ຄົນຕິດເຊື້ອໂຣຄຊິກ້າ ຢູ່ ລາວ

ສິດນີ
2016-03-06
ອີແມວລ໌
ຄໍາເຫັນ
Share
ພິມ
ເຈົ້າໜ້າທີ່ ສາທາຣະນະສຸຂ ກັມພູຊາ ກໍາລັງເກັບທໍາລາຍ ໄຂ່ຍຸງ ທີ່ຈະນໍາໄປສູ່ ການຣະບາດ ຂອງໂຣຄໄຂ້ Zika ທີ່ ກຸງພະນົມເປັນ ຕາມການແນະນໍາ ຈາກ ອົງການ ອະນາມັຍໂລກ.
ເຈົ້າໜ້າທີ່ ສາທາຣະນະສຸຂ ກັມພູຊາ ກໍາລັງເກັບທໍາລາຍ ໄຂ່ຍຸງ ທີ່ຈະນໍາໄປສູ່ ການຣະບາດ ຂອງໂຣຄໄຂ້ Zika ທີ່ ກຸງພະນົມເປັນ ຕາມການແນະນໍາ ຈາກ ອົງການ ອະນາມັຍໂລກ.
AFP PHOTO / TANG CHHIN SOTHY

ສປປລາວ ເປັນປະເທດ ຫຼ້າສຸດ ໃນການ ຣາຍງານ ຄົນ ຕິດເຊື້ອໂຣຄ ຊິກ້າ ນຶ່ງຄົນ ເມື່ອມໍ່ໆ ມານີ້, ອົງການ ອະນາມັຍ ໂລກ ກ່າວ ໃນຖແລງການ, ໃນຂນະທີ່ ໂລກກຳລັງ ມີຄວາມຢ້ານກົວ ເຊື້ອໂຣຄ ດັ່ງກ່າວ ທີ່ກຳລັງ ແຜ່ລາມ ໃນທະວິບ ອະເມຣິກາ ໃຕ້ ທີ່ເຮັດໃຫ້ ແມ່ຍິງ ຖືພາ ອອກລູກ ມາແບບບໍ່ ປົກກະຕິ.

ຂົງເຂດ ເອເຊັຽ ບໍ່ມີຣາຍງານ ກ່ຽວກັບ ຄົນຕິດເຊື້ອໂຣຄ ດັ່ງກ່າວ ຫຼາຍປານໃດ ແຕ່ອົງການ ອະນາມັຍ ໂລກ ຕ້ອງໄດ້ ອອກແຈ້ງ ເຕືອນ ໃຫ້ທົ່ວໂລກ ຣະມັດ ຣະວັງ ໂຣຄນີ້ ເປັນພິເສດ ໂດຍສະເພາະ ໃຫ້ ປ້ອງກັນ ແລະ ກຳຈັດ ຍຸງລາຍ ເພາະໂຣຄນີ້ ເກີດຈາກ ການຖືກ ຍຸງລາຍ ກັດ.

ສປປລາວ ເຂົ້າຮ່ວມ ບັນດາ 41 ປະເທດ ທີ່ຣາຍງານ ຄົນຕິດເຊື້ອໂຣຄ ດັ່ງກ່າວ ໃນປະເທດ ຂອງຕົນ ເລີ້ມແຕ່ຕົ້ນປີ ນີ້ມາ ຫລັງຈາກ ທີ່ ມີການຣະບາດ ໃນທະວີບ ອະເມຣິກາ ໃຕ້ ໂດຍສະເພາະ ທີ່ ປະເທດ ບຣາຊຽວ ໃນປີກ່ອນ.

ທີ່ ປະເທດໄທ ປະເທດ ເພື່ອນບ້ານ ກັບ ສປປລາວ ກໍມີຣາຍງານ ຄົນ ຕິດເຊື້ອໂຣຄ ດັ່ງກ່າວ ນຶ່ງຄົນ ໃນເດືອນກ່ອນ ແຕ່ໄດ້ຖືກ ຮັກສາປິ່ນປົວ ດີແລ້ວ. ວຽດນາມ ຟິລລິປປິນ ແລະ ຫຼາຍປະເທດ ໃນ ອາຊຽນ ກໍອອກ ມາຕການ ປ້ອງກັນໂຣຄ ນີ້ ຢ່າງ ເຄັ່ງຄັດ.

ຄໍາເຫັນ (2)
Share

ບໍ່ປະສົງອອກຊື່

ຈາກ ບໍ່ບອກ

ອາການພະຍາດນີ້ ສະແດງອອກ ຄືແນວໃດແລ້ວ ວິທີປະຖົມຖ້າມີອາການ ຂອງພະຍາດນີ້ ຄວນເຮັດແບບໃດ ເພາະບ້ານຢູ່ໄກໂຮງໝໍ ເວລາເຈັບປ່ວຍກໍ່ຢາກ ມີວິທີຊ່ວຍເຫຼືອຕົນເອງ ຊ່ວຍໃຫ້ຄຳຕອບແດ່ເດິ ຂອບໃຈລວງໜ້າ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 09, 2016 03:10 PM

ບໍ່ມີຊື່

ຈາກ ນະຄອນຫລວງ

ມີຜູ້ຕິດເຊື່ອໂຣດ ຊີກາ ນີ້ມື້ໃດ ເຮົາຕິດຕາມຂ່າວ ໃນລາວທຸກມື້ ຄືບໍ່ເຫັນອອກຂ່າວ ນີ້ເລີຍ ຫຼືວ່າ ເຮົາຕົກຂ່າວມື້ໃດແລ້ວ. ຂໍໃຫ້ ກະຊວງສາທາລະນະສຸກ ເອົາໃຈໃສ່ຢ່າງເຄັ່ງຄັດ 1000 ເທົ່າເດີ. ປະຊາຊົນລາວ ມີຄວາມສ່ຽງຕິດເຊື້ອໂຮດ ນີ້ຫລາຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 07, 2016 02:12 PM

ເຕັມຫນ້າ