ນາຍພົລແຈ້ງໄຊຍະວົງ ເສັຽ ຊີວິດ ແລ້ວ

ສິດນີ
2014-12-22
ອີແມວລ໌
ຄໍາເຫັນ
Share
ພິມ
 ນາຍພົລແຈ້ງໄຊຍະວົງ ເສັຽ ຊີວິດ ແລ້ວ
ນາຍພົລແຈ້ງໄຊຍະວົງ ເສັຽ ຊີວິດ ແລ້ວ
RFA

 

ທ່ານ ນາຍພົລ ຈັດຕະວາ ແຈ້ງ ໄຊຍະວົງ ໄດ້ ເສັຽຊີວິດ  ຢູ່ບ້ານພັກ ຂອງທ່ານ ທີ່ ບ້ານນາໄຊ ເມືອງ ໄຊເສດຖາ ນະຄອນ ຫລວງ ວຽງຈັນ ໃນ ຕອນເຊົ້າ ວັນທີ 22 ທັນວາ 2014 ດ້ວຍ ໂຣຄຊະລາ ຮວມອາຍຸ ໄດ້ 78 ປີ. ທ່ານ ແຈ້ງ ໄຊຍະວົງ ຫລື ນາຍພົລ ແຈ້ງ ເປັນຜູ້ນຶ່ງ ທີ່ ມີບົດບາດ ໃນການ ພັທນາ ປະເທດລາວ ໃນດ້ານມືດ ຈົນ ນັກຂ່າວ ສາກົນ ໃຫ້ ສັນຍານາມ ວ່າ ຣາຊາ ຕັດໄມ້ຂາຍ ຫລື THE LOGGING LORD.

ເພາະວ່າ ທ່ານເປັນຜູ້ ທີ່ ພັກ ປະຊາຊົນ ປະຕິວັດ ລາວ ມອບຫມາຍ ໃຫ້ກໍາກັບ ເບິ່ງແຍງ ທຸຣະກິດ ຄ້າໄມ້. ການ ຍົກຣະດັບ ຈັດສັນ ປະຊາຊົນ, ການສົ່ງເສີມ ໃຫ້ ປະຊາຊົນ ຢຸດຖາງປ່າ ເຮັດໄຮ່ ເລື່ອນລອຍ ໃນເຂດ ແຂວງ ບໍຣິຄຳໄຊ ຫລື ເຂດ ທົ່ງພຽງ ນາກາຍ ໃນປີ 1990 ໂດຍ ໄດ້ ສ້າງຕັ້ງ ກຸ່ມ ບໍຣິສັດ ພັທນາ ພູດອຍ ຂຶ້ນ.

ຊາວລາວ ຫລາຍຄົນ ເຂົ້າໃຈວ່າ ນາຍພົລແຈ້ງ ຕັດໄມ້ ຫລາຍ ເກີນໄປ ຈົນເຮັດໃຫ້ ປ່າໄມ້ ໃນແຂວງ ບໍຣິຄຳໄຊ ແລະ ຄຳມ່ວນ ສູນຫາຍ ໄປຫມົດ. ໃນຊ່ວງ ຕົ້ນຊີວິດ ຄື ໃນສມັຍ ວັຍຫນຸ່ມ ນາຍພົລ ແຈ້ງ ເຄີຍເປັນ ນາຍທະຫານ ໃນກອງທັບ ພຣະຣາຊ ອານາຈັກ ລາວ ໃນປີ 1960 ແຕ່ໃນຊ່ວງ ນັ້ນ ສະຖານະການ ສົງຄາມ ວຽດນາມ ເລີ້ມສັບສົນ ແລະ ຮຸນແຮງຂຶ້໊ນ ນາຍພົລ ແຈ້ງ ຈຶ່ງ ໄດ້ໂຕນຫນີ ໄປຮວມຕົວ ກັບຝ່າຍ ກອງກຳລັງ ທະຫານ ແນວລາວ ອິສຣະ ໃນເຂດ ທີ່ໝັ້ນ 3 ແຂວງ ພາກເຫນືອ ເປັນຕົ້ນ ແຂວງ ຜົ້ງສາລີ ຫົວພັນ ແລະ ຊຽງ ຂວາງ ແຕ່ນັ້ນມາ ຈົນຮອດມື້ ເສັຽຊີວິດ.

ຄໍາເຫັນ (3)
Share

ຈາກ

ຕາຍໄດ້ກໍ່ດີ ພວກກິນບ້ານກິນເມືອງ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2015 02:06 PM

ບຸນຄ້ຳ

ຈາກ ວຽງໄຊ

ກິນຫລາຍ ທ້ອງແຕກ, ແບກນັກຫລາຍ ແອວຫັກ, ຕາຍໄປແລ້ວ ເອົາອັນໄດ ໄປນຳໄດ້ແດ່, ເປັນນາຍທະຫານ ຕັດໄມ້ ທຳລາຍປ່າ, ໂລກທັງໂລກ ເຂົາບໍ່ຍ້ອງ ວ່າດີດອກ. ຕໍ່ສູ້ກັບ ທຳມະຊາຕ ໄດ້ຊະນະ ທຳມະຊາຕ ແລ້ວບໍ? ແຈບສົມໃຈ ຕາມຄວາມຈັງໄຮ ທຸກຢ່າງ. ຈົ່ງໄປດີເຖິງສຸກຂ໌ ສະນຸກ ຢູ່ຂູມ ນາລົກ ຂຸມໄດ ກໍ່ເລືອກຢູ່ໂລດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 25, 2014 01:53 PM

ໄມ່

ຈາກ ວຽງຈັນ

ດີຫຼາຍ ຕາຍໄປແລ້ວ ເພາະxັນເປັນ ມະຫາໂຈນ ກີນບ້ານກີນເມືອງ ປ່າໄມ້ເມືອງລາວ ໝົດໄປຍ້ອນ xັກມະຫາໂຈນ ນາຍພົນພັກລັດ ມັດຄໍຄົນລາວ ເພື່ອຄວາມຮັ່ງ ສໍ້ຊາດ ມາເປັນຂອງ ຕົນເອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 24, 2014 05:27 PM

ເຕັມຫນ້າ