ຄົນງານຈີນມາສ້າງທາງ ຣົດໄຟ

ໄມຊູລີ
2017-04-03
ອີແມວລ໌
ຄໍາເຫັນ
Share
ພິມ
ການກໍ່ສ້າງທາງຣົດໄຟ ລາວ-ຈີນ ທີ່ກໍາລັງເລີ້ມຂຶ້ນ ຢ່າງຈິງຈັງ
ການກໍ່ສ້າງທາງຣົດໄຟ ລາວ-ຈີນ ທີ່ກໍາລັງເລີ້ມຂຶ້ນ ຢ່າງຈິງຈັງ
RFA/NY

ປັດຈຸບັນນີ້ ຄົນງານສ້າງ ທາງຣົດໄຟ ລາວ-ຈີນ ໄດ້ເຄື່ອນຍ້າຍ ເຂົ້າມາຢູ່ໃນ camp ຫຼື ຄ້າຍຄົນງານຈີນ ຕາມຈຸດຕ່າງໆ ຕາມແລວສ້າງ ທາງລົດໄຟ ທີ່ຜ່ານ ແຂວງຫຼວງນໍ້າທາ ແລະ ແຂວງອຸດົມໄຊ ຢ່າງເປັນຂະບວນ ເຮັດໃຫ້ ປະຊາຊົນ ໃນທ້ອງຖິ່ນ ພາກັນຕື່ນເຕັ້ນ, ຕາມ ການເປີດເຜີຍ ຂອງປະຊາຊົນ ທີ່ເດີນທາງໄປຄ້າຂາຍ ໃນເຂດດັ່ງກ່າວ:

“ຕັ້ງແຕ່ອອກບໍ່ເຕັນໄປ ເປັນຈຸດເປັນຈຸດ ໄປຮອດແຂວງອຸດົມໄຊ ເປັນຈຸດໆໄປ ມີຫຼາຍບ່ອນຢູ່ ກະຫຼາຍແຄັມ ຫຼາຍແຄັມ ຂະໜາດແຫຼະ ມັນມີ ກວ້າງໄປ 5 ໂລ 10 ໂລ ປະມານ 5 ໂລ 10 ໂລ ກໍມີແຄັມນຶ່ງແຫຼະ ແລະກ່າເຈາະອຸໂມງນັ້ນ ແຖວບໍ່ເຕັນຫັ້ນແຫຼະ ຊຽງຮຸ່ງນີ້ ມາຮອດບໍ່ຫານ ນີ້ຫຼາຍແລ້ວ”.

ປະຊາຊົນຜູ້ນີ້ເວົ້າວ່າໄດ້ໄປເຫັນ ຄ້າຍຄົນງານຈີນ ດ້ວຍຕົນເອງ ໃນເວລາເດີນທາງໄປ ທາງຣົດ ແຕ່ລະຄ້າຍ ມີຄົນງານຈີນ ຢູ່ກັນຫຼາຍ ຮ້ອຍຄົນ ແຕ່ປະເມີນບໍ່ໄດ້ ວ່າທັງໝົດມີ ເທົ່າໃດແທ້ ພຽງແຕ່ໄດ້ຍິນ ເຂົາເຈົ້າວ່າ ມີຫຼາຍພັນຄົນ.

ຢູ່ເຂດເມືອງຊຽງຮຸ່ງ ແຂວງຢຸນນ່ານກໍເຊັ່ນກັນ ເຫັນຄົນງານຈີນ ສ້າງທາງລົດໄຟ ເຂົ້າມາຕໍ່ໃສ່ບໍ່ຫານ ຈໍານວນຫຼວງຫຼາຍເຊັ່ນກັນ ແລະ ຜູ້ກ່ຽວ ຍັງໄດ້ຖ່າຍຮູບ ມາໃຫ້ເບິ່ງພ້ອມ.

ໃນຂນະດຽວກັນ ໜັງສືພິມທາງການລາວ ຣາຍງານວ່າ ຂະບວນຣົດບັນທຸກ ເຄື່ອງຈັກເຄື່ອງລາງ ສໍາລັບສ້າງ ທາງຣົດໄຟ ຫຼາຍຮ້ອຍຄັນ ໄດ້ເຄື່ອນຍ້າຍ ເຂົ້າມາ ດ່ານຊາຍແດນ ບໍ່ຫານ-ບໍ່ເຕັນ ແຂວງຫຼວງນໍ້າທາ ແລະວ່າ ໄດ້ຕຽມທາງເຂົ້າຈຸດ ເຈາະອຸໂມງໄວ້ ຈໍານວນນຶ່ງແລ້ວ ເພື່ອຈະສາມາດ ໃຫ້ຄົນງານ ເລີ້ມເຮັດວຽກ ເຈາະ ກ່ອນຈະຮອດ ລະດູຝົນ.

ຄໍາເຫັນ (2)
Share

ຄ.ນະຄຳມວ່ນ

ຈາກ ທ່າແຂກ

ສປປລາວ ເປັນ ປະເທສມະຫາວີກິດຊາດ ເລີ່ມເອົາໃຈໃສ່ ສ້າງສາປະເທສຊາດແບບທ້າທາຍທຸກຢ່າງໃຫ້ທວງທັນກັບ ໂລກາພິວັດ. ຂໍຈົ່ງຢ່າໃຫ້ເກີດເປັນໂລກາພິນາດ ກໍ່ນັບວ່າເປັນ ບຸນວາສນາຂອງປະຊາຊົນຕາດຳໆທີ່ພັກພາອາໃສຢູ່ໃນຜືນແຜ່ນ ດິນນນີ້ເປັນປະຈຳແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 09, 2017 12:55 PM

ມັງກອນຂາວ

ຈາກ ຫນອງສະພັງ

ເສຖໄພຢູ່ໃນສັງຄົມ ສປປລາວ ແມ່ນທະວີຄູນເປັນສອງເທົ້າ ສາມເທົ້າເລື້ອຍມາ, ບໍ່ຈັກວ່າປະຊາຊົນລາວແລະແຜ່ນດິນລາວ ຈະໄດ້ປະໂຍດຫນ້ອຍຫລາຍປານໄດ ບໍ່ເຂົ້າໃຈເລີຍຍ້ອນອຳນາຈ ມືດຈາກພັກ-ຣັຖ ສປປລາວເອງ, ປາກເວົ້າກັບ ປະຊາຊົນແນວນຶ່ງ ແຕ່ໃຈແມ່ນໄປອີກແນວນຶ່ງ, ນີ້ລະພວກໃຈເປັນພຣະ ແຕ່ຫນ້າເປັນມານຊາຕານ ສົ່ງມາເກີດແທ້ໆ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 05, 2017 12:50 PM

ເຕັມຫນ້າ