ຊາວບ້ານວ່າວຽກງານ 3 ສ້າງ ມີແຕ່ຊື່

ອຸ່ນແກ້ວ ສຸກສະຫວັນ
2015-12-23
ອີແມວລ໌
ຄໍາເຫັນ
Share
ພິມ
ທ່ານ ຄຳຫມັ້ນ ສຸນວິເລີດ ຣັຖມົນຕຣີ ວ່າການກະຊວງພາຍໃນ (ຜູ້ທີສອງຈາກຊ້າຍມື)
ທ່ານ ຄຳຫມັ້ນ ສຸນວິເລີດ ຣັຖມົນຕຣີ ວ່າການກະຊວງພາຍໃນ (ຜູ້ທີສອງຈາກຊ້າຍມື)
Photo courtesy of most.gov.la

ຣັຖບານລາວ ຣາຍງານ ການຈັດຕັ້ງ ປະຕິບັດ ວຽກງານ 3 ສ້າງ ຄື ສ້າງແຂວງ ເປັນຫົວໜ່ວຍ ຍຸທສາດ ສ້າງເມືອງ ເປັນຫົວໜ່ວຍ ເຂັ້ມແຂວງ ຮອບດ້ານ ສ້າງບ້ານ ເປັນຫົວໜ່ວຍ ພັທນາ ນັ້ນວ່າ ປະສົບ ຜົລສຳເຣັດ ດີ ຫລັງຈາກ ທົດລອງ ປະຕິບັດ ມາໄດ້ 3 ປີ. ທ່ານຄຳຫມັ້ນ ສຸນວິເລີດ ຣັຖມົນຕຣີ ວ່າການ ກະຊວງພາຍໃນ ກ່າວຕໍ່ ກອງປະຊຸມ ສະພາ ແຫ່ງຊາດ ໃນ ວັນທີ 21 ທັນວາ ນີ້ວ່າ:

“ໃນຕລອດ ຣະຍະ ຂອງການ ຈັດຕັ້ງ ປະຕິບັດ ຄນະຮັບຜິດຊອບ ຊີ້ນຳ ເຮັດທົດລອງ 3 ສ້າງ ໄດ້ ເອົາໃຈໃສ່ ນຳພາ ຊີ້ນຳ ຕິດຕາມ ຊຸກຍູ້, ເບິ່ງລວມແລ້ວ ແມ່ນໄດ້ຮັບ ການຈັດຕັ້ງ ແລະ ຜັນຂຍາຍ ຢ່າງ ເປັນຣະບົບ ຄົບຊຸດ, ເຮັດໃຫ້ການ ຈັດຕັ້ງ ປະຕິບັດ ເປັນຕົ້ນແມ່ນ ການສ້າງ ບ້ານພັທນາ ອັນນີ້ ກໍເຫັນວ່າ ມີ ຜົລສຳເຣັດ”.

ຣັຖບານລາວ ໄດ້ທົດລອງ ຈັດຕັ້ງ ປະຕິບັດ ວຽກງານ 3 ສ້າງ ທັງໝົດ ຢູ່ 100 ກວ່າ ບ້ານ ພາຍໃນ 50 ເມືອງ ໃນ ທົ່ວ ປະເທດ.

ເຖິງຢ່າງໃດກໍຕາມ ປະຊາຊົນ ບ້ານ ຫາງສະດຳ ເມືອງໂຂງ ແຂວງ ຈຳປາສັກ ກໍໃຫ້ຄຳເຫັນ ວ່າ ວຽກງານນີ້ ມີແຕ່ແຜນ ແຕ່ ບໍ່ມີທຶນ ສົ່ງເສີມ ປະຊາຊົນ ໃນພາກ ປະຕິບັດ ຕົວຈິງ, ດັ່ງ ປະຊາຊົນ ກ່າວວ່າ:

“ມັນເປັນບ້ານ 3 ສ້າງ ແມ່ນບ້ານ ພັທນາ ມັນມີແຕ່ ແຜນຊື່ໆ ບໍ່ທັນໄດ້ ເຮັດຫຍັງ ດອກ. ຍົກຕົວຢ່າງ ສອນຄວາມຮູ້ ກ່ຽວກັບ ການ ເຮັດນາແຊງ ກໍ ບໍ່ມີນ້ຳ, ຮຽນນັ້ນ ປະຊາຊົນ ຮຽນໄດ້ ແຕ່ ບໍ່ມີທຶນ ຍູ້ ໃຫ້ເຂົາເຮັດ ເຂົາສ້າງ ເຂົາກໍຮຽນ ໄປຊື່ໆ”.

ນອກຈາກ ນີ້ ເຈົ້າຫນ້າທີ່ ອົງການ ຈັດຕັ້ງ ທາງສັງຄົມ ໃນລາວ ໃຫ້ ຄຳເຫັນວ່າ ວຽກງານ 3 ສ້າງ ເປັນ ນະໂຍບາຍ ທີ່ ດີຫລາຍ ແຕ່ ບໍ່ຫມັ້ນໃຈ ວ່າໃນທາງ ປະຕິບັດ ຣັຖບານ ເຮັດໄດ້ດີ ຊ່ຳໃດ ຈຶ່ງຢາກໃຫ້ ມີອົງການ ທີ່ເປັນກາງ ມາປະເມີນ ຜົນ, ດັ່ງ ທ່ານ ກ່າວ ຕອນນຶ່ງວ່າ:

“ຂ້ອຍ ອ່ານເນື້ອໃນ ຂອງ 3 ສ້າງ ດີຫລາຍ, ວິທີການ ນີ້ good, very good ແຕ່ມັນຕ້ອງ ປະເມີນຜົລ ອັນນັ້ນ ຕ້ອງໄດ້ອາສັຍ ຄົນກາງ ຄົນທີ່ບໍມີ ສ່ວນຮ່ວມ ມາປະເມີນ ຈຶ່ງຈະຮູ້ວ່າ ຜົລ ຂອງ 3 ສ້າງ ນັ້ນ ຮອດໃສ”.

ຣັຖບານລາວ ໄດ້ ເລີ້ມວຽກງານ 3 ສ້າງ ມາຕັ້ງແຕ່ ປີ 2012 ໂດຍ ອີງໃສ່ ຄໍາສັ່ງ ຂອງ ນາຍົກ ຣັຖມົນຕຼີ ເລກທີ 16, ຊຶ່ງ ຖືວ່າເປັນ ການປະຕິບັດ ມະຕິ ຂອງ ກອງປະຊຸມ ໃຫຍ່ຄັ້ງທີ 9 ຂອງ ພັກ.

ຄໍາເຫັນ (3)
Share

Lao

ຈາກ Rural district

This programs they have in my village too they just sit down on table and talked they need one person each family have to be whit them every day for a couple week and the end of programs have a dinner together and they're moving to an other village.They are't asking them what're you need and help on that programs or project whent some people asking them the answer was no budget waiting for donation from Europe, it's a bad organization I'm ever see in my life.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 06, 2016 02:10 PM

ນາງແກ້ວ

ຈາກ ເມືອງຄຳເກີດ

ໂຄງການສາມສ້າງ ຂອງລັດທະບານ ບໍ່ມີຫຍັງດອກ ແຕ່ມັນເປັນທິດສະດີ ແບບນໍ້າຖ້ວມທົ່ງ ສິເອົາເງິນມາແຕ່ໃສ ສ້າງຂະໜາດ ເງິນສະຫຼອງວັນຊາດ ຍັງໄດ້ແພ່ ຈາກ ປະຊາຊົນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2015 03:55 PM

ຄ.ນະຄຳມ່ວນ

ຈາກ ທ່າແຂກ44

ພະນັກງານພັກ-ລັດ ສປປລາວ ກໍ່ເປັນຄົນ ຍ່າງນຳຫນ້າດິນ ແຕໃຊ້ຕາເງີຍຂຶ້ນເບິ່ງດາວ ແນວຄິດທິດສະດີມີໄວ້ ເປັນລັກ ຫັດປາກຫັດເວົ້າ ຫມົດມື້ ກໍ່ແນວເກົ່າ ນັ້້ນແລ້ວ, ສີ່ສິບປີແລ້ວ ມີຈຸດອອ່ນໃຫ້ເຫັນ ໄດ້ບ່ອນໄດແດ່, ທຸກສິ່ງທີ່ເວົ້າ, ທຸກຄຳທີ່ກ່າວ ແມ່ນມີແຕ່ສິ່ງດີໆ ເຮັດໄດ້ແນວນີ້ ກໍ່ຕຽມຕົວເພື່ອໄປ ສ້າງສັງຄົມນິຍົມ ຕາມຄວາມຝັນ ຂອງພວກດ້ອຍປັນຍາ ນັ້ນລະຕິ, ພຽງແຕ່ອາໃສ ປະຊາຄົມອາຊ້ຽນ ຢູ່ກໍຍັງ ບໍ່ມີລົມຫາຍໃຈ ໄດ້ເຕັມປອດແລ້ວ ລໍຖ້າແຕ່ເຂົາ ຈະຕັດສາຍ ອົກຊີເຈັນ ມື້ໄດ ເທວະດາ ກໍ່ຈະໃສ່ໂທດຕື່ມ.!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2015 03:51 PM

ເຕັມຫນ້າ