ຊາວຊຽງແສນຂອງໄທ ກັງວົນ ໂຄງການ ເຂື່ອນ ປາກແບງ

ສິດນີ
2017-12-11
ອີແມວລ໌
ຄໍາເຫັນ
Share
ພິມ
ຮູບຈໍາລອງ ເຂື່ອນປາກແບງ ຊຶ່ງເປັນເຂື່ອນທີ 3 ໃນແມ່ນໍ້າຂອງ ຂົງເຂດປະເທດລາວ
ຮູບຈໍາລອງ ເຂື່ອນປາກແບງ ຊຶ່ງເປັນເຂື່ອນທີ 3 ໃນແມ່ນໍ້າຂອງ ຂົງເຂດປະເທດລາວ
Screen captured from MRC video

ຊາວບ້ານ ທີ່ເມືອງຊຽງແສນ ແຂວງຊຽງຮາຍ ແລະບັນດາອົງການ ຈັດຕັ້ງທາງສັງຄົມ ກຸ່ມຮັກແມ່ນ້ຳຂອງຂອງໄທ ຫວັງວ່າບໍຣິສັດຕາຖັງ ຂອງຈີນ ຈະທົບທວນຄືນໃຫມ່ ກ່ຽວກັບໂຄງການ ເຂື່ອນປາກແບງ ໃນແຂວງອຸດົມໄຊ ຊຶ່ງກຸ່ມດັ່ງກ່າວ ຈະເດີນທາງມາ ໂອ້ລົມກັບກັບ ຊາວບ້ານ ໃນມື້ວັນທີ 20 ທັນວາ ທີ່ຈະມາເຖີງນີ້. ຍ້ອນວ່າ ເຂື່ອນດັ່ງກ່າວ ບໍ່່ແມ່ນແຕ່ຈະສົ່ງຜົລກະທົບ ຕໍ່ຄົນລາວແລະໄທ ເທົ່ານັ້ນ ຍັງຈະສົ່ງຜົລກະທົບ ໄປສູ່ຊຸມຊົນໃນເຂດລຸ່ມນ້ຳຂອງ ນຳອີກ. ດັ່ງຄຳເວົ້າຂອງ ເຈົ້າຫນ້າທີ່ ຈາກເຄືອຂ່າຍ ຮັກແມ່ນ້ຳຂອງ ທ່ານນຶ່ງ ກ່າວໃນມື້ວັນທີ 11 ທັນວາ ນີ້.

"ພວກເຮົາຈະຄຸຍກັບບໍຣິສັດຕ້າຖັງ ກໍຣະນີຂອງເຂື່ອນປາກແບງ ເວົ້າກັນໃນສ່ວນຂອງ ຊຽງຂອງ ແລະເຄືອຄ່າຍ ອ້າຍນ້ອງຊາວບ້ານຢູ່ໃນ ແມ່ນ້ຳຂອງ ຄວາມວິຕົກກັງວົນ ໃນຜົລກະທົບທີ່ຈະເກີດຂຶ້ນ ມັນຈະບໍ່ກະທົບແຕ່ສະເພາະ ຂ້າງເທີງຖ້າມີການສ້າງ ເຂຶື່ອນ ມັນລວມເຖີງຄົນ ຢູ່ໃຕ້ນ້ຳອີກ ຮວມເຖິງ ກຳພູຊາ ວຽດນາມ ຖ້າຫາກມີການສ້າງເຂື່ອ ນປາກແບງ."

ທ່ານກ່າວຕື່ມວ່າ ໃນມື້ວັນທີ 20 ທັນວານີ້ ຈະມີຊາວບ້ານຈາກເມືອງຊຽງຂອງ ແຂວງຊຽງຮາຍ ແລະຊາວບ້ານຈາກ 7 ແຂວງພາກອີ່ສານ ຂອງໄທ ຮ່ວມທັງອົງການ ຈັດຕັ້ງທາງສັງຄົມ ກຸ່ມຮັກແມ່ນ້ຳຂອງ ຫລາຍກຸ່ມ ຈະເດີນທາງມາໂອ້ລົມ ແລະແລກປ່ຽນ ຄວາມຄິດເຫັນກັບ ຕົວແທນ ຂອງບໍຣິສັດຕ້າຖັງຂອງຈີນ ໃນໂຄງການ ເຂື່ອນປາກແບງ.

ໃນການໂອ້ລົມກັນ ຊາວບ້ານກໍໄດ້ຍົກບັນຫາຜົລກະທົບຈາກການສ້າງເຂື່ອນໃສ່ແມ່ຂອງຕອນເທິງ ຂອງຈີນຫລາຍເຂື່ອນ ຕໍ່ຊາວບ້ານ ໃນຂນະດຽວກັນ ຕົວແທນຂອງອົງການຈັດຕັ້ງ ທາງສັງຄົມກໍຈະເອົາຂໍ້ມູນ ຈາກການຄົ້ນຄວ້າກ່ຽວກັບ ຈຳນວນປາ ທີ່ຫຼຸດລົງແລະບັນຫາດິນ ເຈື່ອນ ຕາມຝັ່ງແມ່ນ້ຳຂອງ ຈາກການສ້າງເຂື່ອນ ມາໂອ້ລົມກັນ. ຫລັງຈາກນັ້ນ ຊາວບ້ານ ແລະອົງການຈັດຕັ້ງທາງສັງຄົມ ກໍຈະຍື່ນຂໍ້ສເນີ ຕໍ່ບໍຣິສັດຕ້າຖັງ ໃຫ້ທົບທວນ ການສ້າງເຂື່ອນປາກແບງ ຄືນໃຫມ່ ແຕ່ຖ້າຈະສ້າງກໍໃຫ້ ປະຊາຊົນມີສ່ວນຮ່ວມ ໃນການອອກຄວາມເຫັນ.

"ທີ່ຜ່ານມາ ມັນມີບັນຫາ ສີ່ງທີ່ເກີດຂ໋ື້ນໃນແມ່ນ້ຳຂອງ ຫລັງຈາກສ້າງເຂື່ອນຂ້າງເທິງວ່າ ໄດ້ຮັບຜົລກະທົບຫຍັງແດ່ ການປະມົງ ການ ກະສິກັມ ຢູ່ຕາມແຄມແມ່ນ້ຳຂອງ ສັງຄົມ ເຣື້ອງສຸຂພາຣະຊຸມຊົນຕ່າງໆ ແລະຖ້າມີການສ້າງເຂຶ່ອນປາກແບງ ຊາວບ້ານ ກໍມີຄວາມກັງວົນ ໃນເຫດການ ທີ່ ຈະເກີດຂຶ້ນ ໃນອານາຄົດ ຕ້ອງການມີການສືກສາ ໂດຍຂະບວນການ ມີສວນຮ່ວມກັບປະຊາຊົນ ຖ້າຄິດວ່າ ຍັງເປັນກຸ່ມ ໃນປະເທດອາຊຽນ ທີ່ຈະຕ້ອງເພີ່ງພາອາສັຍກັນ ຂະເຈົ້າຄວນຮັບຟັງ ບໍ່ດັ່ງນັ້ນທຸກຢ່າງມັນຈະໄປ ບໍ່ໄດ້ຖ້າຫາກຈະເດີນຫນ້າ ຕໍ່ໄປໃນ ອະນາຄົດ."

ໃນປັດຈຸບັນ ທາງການລາວຍັງບໍ່ທັນອະນຸຍາດ ໃຫ້ສ້າງເຂື່ອນປາກແບງ ເທື່ອແຕ່ໄດ້ຈັດທີມງານ ລົງໄປສືກສາແລະສ້າງ ເສັ້ນທາງເຂົ້າ ໄປຫາບ່ອນ ຈະສ້າງເຂື່ອນແລ້ວ ສ່ວນບ້ານທີ່ຈະໄດ້ຮັບ ຜົລກະທົບນອກຈາກມີບ້ານຫ້ວຍກ້ຽງ ແລະບ້ານປາກເງີຍ ຢູ່ເມືອງປາກແບງ ທີ່ຊາວບ້ານຈະໄດ້ຍ້າຍໄປຢູ່ ບ້ານຈັດສັນແລ້ວ ກໍຍັງຈະມີບ້ານອື່ນໆ ຮ່ວມທັງປະຊາຊົນ ຢູ່ຕາມແຄມຂອງຂອງໄທບາງກຸ່ມນ່ຳອີກ.

ອີງຕາມບົດຣາຍງານ ຂອງອົງການແມ່ນ້ຳຂອງ .ORG ໂຄງການເຂື່ອນປາກແບງ ຈະສົ່ງຜົລກະທົບ ຕໍ່ ປະຊາຊົນໃນ 26 ບ້ານ ທີ່ ແຂວງອຸດົມໄຊ ໄຊຍະບູຣີ ແລະບໍ່ແກ້ວ ຮວມທັງຫມົດ ປະມານ 923 ຄອບຄົວ ໃນຈຳນວນປະຊາຊົນປະມານ 4 ພັນ 726 ຄົນ.

ຄໍາເຫັນ (1)
Share

(

People living along the Mekong, China will kill you all. Laos is the accomplice in this killing.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 12, 2017 04:23 AM

ເຕັມຫນ້າ