ລາວ-ວຽດນາມລົງນາມການຄ້າ

ສິດນີ
2014-03-23
ອີແມວລ໌
ຄໍາເຫັນ
Share
ພິມ

 

ກຸ່ມ ບໍຣິການ ສິນຄ້າ ຕລາດ ຮ່ວມຫຸ້ນ BLUE STAR ຂອງ ວຽດນາມ ຈະລົງນາມ ກັບກຸ່ມ ບໍຣິສັດ ດາວເຮືອງ ຂອງລາວ ໃນການ ບໍຣິການ ກາເຟ ລາວ ໃນ ວຽດນາມ. ການ ລົງນາມ ດັ່ງກ່າວ ເປັນ ພາກສ່ວນ ຂອງ ໂຄງການ ຄວາມ ຮ່ວມມື ຣະຫວ່າງ ນະຄອນ ໂຮຈີນມີນ ກັບ ແຂວງ ຈຳປາສັກ ຊື່ງໃນ ປັດຈຸບັນ ບໍຣິສັດ ດາວເຮືອງ ໄດ້ສົ່ງ ກະເຟອອກ ໄປຂາຍ ໃນຫລາຍ ປະເທດ ດັ່ງ ຍີ່ປຸ່ນ ສວິສແລນ ອິຕາລີ ຈີນ ສິງກະໂປ.

ໃນທາງ ກົງກັນຂ້າມ ບໍຣິສັດ ດາວເຮືອງ ຂອງລາວ ກໍຈະນຳ ສິນຄ້າ ຈາກ ບໍຣິສັດ BLUE STAR ຂອງ ວຽດນາມ ເຂົ້າມາຂາຍ ໃນລາວ. ນາງເລືອງ ລິດດັງ ປະທານ ກຸ່ມ ດາວເຮືອງ ກ່າວວ່າ ບໍຣິສັດ ຂອງນາງ ມີ ແຜນການ ໃນການ ຮ່ວມ ທຸຣະກິດ ຄູ່ການຄ້າ ກັບ ບໍຣິສັດ ວຽດນາມ ເພື່ອ ຂຍາຍ ການຄ້າ ແລະ ຜົລຜລິດ ຂອງ ບໍຣິສັດ ລາວ ໃນ ວຽດນາມ. ຖ້າ ແຜນການ ດັ່ງກ່າວ ເປັນຜົນ ສຳເຣັດ ນາງວ່າ ບໍຣິສັດ ຂອງນາງ ຈະເປັນ ບໍຣິີສັດ ທຳອິດ ທີ່ ລົງທຶນ ໃນ ວຽດນາມ.

ເລີ້ມແຕ່ ການ ຮ່ວມມື ຣະຫວ່າງ ສອງແຂວງ ໃນປີ 2001 ເປັນຕົ້ນມາ ນະຄອນ ໂຮ່ຈີມີນ ໄດ້ລົງທຶນ ໃນແຂວງ ຈຳປາສັກ ເກືອບຮອດ 40 ໂຄງການ ສ່ວນໃຫຍ່ ຈະເປັນ ໂຄງການ ທາງດ້ານ ການ ກະເສດ ແລະ ການ ທ່ອງທ່ຽວ.

ເຕັມຫນ້າ