ນັກໂທດມີສິດໄປປິ່ນປົວຢູ່ ໂຮງໝໍ

ສົມເນ
2015-10-08
ອີແມວລ໌
ຄໍາເຫັນ
Share
ພິມ
ໂບດ ທີ່ ນະຄອນຫຼວງວຽງຈັນ
ໂບດ ທີ່ ນະຄອນຫຼວງວຽງຈັນ
RFA/Lx

ທາງການ ລາວ ວ່າ ມີ ຣະບຽບ ກົດໝາຍ ອະນຸຍາດ ໃຫ້ ຍາດພີ່ນ້ອງ ຂອງ ນັກໂທດ ທີ່ ມີ ພຍາດ ປະຈຳຕົວ ນັ້ນ ສາມາດ ຂຽນ ຄຳຮ້ອງ ຂໍເອົາ ນັກໂທດ ນັ້ນ ໄປປິ່ນປົວ ຢູ່ ໂຮງໝໍ ຕຳຣວດ ຫລື ໂຮງໝໍ ໃນຄຸກ ໄດ້ ໂດຍມີ ເຈົ້າໜ້າທີ່ ຄອຍ ຄຸ້ມກັນ. ຕາມ ການ ຊີ້ແຈງ ຂອງ ເຈົ້າໜ້າທີ່ ກະຊວງ ປ້ອງກັນ ຄວາມສງົບ ຂອງລາວ ພາຍຫລັງ ທີ່ ມີ ຫາງສຽງ ກ່ຽວກັບ ເຣຶ່ອງ ດັ່ງກ່າວ:

"ກົດໝາຍ ເຂົາເຈົ້າ ກະມີ ສະເພາະ ປິ່ນປົວ ຢູ່ໂຮງໝໍ ຕຳຣວດ ແລ້ວ ກໍໃຫ້ ຍາດພີ່ນ້ອງ ມາ ຄ້ຳປະກັນ ເອົາໄປປົວ, ມີ ນະໂຍບາຍ ຕົວນີ້ ທົ່ວ ປະເທສ, ມີ ນະໂຍບາຍ ອັນດຽວ ກັນ ໝົດ, ເອົາໄປຢູ່ ໂຮງໝໍ ແລ້ວມີ ເຈົ້າໜ້າທີ່ ໄປ ປ້ອງກັນ".

ທ່ານກ່າວ ອີກວ່າ ກ່ອນທີ່ ນັກໂທດ ຈະ ໄປ ປິ່ນປົວ ຢູ່ ໂຮງໝໍ ໄດ້ ນັ້ນ, ຕ້ອງຜ່ານ ການກວດ ແລະ ຢັ້ງຢືນ ຂອງ ແພດ ຄັກແນ່, ຄືກັນກັບ ຢູ່ ຫຼາຍປະເທດ ໃນໂລກ ທີ່ໃຫ້ ສິດ ແກ່ ນັກໂທດ ເພື່ອ ມະນຸສທັມ. ສຳລັບ ກໍຣະນີ ຂອງ ທ່ານ ຕຽນ ລາວຄຣິສຕຽນ ຢູ່ ເມືອງ ອາດສະພັງທອງ ທີ່ ມີພຍາດ ເບົາຫວານ ແລະ ຖືກ ທາງການລາວ ລົງໂທດ ໃສ່ຄຸກ ຢູ່ ແຂວງ ສວັນນະເຂດ ເຖິງ 9 ເດືອນ ແລະ ຜູ້ກ່ຽວ ກໍ ເສັຽຊີວິດ ເວລາ ພົ້ນໂທດ ອອກມາຢູ່ ເຮືອນ ນັ້ນ, ທາງ ເຈົ້າໜ້າທີ່ ບໍ່ຮູ້ວ່າ ຕອນ ທ່ານ ຕຽນ ຢູ່ໃນຄຸກ ນັ້ນ ທ່ານ ຕຽນ ໄດ້ຮັບ ການ ປິ່ນປົວ ຫລືບໍ່.

ຕາມ ຖແລງການ ຂອງ ອົງການ ສິດທິ ມະນຸດ ເພື່ອ ເສຣີພາບ ທາງ ສາສນາ ໃນລາວ Human Rights Watcher ເວົ້າວ່າ ທ່ານ ຕຽນ ຖືກ ຂັງຄຸກ ແລະ ທາງການ ບໍ່ຍອມ ໃຫ້ຢາ ແກ້ ເບົາຫວານ ຕາມທີ່ ທ່ານ ຕ້ອງໄດ້ຮັບ ເປັນ ປົກກະຕິ ໃນ ເວລາ ຖືກຂັງ ຄຸກ ຢູ່ນັ້ນ.

ກ່ຽວກັບ ເຣຶ່ອງນີ້ ເອເຊັຽ ເສຣີ ໄດ້ ພຍາຍາມ ຕິດຕໍ່ ໄປຍັງ ເຈົ້າໜ້າທີ່ ຢູ່ຄຸກ ແຂວງ ສວັນນະເຂດ, ແຕ່ ບໍ່ສາມາດ ຕິດຕໍ່ໄດ້ ຂນະທີ່ ກຸ່ມ ລາວຄຣິສຕຽນ ຍັງ ສົງໄສ ວ່າ ທ່ານ ຕຽນ ອາຈບໍ່ໄດ້ ຮັບ ການປິ່ນປົວ ໃນຣະຫວ່າງ ທີ່ ຖືກ ຂັງຄຸກ ຢູ່ນັ້ນ ແລະ ໄດ້ຮຽກຮ້ອງ ໃຫ້ ທາງການ ແຂວງ ສວັນນະເຂດ ຊີ້ແຈງ ໃຫ້ ຣະອຽດ ເພື່ອ ຄວາມ ກະຈ່າງແຈ້ງ.

ຄໍາເຫັນ (2)
Share

ลาว

ຈາກ ลาว

กดหมายของลาวพี้งรู้สำนืกทำออกมาไช้ในเวลาโลกและ(social media) เขาตำนิพวกท่าน! แต่40ปีพ่านมาถีงไม้สำนืกจะทำเพี่อนักโธดเลียหลายคนกีงกับจบชีวิดของเขาพายในห้องคูมขัง,หืรว่าพวกท่านไม้เข้าใจและไม้มียู่ในจิดใจของพวกท่านเลียหืรคำพูดที่ว่ามะนุสยะทัม มากสเลนินไม้ได้สีบทอดไห้พวกท่านหีร?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 16, 2015 09:53 AM

LAO

ຈາກ Viang tiane

They need to have a nurse stay with the jail to check up with the sick people in jail.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 11, 2015 04:40 PM

ເຕັມຫນ້າ