ຊາວລາວຝາກຄ່າຄອງຊີພກັບ AEC

ສິດນີ
2015-12-30
ອີແມວລ໌
ຄໍາເຫັນ
Share
ພິມ
ຕລາດສ່ວນໃຫຽ່ໃນລາວ ຈະຢູ່ໃນລັກສນະນີ້
ຕລາດສ່ວນໃຫຽ່ໃນລາວ ຈະຢູ່ໃນລັກສນະນີ້
RFA

ປະຊາຊົນ ລາວ ຕ້ອງການ ຢາກໃຫ້ ຣາຄາ ສິນຄ້າ ຫລຸດລົງ ຫລັງຈາກ ເປີດ ປະຊາຄົມ ເສຖກິດ ອາຊຽນ ໃນ ທ້າຍປີນີ້. ດັ່ງ ຊາວນະ ຄອນຫຼວງ ວຽງຈັນ ທ່ານນຶ່ງ ກ່າວຕໍ່ ເອເຊັຽ ເສຣີ ໃນ ມື້ວັນທີ 29 ທັນວາ ນີ້ວ່າ:

"ສິນຄ້າ ອຸປໂພຄ ບໍຣິໂພຄ ຣະບົບ ສິນຄ້າ ອາຊຽນ ນີ້ນະ ຢາກໃຫ້ ຣາຄາ ຫລຸດລົງ ຢາກໃຫ້ ປະຊາຊົນ ໄດ້ ຊື້ຣາຄາ ຖືກ".

ເລີ້ມ ແຕ່ວັນທີ 1 ມົກກະຣາ ປີ 2016 ເປັນຕົ້ນໄປ ສປປລາວ ມີກຳນົດ ໃຫ້ ຫລຸດຄ່າ ພາສີ ການນຳເຂົ້າ ສິນຄ້າ ໃຫ້ ເປັນໄປຕາມ ກົດບັດ ອາຊຽນ ໃຫ້ ເຫລືອ ຣະຫວ່າງ 3% ຫາ 5% ແລະ ໃຫ້ເປັນ 0% ໃນປີ 2018. ດັ່ງນັ້ນ ຣາຄາ ສິນຄ້າ ໃນລາວ ຈະ ຫລຸດລົງ ຫລື ບໍ່. ນອກຈາກ ພາສີ ສິນຄ້າ ເຂົ້າ ຈະຫລຸດລົງ ແລ້ວ ເຣື້ອງວຽກເຮັດ ງານທຳ ໃນລາວ ຄົນງານ ລາວ ກໍຈະແຂ່ງ ກັບ ຄົນງານ ຕ່າງດ້າວ ບໍ່ໄດ້. ທ່ານ ກ່າວ ເພີ້ມວ່າ:

"ປະຊາຊົນ ຈາກ ປະເທດ ອ້ອມຂ້າງນີ້ ເຂົ້າມາຍາດແຍ່ງ ການຂາຍ ແຮງງານ ອາດຈະຫຼາຍຂຶ້ນ ຄົນງານ ກໍມີສີມືຢູ່ ແຕ່ກໍມີ ສ່ວນນຶ່ງ ທີ່ມີສີມື ບໍ່ທັນດີ ເທົ່າທີ່ຄວນ".

ປະຊາຊົນ ລາວ ອີກນາງນຶ່ງ ທີ່ ເມືອງທ່າແຂກ ແຂວງ ຄຳມ່ວນ ເວົ້າວ່າ ຫລັງຈາກ ເປີດ ປະຊາຄົມ ເສຖກິດ ອາຊຽນ ແລ້ວ ເສຖກິດ ລາວ ອາດຈະດີ ຂຶ້ນ ຍ້ອນ ຈະມີນັກ ທ່ອງທ່ຽວ ແລະ ນັກລົງທຶນ ຕ່າງຊາດ ເຂົ້າມາ ລົງທຶນຫຼາຍ ດັ່ງນາງ ກ່າວວ່າ:

"ເຣື້ອງນີ້ແຫຼະ ທຳມາ ຫາກິນ ຄ້າຂາຍ ຖ້າວ່າເປີດ ເອອີຊີ ນັກທ່ອງທ່ຽວ ຈະເຂົ້າມາ ຫຼາຍກວ່າເກົ່າ ຄາດຫວັງ ກໍເລື້ອງ ທໍາມາ ຄ້າຂາຍ ໃຫ້ ປະຊາຊົນ ມີວຽກເຮັດ ງານທຳ ຫຼາຍຂຶ້ນ ຫັ້ນນະ".

ເຖິງຢ່າງໃດ ກໍຕາມ ເມື່ອເວົ້າເຖິງ ເຣື້ອງ ການສືກສາ ນາງວ່າ ຍັງບໍ່ຫມັ້ນໃຈ ວ່າ ຣັຖບານລາວ ຈະພັທນາ ດ້ານ ການສຶກສາ ໄດ້ ຂນາດໃດ, ຕົວຢ່າງ ການສອນ ພາສາອັງກິດ ໃນ ຊັ້ນ ມັທຍົມ ທີ່ຈະເປັນ ພາສາກາງ ຫລັງຈາກ ເປີດ ເອອີຊີ ເທົ່າເຖີງ ປັດຈຸບັນ ຢູ່ ແຂວງ ຄຳມ່ວນ ຍັງບໍ່ມີ ເລີຍ.

ເຕັມຫນ້າ