ທ່ອງທ່ຽວລົງຕາມລຳແມ່ນໍ້າຂອງ

ນໍ້າຂອງ ເປັນແມ່ນໍ້າທີ່ມີຄວາມຍາວ ອັນດັບ 10 ຂອງໂລກ ທີ່ລໍ່ລ້ຽງຊີວິດ ເຖິງ 70 ລ້ານຄົນ, ແລະ ຈຸດເຣີ່ມຕົ້ນ ຂອງແມ່ນໍ້າຂອງ ຢູ່ທີ່ ເມືອງຕ້າຈູ, ໃນປະເທດຕີ໋ເບດ.
2009-12-22
ອີແມວລ໌
ຄໍາເຫັນ
Share
ພິມ

 

ແມ່ນໍ້າຂອງ ເປັນສາຍນ້ຳທີ່ຍາວທີ່ສຸດໃນເອເຊັຍຕາເວັນອອກ ສ່ຽງໃຕ້ ແລະ ໄດ້ປະທັງຊີວິດ ຜູ້ຄົນເຖິງ 70 ລ້ານ ເລີ້ມຈາກ ຕິເບດ ຈົນເຖິງວຽດນາມ ນັກຂ່າວຂອງພວກເຮົາໄດ້ ເດີນທາງເລາະລຽບຕາມໄປ ຕາມຄວາມຍາວຂອງ ລຳນ້ຳຂອງ ເພື່ອເລົ່າເລື້ອງລາວ ທີ່ຂະເຈົ້າໄດ້ພົບເຫັນ ແລະຂຽນ ”ບັນທຶກແມ່ນໍ້າຂອງ” ໃນພາກສ່ວນນີ້.

ໃນເວລາທີ່ ຜູ້ນຳຂອງໂລກ ຕຣຽມການຫາລື ເພື່ອແກ້ໄຂບັນຫາ ດິນຟ້າອາກາດທີ່ Copenhagen, ພວກເຮົາຂໍພາທ່ານທ່ອງທ່ຽວ ໄປກັບ ວິທຍຸເອເຊັຍເສຣີ ເລາະລົງຕາມແມ່ນ້ຳ ທີ່ມີການພັທນາ ໜ້ອຍທີ່ສຸດໃນບັນດາສາຍນ້ຳ ທີ່ສຳຄັນຂອງໂລກ- ແມ່ນ້ຳຂອງ: ມີຄວາມບອບບາງ, ມີຄວາມງາມ, ແລະກໍາລັງຖືກຄຸກຄາມແບບບໍ່ເຄີຍມີມາກ່ອນ.

”ສາຍນ້ຳຂອງ ປຽບສະເໝືອນສາຍເລືອດ,” ນັກຫາປາໄທຄົນນຶ່ງເວົ້າ. ”ສາຍນ້ຳຂອງຄືກັບ ສາຍເລືອດທີ່ໃຫລຜ່ານຮ່າງກາຍຂ້ອຍ.”

”ນ້ຳໃນແມ່ນ້ຳຂອງ ບໍ່ເຄີຍເຮັດໃຫ້ ເຮົາເຈັບເຮົາໄຂ້.” ຊາວຕິເບດ ພວກພະເນຈອນຄົນນຶ່ງ ໃນພາກຕາເວັນຕົກແຂວງຄິງຮາຍເວົ້າ. ”ມັນລ້ຽງດູພວກເຮົາ ເປັນຢ່າງດີ ເພາະວ່າເຮົາກໍຖນຸຖນອມ ມັນເປັນຢ່າງດີ.”
ແມ່ນ້ຳຂອງ ປຽບດັ່ງຣະບົບເສຖກິດ ທີ່ຄ້ຳຊູພັນປານາໆຊນິດ ຢ່າງຫລວງຫລາຍໃນ ຈຳພວກແມ່ນ້ຳທັງ ຫລາຍ ນອກຈາກແມ່ນ້ຳ ອາມາຊ໊ອນ, ແຕ່ຄົນນັບເປັນລ້ານ ທີ່ອາສັຍຢູ່ເລາະຕາມ ແຄມແມ່ນ້ຳຂອງແລະໃນນ້ຳຂອງເອງ ໄດ້ເລີ້ມປັບໂຕ ເຂົ້າກັບການສູນຫາຍຂອງໝູ່ປາ, ຣະດັບນ້ຳຂອງກໍ່ຕໍ່າລົງ, ຕາຝັ່ງກໍເຈື່ອນພັງລົງ, ແລະການທຳລາຍປ່າໄມ້ ທີ່ເລາະລຽບຕາມແຄມຝັ່ງ ກໍເກີດມີຂື້ນຢ່າງຕໍ່ເນື່ອງ.

ໂຄງການໃຫຍ່ໆທີ່ ຈະສ້າງເຂື່ອນມີຂຶ້ນ ເກືອບທຸກລະຍະບາດກ້າວ ຕາມເສັ້ນທາງ4,350km, ຊຶ່ງແຜນ ການທັງໝົດຕ້ອງພົວພັນ ທາງດ້ານການເມືອງຣະດັບສູງ ແລະ ໃຊ້ເງິນຈໍານວນຫລວງຫລາຍ ເປັນເດີມພັນ. ສຳລັບຜູ້ຄົນ 70 ລ້ານ ທີ່ແຈກຍາຍກັນຢູ່ ຕາມໝູ່ບ້ານນ້ອຍໆ ເລາະຕາມຝັ່ງນ້ຳຂອງ, ສິ່ງທີ່ທ້າທາຍທັງຫລາຍກໍເປັນ ໜ້າວິຕົກນໍາ ແຕ່ກໍບໍ່ມີການ ບອກກ່າວໃຫ້ຮູ້.

”ມັນມີຢູ່ສາມຈຳພວກ ທີ່ສົນໃຈໃນ ແມ່ນ້ຳຂອງ: ພວກຮັກ, ພວກຊື່ນຊົມ ແລະພວກທີ່ເຫັນ ແຕ່ຜົລກຳໃລ” ຜູ້ນຳໃນໝູ່ບ້ານຊຽງຂອງ ປະເທດໄທເວົ້າ.

ສຳລັບພາກສ່ວນຂອງ ວິທຍຸເອເຊັຍເສຣີ, ແມ່ນໄດ້ໄປພົບກັບ ພວກລ້ຽງສັຕພະເນຈອນ,ຊາວປະມົງ    ນັກເຄື່ອນໄຫວ, ພວກຊາວນາ, ພວກສ້າງເຂື່ອນ, ຄູບາ, ນັກສິລປິນ, ຄົນເດີນເຮືອ, ນັກວິທຍາສາຕ, ຫົວໜ້າບ້ານ, ພວກເຊື່ອໃນວິນຍານ, ພວກທະຫານຕຳຣວດ, ພວກປະທ້ວງແລະຜູ້ສູງອາຍຸ ຜູ້ຄົນເຫລົ່ານີ້ມີຄວາມຜູກພັນ ທີ່ແຕກຕ່າງກັນ ຕໍ່ ”ມານດາ” ແຫ່ງແມ່ນ້ຳໃນເອເຊັຍ.

ຄໍາເຫັນ (7)
Share

ຜູ້ອ່ານທີ່ບໍ່ອອກຊື່

je pense que c est bien.je vois Mekong tous les jours , il est un peu sale.

Dec 11, 2011 07:12 AM

ຜູ້ອ່ານທີ່ບໍ່ອອກຊື່

I agree with who say Money can buy blood
but cant not buy life

Sep 29, 2011 04:34 AM

ຜູ້ອ່ານທີ່ບໍ່ອອກຊື່

ເມື່ອຮອດຕອນທີ່ບໍ່ສາມາດແກ້ໄຂບັນຫາຫຍັງໄດ້ ແລ້ວຈະຮູ້ສຶກວ່າບໍ່ຄວນທຳລາຍທຳມະຊາດ ແມ່ນ້ຳຂອງ

Feb 02, 2011 02:12 AM

ຜູ້ອ່ານທີ່ບໍ່ອອກຊື່

please stop to destroy mekong river to save Lao's life, remember that money can buy blood but can't buy life.
please feedback into a few years ago and now the southern part of laos is almost flood and so many of farmer no residence.

Jan 24, 2010 01:07 AM

ຜູ້ອ່ານທີ່ບໍ່ອອກຊື່

It's so sad to see Mekong river been damage by the power of each country who use it. They will be very very sory when they owne blood has dry out.

Jan 21, 2010 05:29 PM

ເບິ່ງຄວາມເຫັນທັງໝົດ.

ເຕັມຫນ້າ