ທາງການເຕືອນຜູ້ຢູ່ ໃຕ້ເຂື່ອນ ໃຫ້ຣະວັງ

2018-07-27
ອີແມວລ໌
ຄໍາເຫັນ
Share
ພິມ
ເຂື່ອນນໍ້າເທີນ ສອງ ທີ່ ໄດ້ເປີດໃຊ້ມາຫລາຍປິແລ້ວ
ເຂື່ອນນໍ້າເທີນ ສອງ ທີ່ ໄດ້ເປີດໃຊ້ມາຫລາຍປິແລ້ວ
AFP

ທ່ານ ຄຳມະນີ ອິນທິລາດ ຣັຖມົນຕຣີກະຊວງພລັງງານແລະບໍ່ແຮ່ ກ່າວເຕືອນປະຊາຊົນລາວ ທີ່ຢູ່ໃຕ້ເຂື່ອນທຸກແຫ່ງ ໃນທົ່ວປະເທດ ໃຫ້ຣະມັດຣະວັງ:

“ຂໍສເນີໃຫ້ພໍ່ແມ່ພີ່ນ້ອງໃນທົ່ວປະເທດ ທີ່ຢູ່ລຸ່ມກ້ອງເຂື່ອນ ໃຫ້ຣະມັດຣະວັງ ບາງເທື່ອກໍຈະມີການປ່ອຍນ້ຳ ອອກຈາກເຂື່ອນ ເພື່ອຮອງຮັບ ໃຫ້ແກ່ຄວາມສາມາດຮັບນ້ຳຂອງເຂື່ອນ ເຮົາຈະລະບາຍນ້ຳອອກກ່ອນ.”

ທ່ານຣັຖມົນຕຣີ ຄຳມະນີ ອິນທິລາດ ຍັງໄດ້ກ່າວເຕືອນສະເພາະເຂື່ອນນ້ຳເທີນສອງວ່າ:

“ນ້ຳເທີນສອງ ປັດຈຸບັນນີ້ ຫລຸດການຜລິດລົງ ເນື່ອງຈາກວ່າ ນ້ຳເຊບັ້ງໄຟຂຶ້ນສູງ ໃນຣະດັບ 15 ແມັດ 56 ຢູ່ເມືອງມະຫາໄຊ ຖືວ່າສູງ; ສະນັ້ນ ພວກເຮົາຫລຸດການຜລິດ ປ່ອຍນ້ຳອອກທາງເບື້ອງນ້ຳເທີນ.”

ນອກຈາກນັ້ນ ທ່ານ ຄຳມະນີ ອິນທິລາດ ຍັງກ່າວເຕືອນໃຫ້ຣະມັດຣະວັງ ພະຍຸຢ່າງໜ້ອຍຫ້າລູກ ຈະພັດຜ່ານມາເຖິງ ປະເທດລາວ ໃນຣະຍະນີ້:

“ຕໍ່ໄປນີ້ ພະຍຸທີ່ເກີດຂື້ນຢູ່ມະຫາສມຸດປາຊີຟິກ ມີເຖິງຫ້າລູກ ໃນຣະຍະນັບຕັ້ງແຕ່ ມື້ນີ້ວັນທີ 26 ຈົນຮອດວັນທີ 29 ຈະມີພະຍຸ ອອກມາສູ່ ປະເທດເຮົາ ຝົນກໍຕົກຢູ່ປະຈຳ ໃນປັດຈຸບັນນີ້.”

ຢູ່ແຂວງອັດຕະປື ເຈົ້າໜ້າທີ່ແຂວງ ກໍເຕືອນປະຊາຊົນ ທີ່ຈະເດີນທາງໄປເມືອງສນາມໄຊ ຊຶ່ງບ່ອນຊ່ວຍເຫລືອຜູ້ປະສົບພັຍພິບັດ ເຂື່ອນ ແຕກ ຢູ່ໃນຂະນະນີ້ ໃຫ້ຂີ່ຣົດກະບະ ຟໍບາຍຟໍ (4X4) ເທົ່ານັ້ນ ຣົດໃຫຍ່ ຫລືຣົດນ້ອຍ ເກີນໄປ ກໍໄປບໍ່ໄດ້ ເພາະຖນົນຫົນທາງມື່ນ ມີແຕ່ຂີ້ຕົມ ແລະຂົວກໍແຕກຫັກ.

ຄໍາເຫັນ (3)
Share

(

This is the proof that dams in Laos have no international standard. The major part of the money that should fund the construction of dams were given to Lao leaders as HUGE commissions so they and their families can enjoy the billionnaires lives in Laos and abroad.The free world must stop entirely aid to this mad regime before there's no turning point.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 01, 2018 06:44 AM

ເດັກລາວ

ຄວາມພັງພິນາດຂອງຊາດລາວໃນຄາວນີ້ ພວກກຸ່ມກຳນາດຄອມມິວນີສ໌ ຈະຕ້ອງຮັບຜິດຊອບແຕ່ພຽງຜູ້ ດຽວ ເພາະຄວາມເສັຍຫາຍທັງມວນ ແມ່ນມາຈາກຄວາມໂລບມາກ ໂອຫັງ ແລະ ຄວາມໂງ່ຂອງພວກກຳອຳນາດນີ້ເອັງ. ປະຊາຊົນລາວ ໄດ້ຜົນປະໂຫຍດຫຍັງແນ່ກັບທຸກໆ ນະໂຍບາຍຂອງພັກປະຕິວັດເຮ່ງຊວຍພວກນີ້​ ? ນອກຈາກຖືກບີບບີ້ຂົ່ມເຫງຂູດຮີດ ໃຫ້ຜະເຊີນກັບແຕ່ຄວາມທຸກຍາກ ເຂື່ອນທຸກເຂື່ອນຈະຕ້ອງແຕກໃນບໍ່ຊ້າ ສາຍທາງຣົຖໄຟແຮງສູງກໍຈະຢູ່ໃຕ້ຕົມ ຫນີ້ກໍຈະຖົມຫົວ ພວກກຳນາດກໍຈະຫອບເອົາເງິນ ແລະລູກຫລານຂອງພວກເຂົາ ໄປຫລົບລີ້ຢູ່ທີ່ປະເທດເສຣີ... ຢ່າມາໃຫ້ເຫັນຫນ້າເລີຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 01, 2018 06:44 AM

ຜູ້ປະສົບໄພເຂື່ອນແຕກ

ຈາກ Attapeu

ທ່ານ ອອກມາປະກາດກົງໄປກົງມາແບບນີ້ ເປັນການດີຫລາຍ. ຄັນບໍ່ມີເຫດການເຂື່ອນແຕກ ຢູ່ເມືອງສນາມໄຊ ແຂວງອັຕະປື ກໍຄົງບໍ່ປະກາດແບບນີ້. ຜ່ານມາ ຄັນຜູ້ໃດ ສື່ມວນຊົນໃດທີ່ອອກມາເວົ້າຜົນສະທ້ອນ ຈາກການສ້າງເຂື່ອນ ພວກທ່ານ ກໍຫາວ່າເຂົາເຈົ້າ ຕໍ່ຕ້ານແນວທາງພັທະນາຂອງຣັຖບານ ແທນທີ່ຈະຖືວ່າ ເຂົາສແດງຄວາມເປັນຫ່ວງຂອງເຂົາເຈົ້າ ໃຫ້ພວກທ່ານຊາບ. ຈາກເຫດການເຂື່ອນແຕກ ແລະເກີດອຸທົກະພັຍ ຢູ່ແຂວງອັຕະປືເທື່ອນີ້ ມີລູກຫລານນຸ່ມນ້ອຍທັງຍິງ ແລະຊາຍອອກມາສແດງຄວາມຄິດຄວາມເຫັນ ໃຫ້ພວກທ່ານຊາບ ຫວັງວ່າ ພວກທ່ານຈະບໍ່ຈັບເຂົາເຈົ້າເຂົ້າຄຸກ ຄືກັນກັບຈັບຫລາຍຄົນມນບະຍະຜ່ານໆມາ. ດ້ວຍຄວາມປາຖນາດີ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 01, 2018 06:43 AM

ເຕັມຫນ້າ