ພາກປະຊາສັງຄົມລາວ ຍັງບໍ່ໄດ້້ຮ່ວມ ໃນການພັທນາ: ທູດພິເສດ ສປຊ

ຈໍາປາທອງ
2019-03-29
ອີແມວລ໌
ຄໍາເຫັນ
Share
ພິມ
ຜູ້ຣາຍງານພິເສດ ຂອງ ສະຫະປະຊາຊາດ, ສາສດາຈານ Philip Alston.
ຜູ້ຣາຍງານພິເສດ ຂອງ ສະຫະປະຊາຊາດ, ສາສດາຈານ Philip Alston.
Photo Courtesy of: Bassam Khawaja 2019

ທ່ານ ຟິລິບ ອາລສ​ເຕິນ (Philip Alston), ຜູ້ຣາຍງານພິເສດ ອົງການ ສປຊ ໄດ້ຣາຍງານວ່າ ພາກສ່ວນປະຊາສັງຄົມ ໃນລາວ ຍັງຂາດການມີສ່ວນຮ່ວມ ໃນເວທີ ປຶກສາຫາລື ແລະ ສິ່ງນີ້ິ້ ກໍໄດ້ກໍ່ໃຫ້ເກີດ ບັນຫາໄປທົ່ວສັງຄົມລາວ, ເຊິ່ງປະຊາຊົນ ກໍບໍ່ສະທ້ອນ ບັນຫາດັ່ງກ່າວ ຢ່າງຈິງໃຈ ໃຫ້ຣັຖບານໄດ້ຮູ້, ດັ່ງທ່ານໄດ້ກ່າວຕອນນຶ່ງວ່າ:
"ທ່ານວ່າ ສິ່ງທີ່ຂ້າພະເຈົ້າ ຢາກບອກ ກໍແມ່ນວ່າ ການທີ່ຢູ່ໃນລາວ ພາກສ່ວນປະຊາສັງຄົມ ຍັງຂາດຄວາມເຂັ້ມແຂງ ໃນການມີສ່ວນຮ່ວມ ໃນເວທີປຶກສາຫາລື ທີ່ສ້າງສັນ ມັນໄດ້ກໍ່ໃຫ້ເກີດບັນຫາ. ຣັຖບານ ບໍ່ໄດ້ ຮັບການສະທ້ອນບັນຫາ ທີ່ແທ້ຈິງ ຈາກປະຊາຊົນ. ມັນໄດ້ນຳໄປສູ່ ຄວາມຖົດຖອຍ ໃນທຸກພາກສ່ວນຂອງສັງຄົມ."

ໃນຂນະດຽວກັນ, ເຈົ້າໜ້າທີ່ ທີ່ເຮັດວຽກພາກປະຊາສັງຄົມໃນລາວ ກໍໄດ້ກ່າວ ຕໍ່ຜູ້ສື່ຂ່າວເອເຊັຽເສຣີ ໃນວັນທີ 29 ມີນາ ນີ້ວ່າ ການເຮັດວຽກ ຂອງພາກປະຊາສັງຄົມ ໃນລາວ ຍັງພົບຄວາມຫຍຸ້ງຍາກຫຼາຍ ເພາະຕ້ອງໄດ້ ຜ່ານຂັ້ນຕອນກວດກາຕ່າງໆ ຈາກພາກຣັຖ ຢ່າງເຂັ້ມງວດ.

“ທີ່ລົມກັນນີ້ ເຮັດວຽກໂຕນີ້ ມັນຕ້ອງແມ່ນ ເປັນວຽກຄ້າຍໆອິສຣະ, ເນາະ. ຖ້າມັນມີກະຊວງ ເຂົ້າມາ ທາງພັກຣັຖ ເຂົ້າມາກ່ຽວຂ້ອງຫຼາຍ ການເຮັດວຽກ ເຮົາກະ ມັນບໍ່ເຕັມເມັດເຕັມໜ່ວຍ ເພາະວ່າ ເຮົາພະຍາຍາມ ເຮັດຕາມຂັ້ນຕອນ ທີ່ວ່າ ເຮົາວາງແຜນການເນາະ, ແຕ່ວ່າ ຖ້າມີກະຊວງ ເຂົ້າມາ, ແນ່ນອນ ມັນກະຕ້ອງ ມີຂໍ້ບີບບັງຄັບເຮົາຫຼາຍດ້ານ.”

ຕໍ່ບັນຫານີ້, ເຈົ້າໜ້າທີ່ ຜູ້ເຮັດວຽກສົ່ງເສີມປະຊາທິປະຕັຍ ແລະ ສິທທິພາກປະຊາສັງຄົມ ໃນລຸ່ມແມ່ນ້ຳຂອງ ກໍໄດ້ກ່າວເຊັ່ນດຽວກັນວ່າ ເສຣີພາບ ຂອງພາກປະຊາສັງຄົມ ໃນລາວ ນັບມື້ຂີ້ຮ້າຍລົງ ແລະ ໜ້າເປັນຫ່ວງ. ຍາ​ນາງ ກ່າວ​ວ່າ:

"ພວກເຮົາ ໄດ້ເຮັດວຽກຢູ່ໃນ ຂົງເຂດນີ້ ເປັນເວລາ ໄລຍະນຶ່ງແລ້ວ. ພື້ນທີ່ ຂອງພາກປະຊາສັງຄົມ ສືບຕໍ່ແຄບລົງ. ພວກເຂົາ [ໝາຍເຖິງ ຜູ້ທີ່ເຮັດວຽກ ນຳອົງການຈັດຕັ້ງ ພາກປະຊາສັງຄົມ] ບໍ່ຖືກອະນຸຍາດ ໃຫ້ເວົ້າຫຼາຍ ແລະ ສິ່ງນີ້ ເປັນສິ່ງທີ່ໜ້າເປັນຫ່ວງຫຼາຍ. ເຣື້ອງ ປະຊາທິປະຕັຍ ກໍຕົກຕ່ຳ ຢ່າງຮ້າຍແຮງ. ຂ້າພະເຈົ້າ ໝາຍຄວາມວ່າ ປະຊາຊົນ ບໍ່ສາມາດສະທ້ອນ ບັນຫາ ຂອງເຂົາອອກມາໄດ້. ເງື່ອນໄຂ ຂອງຜູ້ເຮັດວຽກພາກປະຊາສັງຄົມ ໃນລາວ ແມ່ນຂີ້ຮ້າຍ ແທ້ໆ."

ຄໍາເຫັນ (1)
Share

(

ສະຫະປະຊາຊາດ ຄືຜູ້ທີ່ໄຫ້ການຊ່ວເຫຼືອແກ່ສປປລາວ ເປັນອັນດັບນຶ່ງຂອງທຸກໆຄວາມຊ່ວຍເຫຼືອ ໂດຍບໍ່ໄດ້ຄິດຄ່າຕອບແທນບຸນຄຸນ ແລະກໍາໄລອີຫັຽງທັງໝົດ ແລະສະຫະປະຊາດ ມີສີ່ງດວຽທີ່ເຂົາເຈົ້າຕ້ອງການ ກໍຄືໄຫ້ສປປລາວນັບຖື ແລະເຄົາລົບສິດທິ ຂອງປະຊາຊົນ ກໍຄືສິດທິມະນຸດນັ້ນເອັງ ສປປລາວ ກ້ຍັງເຮັດບໍ່ໄດ້, ສນັ້ນທ່ານ ( Phillip) ພ້ອມຄະນະຈຶ່ງໄດ້ເຂົ້າມາເບີ່ງສປປລາວ ດ້ວຍຕົວເອັງວ່າທຸກສິ່ງທຸກຢ່າງ ມັນເປັນໄປຕາມທີ່ຜູ້ນໍາສປປລາວໄດ້ປະກາດ ໄຫ້ຊາວໂລກຮັບຮູ້ບໍ່,ແລະຄໍາຕອບກໍຄື,ຄໍາໂຄຊະນາຂອງຜູ້ນໍາສປປລາວ ກັບພາກປະຕິບັດນັ້ນມັນກົງກັນຂ້າມເລີຍ, ເພາະພວກເພິ່ນບໍ່ໄດ້ສ້າງສາປະເທດຊາດ ໄປໃນທາງບວກເລີຍ, ແລະເປັນຄືແນວນີ້ແລ້ວຜູ້ນໍາສປປລາວ ຊິເອົາພຶດຕິກັມ ແບບໄດມາຕໍ່ລອງອີກ ເພາະທຸກຢ່າງມັນເປັນຄວາມຈິງ ແລະກໍໄດ້ຢູ່ໃນໜ້າເຈັ້ຽ 21 ສບັບຂອງການລາຍງານ

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 04, 2019 06:16 AM

ເຕັມຫນ້າ