ຄົນງານສວນກ້ວຍທຽວເຂົ້າ ໂຮງໝໍ

ສິດນີ
2016-12-12
ອີແມວລ໌
ຄໍາເຫັນ
Share
ພິມ
ເຄມີ ເຫຼົ່ານີ້ເປັນພາສາຈີນ ທັງໝົດ ຊຶ່ງສ່ວນຫຼາຍແມ່ນ ນໍາເຂົ້າຈາກຈີນ ແລະ ນໍາມາໃຊ້ໃນສວນປູກກ້ວຍ ຂອງນັກລົງທຶນຈີນ
ເຄມີ ເຫຼົ່ານີ້ເປັນພາສາຈີນ ທັງໝົດ ຊຶ່ງສ່ວນຫຼາຍແມ່ນ ນໍາເຂົ້າຈາກຈີນ ແລະ ນໍາມາໃຊ້ໃນສວນປູກກ້ວຍ ຂອງນັກລົງທຶນຈີນ
RFA/NY

ຄົນງານ ສວນກ້ວຍ ຂອງຈີນ ຢູ່ ເມືອງນານ ແຂວງ ຫລວງພຣະບາງ ພາກັນ ໄປໂຮງຫມໍ ເປັນປະຈຳ ທຸກເດືອນ ຍ້ອນ ເປັນຕຸ່ມຄັນຄາຍ ຕາມຮ່າງກາຍ ຢ່າງນ້ອຍ ເດືອນລະ 4-5 ຄົນ ແຕ່ ຍັງບໍ່ຮູ້ວ່າ ເປັນຍ້ອນ ສານເຄມີ ປະເພດໃດ. ຕາມການເປີດເຜີຍ ຂອງ ເຈົ້າຫນ້າທີ່ ສາທາຣະນະສຸກ ທີ່ ເມືອງນານ ທ່ານນຶ່ງ ຕໍ່ວິທຍຸ ເອເຊັຽເສຣີ ເມື່ອວັນທີ 9 ທັນວາ ນີ້ວ່າ:

"ຜູ້ໄປອອກແຮງງານ ຫັ້ນນະ ມັນມີບັນຫາສ່ວນຫຼາຍ ກໍຕຸ່ມຄັນຄາຍ ພວກນີ້ນີ້ແຫຼະ ບໍ່ເຖິງຂັ້ນ ເສັຽຊີວິດເທື່ອ ກ່ຽວກັບເຄມີ ກະບໍ່ ເຂົ້າໃຈວ່າ ຈັກແມ່ນ ສານເຄມີ ຊນິດໃດ ຂະເຈົ້າ ເອົາມາແຕ່ ປະເທດຈີນ ເລີຍ ເຮົາກະບໍ່ຮູ້".

ຍານາງ ກ່າວຕື່ມວ່ານອກຈາກ ກຸ່ມດັ່ງກ່າວນີ້ແລ້ວ ກໍຍັງມີ ອີກຄົນງານ ກຸ່ມອື່ນໆທີ່ ເປັນຕຸ່ມຄັນ ຕາມຮ່າງກາຍ ຄືກັນແຕ່ ບໍ່ໄປ ໂຮງຫມໍ ຍ້ອນເດີນທາງ ລຳບາກ ຂະເຈົ້າ ຫາຊື້ຢາ ຕາມຮ້ານ ຂາຍຢາ ກິນເອງ. ທຸກມື້ນີ້ ຄົນງານສວນກ້ວຍ ຈີນ ຫຼາຍຮ້ອຍຄົນ ທີ່ ເມືອງນານ ຍັງມີ ຄວາມສ່ຽງສູງ ໃນການ ເປັນໂຣຄ ດັ່ງກ່າວ ເພາະ ບໍ່ຮູ້ ວິທີປ້ອງກັນ ສານເຄມີ.

ວິທຍຸ ເອເຊັຽເສຣີ ກໍໄດ້ຕິດຕໍ່ ໄປຫາໂຮງຫມໍ ເມືອງນານ ເພື່ອ ຂໍຣາຍລະອຽດ ເພີ້ມຕື່ມ ທ່ານຫມໍ ທ່ານນຶ່ງເວົ້າວ່າ ຄົນງານ ສວນກ້ວຍ ຂອງ ຈີນ ທີ່ເປັນ ຕຸ່ມຄັນນັ້ນ ໄດ້ເຂົ້າມາ ປີ່ນປົວ ໃນໂຮງຫມໍ ປະມານ ເດືອນລະ 4-5 ຄົນ ທັງເປັນ ຄົນລາວ ແລະ ຄົນຈີນ ສາເຫດ ກໍຍ້ອນ ຂາດການ ປ້ອງກັນ.

"ເປັນຕຸ່ມ ເປັນຄັນກະມີ ສ່ວນນຶ່ງ ເດືອນນຶ່ງ ກະຊິປະມານ 4-5 ຄົນ ນີ້ແຫຼະ ກະເກີດຈາກ ສາເຫດນຶ່ງມາ ຫລັກອະນາມັຍ ຫັ້ນແຫຼະ ສອງມາ ບ່ອນທີ່ວ່າ ຈະເຈົ້າເຮັດວຽກ ສຳພັດກັບ ສານເຄມີ ແມ່ນຫຍັງເນາະ ຂະເຈົ້າ ບໍ່ໄດ້ໃສ່ຖົງມື ປ້ອງກັນ ກະສາມາດ ໃຫ້ ເປັນໄປໄດ້ ຫັ້ນນະ".

ສວນກ້ວຍ ຂອງຈີນ ຢູ່ແຂວງອື່ນໆ ກໍເຊັ່ນກັນ ເປັນຕົ້ນ ທີ່ແຂວງບໍ່ແກ້ວ ກໍມີບັນຫານີ້ ແລະ ກໍມີຣາຍງານ ວ່າມີຄົນ ເສັຽຊີວິດ ສາມຄົນ ວ່າງປີກາຍ ຍ້ອນ ສານເຄມີ ທີ່ໃຊ້ ໃນສວນກ້ວຍ.

ຄໍາເຫັນ (1)
Share

ຫຼ້າ

ຈາກ ສີໂຄດ

ຖ້າຟັງລາຍການນີ້ແລ້ວຂ້າພະເຈົ້າກໍ່ບໍພໍໃຈຕໍ່ພາກລັດຖະບານທີ່ກ້ຽວ ຍ້ອນວ່າ: 1.ກົດໝາຍວ່າຄວາມປອດໄພ, ການນຳໃຊ້ເຄມີ, ການປົກປັກຮັກສາສີ່ງແວດລ້ອມ ກໍມີ ເປັນຫັຍງຈື່ງບໍ່ນຳອອກມາໃຊ້ ໃຫ້ມີຜົນປະໂຫຍດສູງສຸດ? 2.ຖ້າຢູ່ໃນສັນຍາ ໄດ້ລະບຸຢ່າງລະອຽດແທ້ຈີງ ໃນທຸກດ້ານທີ່ກ່ຽວຂ້ອງ ກັບການເຮັດໃຫ້ມີຄວາມປອດໄພ ຕໍ່ພໍ່ແມ່ປະຊາຊົນ, ເປັນຫັຍງຈີ່ງບໍ່ຢຸດກິດຈະກຳ ດັ່ງກ່າວໃນເມື່ອເຂົາບໍປະຕິບັດຕາມສັນຍາ? 3.ໃນມີການສຳປະທານເຮັດທຸລະກີດໃຫ່ຍຊຳນີ້, ເປັນຫຍ້ງຈີ່ງບໍມີການ ມອບໝາຍລົງກວດກາແຕ່ລະເດືອນ? 4.ໃນການໄປກວດການັ້ນມີແຕ່ໄປເວົ້າ ແລະເບີ່ງຊື່ໆບໍ? ຫຼຶມີເອກະສານວ່າດ້ວຍມາດຕະຖານຕ່າງໆ ເອົາໄປກວດຕາມແຕ່ລະຂັ້ນຕອນໄປວັດວ່າ ເຂົາເຮັດໄດ້ບໍ? ຖ້າບໍໄດ້ຕອ້ງກຳນົດເວລາ ໃຫ້ແກ້ໄຂ ແລ້ວ ກັບໄປນຳຄືນເພື່ອແນ່ໃຈວ່າໄດ້ບັນຫາແທ້.... 5.ເປັນຫັຍງຈີ່ງບໍ່ກ້າທີ່ຈະຢຸດເຂົາທັ້ງໆທີ່ເຂົາລົງທຶນຢູ່ລາວ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 21, 2016 01:33 PM

ເຕັມຫນ້າ