ການເມືອງໄທວຸ້ນເຣື້ອງຣົດໄຟ ລາວ ສງັກ

2014-01-23
ອີແມວລ໌
ຄໍາເຫັນ
Share
ພິມ
ການປະທ້ວງ ທີ່ກໍາລັງຟົດຟື້ນ ໃນປະເທດໄທ ທີ່ມີຣະບອບການ ປົກຄອງແບບ ປະຊາທິປະໄຕ ຢ່າງແທ້ຈິງ
ການປະທ້ວງ ທີ່ກໍາລັງຟົດຟື້ນ ໃນປະເທດໄທ ທີ່ມີຣະບອບການ ປົກຄອງແບບ ປະຊາທິປະໄຕ ຢ່າງແທ້ຈິງ
RFA

 

ນັກຊ່ຽວຊານໄທ ເວົ້າວ່າໂຄງການ ສ້າງທາງຣົດໄຟ ຄວາມໄວສູງຣະຫວ່າງ ລາວ-ຈີນ ບໍ່ແນ່ນອນຕ້ອງລໍຖ້າການເມືອງຢູ່ໄທສງົບລົງກ່ອນ.

ເມື່ອບໍ່ດົນຜ່ານມາ ເຈົ້າໜ້າທີ່ລາວ ໄດ້ເລີ້ມສຳຣວດ ພື້ນທີ່ ແລະ ກະຕຣຽມແຜນຍົກຍ້າຍ ປະຊາຊົນອອກ ຈາກບ່ອນຈະສ້າງ ທາງຣົດໄຟ ຄວາມໄວສູງລາວ-ຈີນ ແລ້ວ ແຕ່ນັກຊ່ຽວຊານໄທທ່ານນຶ່ງເວົ້າວ່າ:

"ທ່ານເວົ້າວ່າ “ຂ້າພະເຈົ້າວ່າ ຖ້າຕາບໃດ ທີ່ປະເທດໄທ ຍັງບໍ່ສງົບ ໃນດ້ານການບໍຣິຫານ ປະເທດ ຄົງຍັງ ບໍ່ມີປະເທດໃດ ທີ່ຢາກຮ່ວມມື ກັບໄທເທື່ອດອກ. ຖ້າຈະສ້າງທາງຣົດໄຟ ພາຍໃນແຕ່ປະເທດດຽວກໍບໍ່ມີບັນຫາແຕ່ຖ້າຈະສ້າງ ຣະຫວ່າງປະເທດແລ້ວ ໃນເມື່ອປະເທດນຶ່ງ ຍັງບໍ່ພ້ອມເທື່ອໂຄງການນັ້ນກໍຕ້ອງຢຸດສງັກລົງ.”

ນັກຊ່ຽວຊານໄທ ຜູ້ນີ້ເວົ້າອີກວ່າ ເປົ້າໝາຍຂອງຈີນ ທີ່ຢາກສ້າງ ທາງຣົດໄຟຄວາມໄວສູງ ເຂົ້າລາວນັ້ນກໍແມ່ນເພື່ອຢາກສ້າງຕໍ່ໄປເຖິງ ບາງ ກອກ ມາເລເຊັຍ ແລະສິງກະໂປ. ແຕ່ປັດຈຸບັນ ຍ້ອນການເມືອງໄທ ກຳລັງວຸ້ນວາຍ ຈີນ ຈຶ່ງຍັງ ບໍ່ຕົກລົງ ໃຫ້ລາວຢືມເງິນ ຈຳນວນ 7 ຕື້ ດອນລ່າ ສະຫະຣັຖ ສຳຣັບສ້າງທາງຣົດໄຟຢູ່ລາວ ເພາະຖ້າໃຫ້ລາວຢືມເງິນ ແລະ ຖ້າລາວສ້າງແຕ່ຍັງບໍ່ຮູ້ແນ່ນອນວ່າ ຣັຖບານໄທຊຸດໃໝ່ ຈະມີນະໂຍບາຍ ແນວໃດ ຈະສ້າງທາງ ຣົດໄຟ ຄວາມໄວສູງ ຕໍ່ຈາກເມືອງ ໜອງຄາຍ ລົງໄປເຖິງ ບາງກອກ ຫລືບໍ່.

ເຖິງຢ່າງໃດກໍດີ ນັກຊ່ຽວຊານ ທ່ານນີ້ ກໍເວົ້າວ່າ ສະຖານະການ ດ້ານການເມືອງ ຢູ່ໄທ ອາດຈະທຸນທ່ຽງ ຂື້ນໃນໄວໆ ນີ້ ແລະ ກໍຫວັງວ່າ ຣັຖບານໃໝ່ ຈະມີນະໂຍບາຍ ສ້າງທາງຣົດໄຟ ຄືກັບຣັຖບານ ຊຸດປັດຈຸບັນ.

ເຖິງເວລານັ້ນ ໂຄງການສ້າງທາງ ຣົດໄຟ ລາວ-ຈີນ ກໍອາດຈະ ແນ່ນອນຂື້ນ. ຣັຖບານລາວ ມີໂຄງການ ຈະສ້າງທາງຣົດໄຟ ຄວາມໄວສູງ ຈາກ ນະຄອນຫລວງ ວຽງຈັນ ຂື້ນໄປຫາເຂດ ຊາຍແດນຈີນ ຊຶ່ງມີຄວາມຍາວ ປະມານ 420 ກິໂລແມັດ, ມີ 31 ສະຖານີ, ລອດອຸໂມງ 76 ແຫ່ງ ແລະມີຂົວ 154 ຂົວ. ຕາມໂຄງການ ທີ່ວາງໄວ້ ຈະສ້າງໃຫ້ ສຳເຣັດ ພາຍໃນປີ  2019.

ຄໍາເຫັນ (3)
Share

ຄົນລາວຮັກແຜ່ນດິນ

ຈາກ ປ່າໄຜ່

ຮູ້ຢູ່ວ່າ ສະພາບການເມືອງຢູ່ ໄທ ແລະ ກຳປູເຈ້ຍ ວຸ້ນວາຍ ແຕ່ກະມີ ບາງຄົນບອກໃຫ້ ເອົາແບບຢ່າງ. ຄິດໄດ້ແນວໃດຫວະ ?????? (ບໍ່ວ່າເວົ້າສຳນີ້ ອາຊີເສລີ ກະຍັງ ຊິຕັດອອກ)

ໝາຍເຫດ: ຄໍາຄິດເຫັນ ທີ່ສ້າງສັນ ຮັບຮອງໄດ້ ບໍ່ມີການ ຕັດອອກແນ່ນອນ... ນັບຖື ຮັກແພງ ຂອບໃຈ

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 13, 2014 01:22 AM

Noy

ຈາກ Laos

With out China and Thailand Laodeng tong tai ne ne ja hed yang ka bo dai der.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2014 03:55 PM

(

ໃນໂຄງການ ສ້່າງທາງຣົດໄຟໄວ ຂອງໄທຍ ທີ່ວາງແຜນໄວ້ ໃນປັດຈຸບັນນີ້ ພຽງແຕ່ມາຮອດ ໂຄຣາດ ເທົ່ານັ້ນ ບໍ່ເຫັນມີແຜນ ມາຮອດຫນອງຄາຍ. ຖ້າຈີນສ້າງ ທາງຣົຖໄຟໄວສຸງ ມາຮອດວຽງຈັນ ແລ້ວມັນຈະຕໍ່ກັນກັບ ຣົຖໄຟໄວສູງໄທ ໄດ້ແນວໃດ? ໃຜຮູ້ລາຍຣະອຽດ ບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2014 03:41 PM

ເຕັມຫນ້າ