ລາວວຽດນາມຮ່ວມມືດ້ານສານ ຍຸຕິທັມ

ສິດນີ
2014-12-28
ອີແມວລ໌
ຄໍາເຫັນ
Share
ພິມ
ນາຍົກ ຣັຖມົນຕຣີໄທ ເດີນທາງຢ້ຽມຢາມ ລາວແລະວຽດນາມ
ນາຍົກ ຣັຖມົນຕຣີໄທ ເດີນທາງຢ້ຽມຢາມ ລາວແລະວຽດນາມ
Photo courtesy of NNT

 

ປະທານ ປະເທດ ສປປ ລາວ ທ່ານ ຈູມມະລີ ໄຊຍະສອນ ໄດ້ ສັລເສີນ ຄວາມຮ່ວມມື ຣະຫວ່າງ ສານ ຍຸຕິທັມ ລາວ-ວຽດນາມ ໃນການ ຕ້ອນຮັບ ຫົວຫນ້າ ສານ ສູງສຸດ ວຽດນາມ ທ່ານ ຕຣອງ ຮົວບິນ ທີ່ ນະຄອນ ຫຼວງວຽງຈັນ ໃນ ວັນທີ 26 ທັນວາ ຜ່ານມາ. ທ່ານ ໄດ້ສະແດງ ຄວາມ ຫວັງວ່າ ສອງຝ່າຍ ຈະເພີ້ມ ຄວາມຮ່ວມ ມື ກັນ ຫລາຍຂຶ້ນ ໃນ ອະນາຄົດ ໂດຍສະເພາະ ທາງດ້ານ ການ ຝືກ ອົບຮົມ ເຈົ້າຫນ້າທີ່ ສານ ຂອງລາວ.

ໃນຂນະ ດຽວກັນ ຝ່າຍ ວຽດນາມ ນາຍ ຕຣອງ ຮົວບິນ ກໍໄດ້ຣາຍ ງານ ຕໍ່ ເຈົ້າພາບ ຝ່າຍລາວ ກ່ຽວກັບ ຜົລ ຂອງ ກອງປະຊຸມ ສານ ຄັ້ງທີສາມ ຣະຫວ່າງ ແຂວງ ທີ່ຕິດກັບ ຊາຍແດນ ວຽດນາມ ລາວ ແລະ ກຳພູຊາ ທີ່ ນະຄອນ ຫລວງ ວຽງຈັນ ໃນ ວັນທີ 25 ຫາ 26 ທັນວາ ວ່າ ສາມ ປະເທດ ຈະເພີ້ມການ ປາບປາມ ອາຊຍາກັມ ຂ້າມ ຊາດ ໃຫ້ ຫລາຍຂຶ້ນ.

ສຳລັບ ແຜນການ ຄວາມຮ່ວມມື ໃນ ອະນາຄົດ ຣະຫວ່າງ ສານ ວຽດນາມ ກັບລາວ ນັ້ນ ທ່ານ ເວົ້າວ່າ ສອງຝ່າຍ ຈະສືບຕໍ່ ການ ຢ້ຽມຢາມ ຂອງ ເຈົ້າຫນ້າທີ່ ສານ ຂອງ ສອງປະເທດ ເພື່ອ ແລກປ່ຽນ ປະສົພການ ແລະ ສ້າງຕັ້ງ ຕາຕະຣາງ ການ ຝຶກອົບຮົມ ເຈົ້າຫນ້າທີ່ ສານ ຂອງລາວ ໃນ ວຽດນາມ.

ກົດຫມາຍ ລາວ ສ່ວນໃຫຍ່ ແມ່ນກ່າຍ ຫລື ລອກແບບ ມາຈາກ ກົດຫມາຍ ວຽດນາມ ແລະ ເຈົ້າຫນ້າທີ່ ລາວ ສ່ວນໃຫຍ່ ກໍຝຶກອົບຮົບ ມາຈາກ ວຽດນາມ.

ຄໍາເຫັນ (1)
Share

ທອງ​ໃບ

ຈາກ ​ໄຊ​ເສດ​ຖາ

​ການ​ບັງ​ຄັບ ​ທ່ານ ສົມ​ບັດ​ສົມ​ພອນ​ ໃຫ້ ຫາຍ​ສາບ​ສູນ​ ຂອງ ພັກ​ປະ​ຊາ​ຊົນ​ ປະ​ຕິ​ວັດ​ລາວ ເມື່ອ ສອງ​ປີ ຜ່ານ​ມານັ້ນ ຜູ້​ນໍາ ສ​ປ​ປ ລາວ ໄດ້​ເມີນ​ເສີຍ​ ຕໍ່​ຄອບ​ຄົວ​ ທ່ານ​ສົມ​ບັດ ​ແລະ​ນານາ​ຊາດ ​ເພື​ອ່​ໃຫ້ ​ຄຳ​ຕອບ​ກໍ່​ຕາມ ​ເທວະ​ດາ ​ພະ​ຜູ້​ເປັນ​ເຈົ້າ ກໍ່​ໄດ້​ຕັດ​ສີນ​ເອົາ ຜູ້​ນໍາ ສ​ປ​ປ ລາວ​ ໄປ​ລົງ​ໂທດ​ສັນ​ຫັກ​ ໂດຽບັງ​ຄັບ​ໃຫ້ ລັດ​ຖະ​ມົນ​ຕີ ປ້ອງ​ກັນ​ປະ​ເທດ ລັດ​ຖະ​ມົນ​ຕີ​ ປ້ອງ​ກັນ ​ຄວາມ​ສະ​ຫງົ​ບ ຄະ​ນ​ະ​ພັກ​ແຂວງ​ ກຳ​ແພງ​ນະ​ຄອນ ແລະ ​ຄະ​ນະ​ ໄປຈູບ​ໃນ​ເວັນ​ກຳ ຊີງ ພາ​ໃຫ້​ຍົນ​ກອງ​ທັບ ​ໄປ​ຕົກ​ທີ ແຂວງ​ຊຽງ​ຂວາງ ເປັນ​ກະ​ທົບ ​ອັນ​ໃຫ່​ຽ ຫລວງ ໃຫ້ ພັກ​ປະ​ຊາ​ຊົນ ປະ​ຕິ​ວັດ ລາວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 04, 2015 03:01 PM

ເຕັມຫນ້າ