພັທນາ ເສຖກິດ ຕາມ ຣະບົບ ຕລາດ ການຄ້າ ຮວມທັງ ເປີດກວເາງ ການ ລົງທຶນ ຂອງ ຕ່າງ ປະເທສ ຂນະທີ່ ປັດຈຸບັນ ສປປລາວ ປະເຊີນ ກັບ ຄວາມ ຫຍຸ້ງຍາກ ທາງ ດ້ານ ເສຖກິດ ການເງິນ, ເປັນຕົ້ນ ຕິດໜີ້ ຕ່າງ ປະເທສ ເປັນ ຈຳນວນ ມະຫາສານ ເປັນການ ຍາກ ທີ່ ຈະໃຊ້ ແທນຄືນ ໄດ້.

ຄໍາເຫັນ (7)
Share

ຫວັງດີ

ຈາກ ລາວ

ອີກຫ້າປີ ຄວາມຈິບຫາຍ ເປັນຫຍັງຄື ເວົ້າແນວນີ້ ຍ້ອນວ່າ: 1. ໄມ້ ກະຈະຫມົດໄປ ຍ້ອນມີ ນະໂຍບາຍ ສົ່ງໄມ້ອອກ ແລ້ວເງິນເຂົ້າຖົງ ໂຕເອງ ປະເທດຊາດ ໄດ້ເສຍຫາຍ ຜົນປະໂຫຍດ ແມ່ນສວ່ນໂຕ ແລະ ພັກພວກ 2. ຊັບພະຍາກອນ ທຳມະຊາດ ກໍຈະຫມົດໄປ ຍ້ອນໃຫ້ ສຳປະທານ 3. ດິນດອນ ຕອນຫຍ້າ ໃຫ້ນາຍທືນ ແລະ ຕ່າງຊາດ ສຳປະທານຫມົດ (ຢຶດຊັບສິນ ຂອງ ປະຊາຊົນ ເຊັ່ນ ໄຮ່ນາຫົ້ວສວນ ປະຊາຊົນ ບ່ແມ່ນແນວເຮັດ ອາຊີບ (ປະຊາຊົນ ເຄີຍເຮັດປູກຝັງ ເປັນອາຊີບ ຈົນເຖ້າແກ່ ແຕ່ ສຸດຍ້າຍເຂົາຫນີໄປ ຢູ່ດິນແຫ້ງແລ້ງ ບໍມີຫຍັງ (ຂ້າເຂົາຕາຍ ໂດຍທາງອ້ອມ) ຍ້ອນບໍມີອາຊີບ ????



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 25, 2015 02:35 PM

lao

ຈາກ vientiane

ຄວາມໝາຍ ຂອງ ທ່ານ ຣັຖມົນຕຣີ ຕ່າງປະເທດ ນີ້ແມ່ນອິກ 5 ປີ ປະເທດລາວ ຈະມີໜີ້ຫຼາຍຂື້ນ ຂໍໃຫ້ພໍ່ແມ່ ປະຊາຊົນ ຄອຍຕິດຕາມ ເບີ່ງໂລດ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 10, 2015 10:28 AM

ນ້ຳຄຳ ຈືນແດຣະ

ຈາກ Oklahoma City, U.S.A

ອືກຫ້າປີລາວ ຈະພົ້ນຄວາມທຸກ. ຂໍສັນລະເຊີນ ທ່ານ ຣັຖມົນຕຣີ ຕ່າງປະເທສ ທີ່ໃຫ້ຄວາມຫວັງ ຕໍ່ ປະຊາຊົນ ແບບໃຫ້ມີ ກຳລັງໃຈ. ເຮົາຄົນລາວ ຕ່າງແດນ ຂໍໃຫ້ທັດສະນະ ແບບນິ້ ຄື ອືກຫ້າປີ ລາວ ຈະໄດ້ຄື. 1. ບໍ່ຄຳ ແລະ ເງີນ ທົ່ວປະເທດ ກໍຈະໝົດໄປ. 2. ປ່າໄມ້ ທົ່ວປະເທດ ກໍຈະໝົດໄປ. 3. ດີນດອນ ຂອງປະຊາຊົນ ຈະທຳມາຫາກີນ ກໍຈະໝົດໄປ. 4. ສັດທັງປ້ວງ ສັດນ້ຳແລະສັດປ່າ ກໍຈະໝົດໄປ. 5. ຫ້ວຽນ້ຳລຳເຊ ນ້ອຍໃຫ່ຍ ກໍຈະແຫ້ງໄປໝົດ ຍ້ອນສ້າງເຂື່ອນ. ຄວາມສລາດ ສອງໄສ່ ຂອງ ຣັຖບາລ ສປປລາວ ໃຫ້ ຄົນຕ່າງຊາດ ມາເອົາສົມບັດ ຂອງຊາດ ໄປຈົນໝົດ ນິ້ຄືຄວາມຈີ່ງ ທີ່ປະເທດລາວ ຈະສຳເຣັດ ພົ້ນຫ້າປີຂ້າງໜ້າ. ການວ່າງແຜນ ທີ່ຖືກຕ້ອງ ຂອງພັກແລະຣັຖ ຫ້າ ຂໍ້ທີ່ເຮົາເວົ້າມານິ້ ໃຫ້ພໍ່ແມ່ ປະຊາຊົນ ຄອຍຕິດຕາມເບີ່ງ ວ່າຈະແມ່ນ ຫຼືຈະຜິດ ສີງທີ່ຮົາ ເວົ້າມານິ້.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 02, 2015 02:31 PM

phetsakhat sorphainam

ຈາກ vientiane

laos is poor country in Asia and laos will never get rich unless those communist leaders get tire of corrupting the country otherwise shut up.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 02, 2015 02:26 PM

ເຜົ່າລາວ

ຈາກ ແຜ່ນດີນລ້ານຊ້າງ

ມັນເກີນວ່າເວົ້າຖືກ ປີ 2020 ປະຊາຊົນລາວ ຈະຫລຸດພົ້ນຈາກ ຄວາມທຸກຍາກ ມາເປັນ "ທຸກງ່າຍ" ເພາະດີນດອນ ຕອນຫຍ້າ ຈະຖືກຂາຍ ໃຫ້ວຽດກັບຈີນຈົນ ຫມົດ ໂດຍພັກແລະຣັຖ. ເຖີງຕອນນັ້ນຄົນລາວ ຈະກາຍເປັນ ຄົນໄຮ້ ຊື່ງ ທີ່ ທຳມາຫາຢູ່ກີນ ສຸດທ້າຍ ກໍຈະກາຍເປັນ ຂີ້ຂ້າ ວຽດກັບຈີນ, ຫາເຊົ້າກີນຄ່ຳ ໄປເປັນວັນໆ.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 02, 2015 02:23 PM

ເບິ່ງຄວາມເຫັນທັງໝົດ.

ເຕັມຫນ້າ