ການຊອກທ່ານ ສົມບັດ ບໍ່ຍາກ ຖ້າຣັຖບານ ລົງມືແທ້

ອຸ່ນແກ້ວ
2019-12-17
ອີແມວລ໌
ຄໍາເຫັນ
Share
ພິມ
ທ່ານ ດ​ຣ. ສົມ​ບັດ ສົມ​ພອນ ເມື່ອ​ຄັ້ງ​ທີ່​ທ່ານ ເຂົ້າ​ຮ່ວມກອງ​ປະ​ຊຸມ ທີ່​ນະ​ຄອນຫຼວງ ​ບາງກອກ ປະ​ເທດ​ໄທ​ຍ ເມື່ອ​ວັນ​ທີ 5 ຕຸ​ລາ 2010 ຫຼື​ເມື່ອ 9 ປີ ທີ່​ຜ່ານ​ມາແລ້ວ
ທ່ານ ດ​ຣ. ສົມ​ບັດ ສົມ​ພອນ ເມື່ອ​ຄັ້ງ​ທີ່​ທ່ານ ເຂົ້າ​ຮ່ວມກອງ​ປະ​ຊຸມ ທີ່​ນະ​ຄອນຫຼວງ ​ບາງກອກ ປະ​ເທດ​ໄທ​ຍ ເມື່ອ​ວັນ​ທີ 5 ຕຸ​ລາ 2010 ຫຼື​ເມື່ອ 9 ປີ ທີ່​ຜ່ານ​ມາແລ້ວ
RFA/Chareunsouk

ທ່ານ ສົມ​ບັດ ສົມ​ພອນ ນັກ​ພັທ​ນາ ອາ​ວຸ​ໂສ​ດີ​ເດັ່ນ ​ຂອງ​ລາວ ທີ່​ຖືກ​ລັກ​ພາ​ຕົວໄປ ໃນ​ວັນ​ທີ 15 ທັນ​ວາ ປີ 2012 ແລະ ຈົນ​ມາ​ເຖິງ ​ປັດ​ຈຸ​ບັນ ເຫຕ​ການ​ກໍ​ຜ່​ານ​ໄປ ເປັນ​ເວ​ລ​າ 7 ປີ.

ຍານາງ ຊຸຍ​ເມັ້ງ ພັລ​ຍາ ຊາ​ວສິງ​ກະ​ໂປ ຂອງ​ທ່ານ ສົມ​ບັດ ໄດ້​ໃຫ້​ຄຳ​ເຫັນ​ວ່າ ການ​ຊອກ​ຫາຕົວ ທ່ານ ສົມ​ບັດ ບໍ່​ຍາກ​ເລີຍ ຖ້າ​ວ່າ ເຈົ້າ​ໜ້າ​ທີ່ ຢາກ​ຊອກ, ແຕ່​ຂນາດຄ​ດີ​ອື່ນໆ ຣັ​ຖ​ບານ​ ກໍ​ຍັງເຮັດ​ໄດ້ ແລະ ນອກ​ຈາກນີ້ ຄອບ​ຄົວ​ຂອງທ່ານ ສົມ​ບັດ ກໍ​ຖືກ​ເຈົ້າ​ໜ້າ​ທີ່ ​ຕິດ​ຕາມ.

ໃຫ້ທ່ານ ໄປ​ຟັງ​ສຽງ​ສັມພາດ​ເບິ່ງ.

ນອກ​ຈາກນີ້, ນັກ​ກົດ​ໝາຍ ​ທ່ານ​ນຶ່ງ ຜູ້​ທີ່ບໍ່​ປະ​ສົງ​ອອກ​ຊື່ ແລະ ສຽງ ໄດ້​ກ່າວ​ຕໍ່​ເອ​ເຊັຽ​ເສ​ຣີ ວ່າ: ເຈົ້າ​ໜ້າ​ທີ່​ຕຳ​ຣວດ ສາ​ມາດ​ຊອກ​ຫາທ່ານ ສົມ​ບັດ ສົມ​ພອນ ໄດ້, ແຕ່ຄື​ເວົ້າ​ຫັ້ນ​ແຫຼະ ບາງ​ອັນ ​ເພິ່ນກໍ​ຮັກ​ສາ​ໄວ້ ມັນ​ກ່ຽ​ວຂ້ອງ ກັບ​ຄວາມ​ໝັ້ນ​ຄົງ.

ອົງ​ການ​ຈັດຕັ້ງ​ ພາກ​ປະ​ຊາ​ສັງ​ຄົມສາ​ກົ​ລ ເກືອບ 90 ອົງ​ການ ໄດ້ອອກ ​ຖ​ແລງ​ການ​ຮ່​ວມ  ໃນ​ວັນ​ທີ 15 ທັນ​ວາ 2019 ເພື່ອ​ຮຽກ​ຮ້ອງ ​ໃຫ້​ຣັ​ຖ​ບານ​ລາວ ເປີດ​ເຜີຍ​ວ່າ ທ່ານ ສົມ​ບັດ ​ຢູ່​ໃສ? ແລະ ເພື່ອ​ໃຫ້​ທ່ານ ໄດ້​ຮັບ​ຄວາມ​ຍຸ​ຕິ​ທຳ.

ອົງ​ການ​ຈັດ​ຕັ້​ງ ​ພາກ​ປະ​ຊາ​ສັງ​ຄົມສາ​ກົ​ລ ຍັງ​ຮຽກ​ຮ້ອງ​ ໃຫ້ປະ​ຊາ​ຄົມ​ໂລກ ນຳ​ໃຊ້ເວ​​ທີ ການ​ທົບ​ທວນ​ ປະ​ຈຳ​ໄລ​ຍະ ກ່ຽວ​ກັບ ​ການປະຕິ​ບັດ ​ສິດ​ທິ​ມະ​ນຸດ​ ຢູ່​ໃນ​ລາວ ຫລື UPR ເພື່ອ​ໃຫ້​ຣັ​ຖ​ບານ​ລາວ ສືບ​ສວນ​ສອບ​ສວນ​ ການ​ລັກ​ພາ​ຕົວ​ ທ່ານ ​ສົມ​ບັດ ຢ່າງ​ຈິງ​ຈັງ ແລະ ມີ​ປະ​ສິດ​ທະ​ພາບ, ເຊິ່ງ​ການ​ທົບ​ດັ່ງ​ກ່າວ ມີ​ກຳ​ນົດ​ການ ໃນວັນ​ທີ 21 ມົກ​ກະ​ຣາ 2020 ຢູ່ນະ​ຄອນ ​ເຈ​ນີ​ວາ ປະ​ເທດ​ສະ​ວິດ​ເຊີ​ແລນດ໌.

ເອ​ເຊັຽ​ເສ​ຣີ ໄດ້​ພະ​ຍາ​ຍາມ ຕິດ​ຕໍ່​ຫາ ​ເຈົ້າ​ໜ້າ​ທີ່​ຕຳ​ຣວດ​ ຢູ່​ນະ​ຄອນ​ຫຼວງວຽງ​ຈັນ ເພື່ອຖາມເຖິງ ​ຄວາມ​ຄືບ​ໜ້າ ​ໃນ​ການສືບ​ສວນ ຫາ​ຕົວ​ທ່ານ ສົມ​ບັດ, ແຕ່​ເຈົ້າ​ໜ້າ​ທີ່​ຕຳ​ຣວດ ​ປະ​ຕິ​ເສດ ​ທີ່​ຈະ​ໃຫ້​ຂໍ້​ມູນ ​ໃນ​ເຣື້ອງນີ້.

ເຖິງ​ຢ່າງ​ໃດ​ກໍ​ຕາມ, ທີ່​ຜ່ານ​ມາ ​ເຈົ້າ​ໜ້າ​ທີ່​ທາງ​ການ​ລາວ ໄດ້​ອອກ​ມາ​ຊີ້​ແຈງວ່າ ບໍ່​ມີ​ສ່ວນ​ກ່ຽວ​ຂ້ອງ ​ໃນ​ການລັກ​ພາ​ຕົວ​ ທ່ານ ​ສົມ​ບັດ ສົມ​ພອນ ແລະ ເຈົ້າ​ໜ້າ​ທີ່​ ກໍພະ​ຍາ​ມ ​ສືບ​ສວນ ສອບ​ສວນ ​ຫາຕົວທ່ານ ​ສົມ​ບັດ ​ສົມ​ພອນ ເຊັ່ນ​ກັນ.

ຄໍາເຫັນ (0)
Share
ເຕັມຫນ້າ