ລາວຂໍທຶນຊ່ອຍເຫຼືອປັບປຸງ ຖນົນ ຫົນທາງ

ອະວາຣີ
2014-04-09
ອີແມວລ໌
ຄໍາເຫັນ
Share
ພິມ
ຍວດຍານ ພາຫະນະ ຕາມທ້ອງຖນົນ ໃນ ນະຄອນຫລວງ ວຽງຈັນ
ຍວດຍານ ພາຫະນະ ຕາມທ້ອງຖນົນ ໃນ ນະຄອນຫລວງ ວຽງຈັນ
Citizen Journalist

 

ທາງການ ລາວ ຂໍເງິນ ຊ່ວຍເຫລືອ ຈຳນວນ 35,000 ດອນລ່າ ສະຫະຣັຖ ຈາກ ທະນາຄານ ພັທນາ ເອເຊັຍ ສຳຣັບ ໂຄງການ ປັບປຸງ ຖນົນ ຫົນທາງ ການ ຄົມມະນາຄົມ ແລະ ຂົ່ນສົ່ງ ໃນ ນະ ຄອນຫລວງ ວຽງຈັນ ໃຫ້ດີຂຶ້ນ ແລະ ຍືນຍົງ.

ເວັບໄຊຕ໌ ຂອງ ທະນາຄານ ພັທນາ ເອເຊັຍ ຣາຍງານ ເມື່ອວັນ ທີ 31 ເດືອນ ມິນາ ວ່າ ທາງການ ລາວ ຢາກ ປັບປຸງ ຖນົນຫົນທາງ ບ່ອນຣົດແລ່ນ ແລະ ທາງຍ່າງ ໃຫ້ ສະດວກ ສະບາຍ ແລະ ໃຫ້ປອດໄພ ສຳຣັບ ຄົນຍ່າງ. ພິເສດ ພາຍໃຕ້ ໂຄງການ ດັ່ງກ່າວ ທາງການ ລາວ ຍັງຈະຈັດ ທາງແລ່ນ ຣົດເມ ສາຍໃໝ່ ສາຍອ້ອມ ນະຄອນຫລວງ ວຽງຈັນ, ນອກຈາກ ນັ້ນ ຍັງຈະຈັດ ບ່ອນ ຈອດຣົດ ໃໝ່ ໃຫ້ເປັນ ຣະບຽບ ຮຽບຮ້ອຍ ຕາມຖນົນ ຫົນທາງ ແລະ ຈະສ້າງຕຶກ ຈອດຣົດ ຕື່ມ ຫລາຍຫລັງ.

ທາງການ ນະຄອນຫລວງ ວຽງຈັນ ຈະໃຊ້ເງິນ ຊ່ວຍເຫລືອ ຈຳນວນ ນັ້ນ ສ່ວນນຶ່ງ ເພື່ອຕິດຕັ້ງ ດອກໄຟ ຕາມຂ້າງ ຖນົນ ຈະແຕ້ມ ທາງມ້າລາຍ ແຕ້ມເສັ້ນ ຊ່ອງທາງ ຣົດແລ່ນ ຫລື ເລນໃໝ່ ແລະ ກໍ ຈະປັບປຸງ ການ ທຳງານ ຂອງ ສູນຄວບຄຸມ ການ ຈາຣະຈອນ ໃຫ້ ດີຂື້ນ.

ປັດຈຸບັນ ນະຄອນຫລວງ ວຽງຈັນ ມີຣົດ ຫລາຍຂື້ນ ແລະ ກໍມີບັນຫາ ການ ຈາຣະຈອນ ຫລາຍ ເກີດ ອຸປຕິເຫດ ເລື້ອຍໆ. ທັງ ຄົນຍ່າງ ແລະ ຣົດ ບໍ່ຣະມັດ ຣະວັງ ບໍ່ ປະຕິບັດ ຕາມ ກົດຣະບຽບ ຈາຣະຈອນ ຢ່າງ ເຄັ່ງຄັດ. ຣົດມັກ ແລ່ນໄວ ແລະ ກໍມັກລ່ວງ ໄພແດງ.

ໃນຣະຍະ ສລອງບຸນ ປີໃໝ່ ລາວ ການສັນຈອນ ໃນ ນະຄອນຫລວງ ແຮງຈະ ອັນຕະຣາຍ ແຕ່ລະປີ ມີ ອຸບັດຕິເຫດ ມີ ຄົນເສັຍ ຊີວິດ; ປີກາຍ ໃນ ທົ່ວປະເທດ ມີຄົນເສັຍ ຊີວິດ 23 ຄົນ ແລະ ໃນ ສະເພາະ ນະຄອນຫລວງ ວຽງຈັນ ມີ 7 ຄົນ.

ຄໍາເຫັນ (2)
Share

laofree

ຈາກ Vt

Every one can see that my Laos PDR or my leader Laos Communist just siting on the table all day to raise the lying hands please, donate some money to me, please donate some money to me but when Money come from any where the money is always disappear.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 10, 2014 03:26 PM

ເຜົ່າລາວ

ຈາກ ແຜ່ນດີນລ້ານຊ້າງ

ເງີນ ທີ່ພວກ ມະນຸດຖ້ຳຂໍ ຫລື ຢືມມານັ້ນ ບໍ່ເຄີຍ ຖືກ ນຳໄປໃຊ້ຈ່າຍ ໃນໂຄງການ ແຕ່ລະ ໂຄງການ ຕາມທີ່ໄດ້ ວາງໄວ້ ຈັກເທື່ອ. ຢ່າງນ້ອຍ ສາມສິບ ຫາສີ່ສິບ ເປີເຊັນ ຂອງເງີນ ທີ່ໄດ້ມາ ຈະຖືກ
ແບ່ງປັນກັນ ພາຍໃນພັກກ່ອນ ຈາກນັ້ນ ຈື່ງເອົາສ່ວນ ທີ່ເຫລືອ ໄປເຂົ້າໂຄງການ ຊື່ງກໍຍັງສືບ ຕໍ່ຮົ່ວໄຫລ ໄປເລື້ອຍໆ ຈື່ງປາກົດ ໃຫ້ເຫັນຫລາຍ ຕໍ່ຫລາຍຄັ້ງວ່າ ບາງໂຄງການ ຕ້ອງໄດ້ ກູ້ຢືມ ຫລືຂໍເງີນ ມາດຳເນີນການ ເຖີງສອງຄັ້ງ ສາມຄັ້ງ ກໍມີ.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 10, 2014 03:20 PM

ເຕັມຫນ້າ