គណៈកម្មការ​ទី​៧​រដ្ឋ​សភា​កំពុង​តាមដាន​ករណី​បទ​ចោទ​ចៅ​អធិការ​វត្ត​លើ

ដោយ ដែន អយុធ្យា
2015-05-15
អ៊ីម៉ែល
មតិ
Share
បោះពុម្ព
ព្រះតេជព្រះគុណ គៀត ច័ន្ទធុច ព្រះ​ចៅ​អធិការ​វត្ត​លើ ថ្លែង​ក្នុង​សន្និសីទ​សារព័ត៌មាន កាល​ពី​ថ្ងៃ​ទី២៥ ខែ​មេសា ឆ្នាំ​២០១៥។
ព្រះតេជព្រះគុណ គៀត ច័ន្ទធុច ព្រះ​ចៅ​អធិការ​វត្ត​លើ ថ្លែង​ក្នុង​សន្និសីទ​សារព័ត៌មាន កាល​ពី​ថ្ងៃ​ទី២៥ ខែ​មេសា ឆ្នាំ​២០១៥។
RFA/Den Ayuthyea

ប្រធាន​គណៈកម្មការ​ទី​៧ នៃ​រដ្ឋសភា​កំពុង​តាមដាន និង​រង់ចាំ​ស្ដាប់​លទ្ធផល​ដោះស្រាយ​របស់​មន្ត្រី​គណៈ​សង្ឃ​នាយក អំពី​បទ​ចោទ​ទៅ​លើ​ព្រះចៅ​អធិការ​វត្ត​ជោតញាណ ហៅ​វត្ត​លើ ព្រះនាម គៀត ច័ន្ទធុច ប្រព្រឹត្ត​ខុស​ធម៌​វិន័យ​សង្ឃ​ដោយ​យក​ចិត្ត​ទុក​ដាក់។

ស្រប​ពេល​គ្នា​នេះ ប្រជាពលរដ្ឋ និង​មន្ត្រី​រាជការ​ខេត្ត​ព្រះសីហនុ ក៏​កំពុង​រង់ចាំ​លទ្ធ​ដោះស្រាយ​ពី​សភា​សង្ឃ​ទៅ​លើ​ករណី​ព្រះសង្ឃ គៀត ច័ន្ទធុច ដោយ​អន្ទះសា ប៉ុន្តែ​ហាក់​គ្មាន​ជំនឿ​ថា គ្មាន​ស្ថាប័ន​ណា​មួយ​មាន​ជំហរ​ឯករាជ្យ​ទេ ហើយ​ក៏​មិន​ហ៊ាន​ចាត់ការ​ទៅ​លើ​ព្រះចៅ​អធិការ​ដែល​សម្បូរ​ទៅ​ដោយ​រឿង​អាស្រូវ​រ៉ាំរ៉ៃ​នេះ​ដែរ។

លោក យ៉ែម បុញ្ញឫទ្ធិ ប្រធាន​គណៈកម្មការ​អប់រំ យុវជន កីឡា ធម្មការ កិច្ចការ​សាសនា វប្បធម៌ និង​ទេសចរណ៍ ឬ​គណៈកម្មការ​ទី​៧ នៃ​រដ្ឋសភា មាន​ប្រសាសន៍​ថា លោក​នឹង​ត្រៀម​កោះ​អញ្ជើញ លោក មិន ឃិន រដ្ឋមន្ត្រី​ក្រសួង​ធម្មការ និង​សាសនា ឲ្យ​ទៅ​បំភ្លឺ​នៅ​រដ្ឋសភា​ជុំវិញ​បញ្ហា​របស់​ព្រះចៅ​អធិការ​វត្ត​លើ ព្រះនាម គៀត ច័ន្ទធុច ក្នុង​ពេល​ឆាប់ៗ​នេះ។

លោក​បន្ត​ថា បទ​ចោទ​ព្រះសង្ឃ គៀត ច័ន្ទធុច ដែល​ជា​ព្រះ​មេគណ​ខេត្ត​ព្រះសីហនុ ប្រព្រឹត្ត​ខុស​វិន័យ​សង្ឃ និង​ព្រះពុទ្ធ​សាសនា មន្ត្រី​ជំនាញ​ស្ថាប័ន​នេះ​កំពុង​ទន្ទឹង​រង់ចាំ​លទ្ធផល​អង្កេត ឬ​ដោះស្រាយ របស់​មន្ត្រី​គណៈ​សង្ឃ​នាយក៖ «ខ្ញុំ​នឹង​ពិនិត្យ​មើល​លើ​ករណី​ព្រះសង្ឃ គៀត ច័ន្ទធុច និង​ត្រៀម​ជួប​លោក មិន ឃិន រដ្ឋមន្ត្រី​ក្រសួង​ធម្មការ និង​សាសនា ដើម្បី​សួរ​នាំ​ទៅ​លើ​បទ​ចោទ​របស់​ប្រជាពលរដ្ឋ ទៅ​លើ​ចៅ​អធិការ​វត្ត​ជោតញាណ ហៅ​វត្ត​លើ នៅ​ខេត្ត​ព្រះសីហនុ ក្នុង​ពេល​ឆាប់ៗ​នេះ»

​ទន្ទឹម​គ្នា​នេះ ប្រជាពលរដ្ឋ និង​មន្ត្រី​សង្គម​ស៊ីវិល​មួយ​ចំនួន​នា​ខេត្ត​ព្រះសីហនុ ក៏​ទន្ទឹង​រង់ចាំ​លទ្ធផល​ដោះស្រាយ​លើ​ករណី​បទ​ចោទ​ព្រះសង្ឃ គៀត ច័ន្ទធុច ដោយ​អន្ទះសា​ដែរ។

បញ្ហា​នេះ លោក ឃុន សាវឿន មន្ត្រី​អង្កេត​អង្គការ​លីកាដូ ប្រចាំ​ខេត្ត​ព្រះសីហនុ ថ្លែង​ថា បទ​ចោទ​ទៅ​លើ​ព្រះចៅ​អធិការ​វត្ត​លើ ព្រះនាម គៀត ច័ន្ទធុច ឆាន់​ស្រា​ខុស​ធម៌​វិន័យ និង​បញ្ហា​ផ្សេងៗ​នៅ​ពេល​កន្លង​មក គឺ​គ្មាន​ស្ថាប័ន​ណា​មួយ​នា​ខេត្ត​ព្រះសីហនុ ឬ​ថ្នាក់​ជាតិ​ជាដើម ហ៊ាន​ចេញ​មុខ​ដោះស្រាយ​កង្វល់​ពលរដ្ឋ​ទេ។

មន្ត្រី​អង្កេត​អង្គការ​លីកាដូ លោក ឃុន សាវឿន ដែល​ធ្លាប់​បួស​ជា​សង្ឃ​ជិត ១០​ឆ្នាំ បាន​ស្នើ​ឲ្យ​មន្ត្រី​ក្រសួង​ធម្មការ មន្ត្រី​ជំនាញ​រដ្ឋសភា ពិសេស​មន្ត្រី​គណៈ​សង្ឃ​នាយក​ជាដើម ត្រូវ​មាន​ដំណោះស្រាយ​ឲ្យ​បាន​សមស្រប​ទៅ​លើ​បទ​ចោទ​ព្រះសង្ឃ គៀត ច័ន្ទធុច ព្រោះ​ទង្វើ ឬ​សកម្មភាព​របស់​ព្រះសង្ឃ​អង្គ​នេះ ពលរដ្ឋ​ខេត្ត​​ព្រះសីហនុ បាន​ដឹង​ឮ​ស្ទើរ​គ្រប់ៗ​គ្នា៖ «ពី​អតីតកាល ព្រះសង្ឃ គៀត ច័ន្ទធុច មិន​មែន​ជា​ព្រះមេគណ​ខេត្ត​នេះ​ទេ គឺ​ជា​ព្រះចៅ​អធិការ​វត្ត​ធម្មតា និង​មាន​ព័ត៌មាន​ល្បី​តៗ​គ្នា​អំពី​សកម្មភាព​របស់​ព្រះសង្ឃ គៀត ច័ន្ទធុច ប្រព្រឹត្តិ​ខុស​ឆ្គង​ធម៌​វិន័យ​ដែរ។ ប៉ុន្តែ​គ្មាន​ស្ថាប័ន​ណា​មួយ​ចេញ​មុខ​ដោះស្រាយ​ទេ ពាក់ព័ន្ធ​បញ្ហា​ពុករលួយ ឬ​ភាព​មិន​ប្រក្រតី​នៃ​ព្រះ​ចៅ​អធិការ​វត្ត​លើ គៀត ច័ន្ទធុច»

បន្ថែម​លើ​នេះ ប្រជាពលរដ្ឋ និង​មន្ត្រី​រាជការ​ខេត្ត​ព្រះសីហនុ ក៏​ទន្ទឹង​រង់ចាំ​ស្លាប់​លទ្ធផល​អង្កេត​ទៅ​លើ​បញ្ហា​របស់​ព្រះ​មេគណ គៀត ច័ន្ទធុច ដូច​គ្នា​ដែរ។ ប៉ុន្តែ​ពួកគេ​ហាក់​គ្មាន​ជំនឿ​ទៅ​លើ​ដំណោះស្រាយ​របស់​សភា​សង្ឃ ឬ​មន្ត្រី​គណៈ​សង្ឃ​នាយក​នោះ​ទេ ដោយសារ​តែ​កំហុស​ឆ្គង​របស់​ព្រះចៅ​អធិការ​អង្គ​នេះ ធ្លាប់​ប្រព្រឹត្ត​កន្លង​មក គ្មាន​ស្ថាប័ន​ណា​មួយ​ហ៊ាន​ចេញ​មុខ​បញ្ឈប់​សកម្មភាព​ព្រះសង្ឃ គៀត ច័ន្ទធុច នេះ​ទេ។ បន្ថែម​លើ​នេះ ព្រះសង្ឃ​អង្គ​នេះ​ក៏​បន្ត​ឡើង​បុណ្យ​ស័ក្ដិ​ពី​ចៅ​អធិការ​វត្ត ទៅ​ជា​ព្រះ​មេគណ ខេត្ត​ព្រះសីហនុ រហូត​មក​ដល់​សព្វថ្ងៃ​នេះ។

ទាក់ទិន​បញ្ហា​នេះ ព្រះចៅ​អធិការ​វត្ត​ជោតញាណ ហៅ​វត្ត​លើ ព្រះនាម គៀត ច័ន្ទធុច ធ្លាប់​មាន​ថេរដីកា​បដិសេធ​ថា ព្រះអង្គ​មិន​បាន​ប្រព្រឹត្តិ​ខុស​ធម៌​វិន័យ​ព្រះពុទ្ធ​សាសនា ឬ​មាន​ឆាន់​ស្រា​ជា​ប្រចាំ ដូច​ការ​ចោទ​ទេ។ ព្រះចៅ​អធិការ​អង្គ​នេះ បាន​ចាត់​ទុក​បទ​ចោទ​មក​លើ​ព្រះអង្គ គ្រាន់​តែ​ជា​ពាក្យ​ចចាមអារ៉ាម និង​មាន​បំណង​បង្ខូច​កេរ្តិ៍ឈ្មោះ​របស់​ព្រះអង្គ។

​ទោះ​យ៉ាង​ណា លោក លី ឌី សមាជិក​ក្រុមប្រឹក្សា​ខេត្ត​ព្រះសីហនុ ឲ្យ​ដឹង​ថា សកម្មភាព​ប្រព្រឹត្តិ​ខុស​ធម៌​វិន័យ​ព្រះពុទ្ធ​សាសនា ឬ​វិន័យ​ព្រះសង្ឃ​របស់​ព្រះចៅ​អធិការ គៀត ច័ន្ទធុច គឺ​បាន​កើត​មាន​ជា​យូរ​ឆ្នាំ​មក​ហើយ។ លោក​បន្ត​ថា ករណី​ព្រះ​មេគណ គៀត ច័ន្ទធុច ឆាន់​ស្រា​ជា​ប្រចាំ​មិន​មែន​ទើប​កើត​ឡើង​ថ្មីៗ​នេះ​ទេ គឺ​បាន​កើត​មាន​ជា​យូរ​ឆ្នាំ​មក​ហើយ ហើយ​គ្មាន​មន្ត្រី​ស្ថាប័ន​ណា​មួយ​ចេញ​មុខ​បញ្ឈប់​សកម្មភាព​ប្រព្រឹត្ត​ខុស​វិន័យ​សង្ឃ​របស់​ព្រះចៅ​អធិការ​អង្គ​នេះ​ទេ​កន្លង​មក៖ «ប្រជាពលរដ្ឋ ​ទាំង​ក្មេង ទាំង​ចាស់ ភាគ​ច្រើន​គេ​បាន​ដឹង​ពី​ពុតត្បុត​របស់​ព្រះសង្ឃ គៀត ច័ន្ទធុច នេះ​ដែរ។ ឥឡូវ​នេះ​ពួកគេ​ក៏​កំពុង​រង់ចាំ​ស្ដាប់​លទ្ធផល​សម្រេច​របស់​សភា​សង្ឃ ឬ​គណៈ​សង្ឃ​នាយក​លើ​បញ្ហា​ប្រព្រឹត្ត​ខុស​ធម៌​វិន័យ​សង្ឃ​របស់​ព្រះសង្ឃ​ អង្គ​នេះ​ដោយ​អន្ទះសា ព្រោះ​កន្លង​មក​គ្មាន​ស្ថាប័ន​ណា​មួយ​ហ៊ាន​ចេញ​មុខ​ដោះស្រាយ​ទង្វើ ឬ​សកម្មភាព​របស់​ព្រះចៅ​អធិការ​វត្ត​លើ គៀត ច័ន្ទធុច នោះ​ទេ»

​បញ្ហា​នេះ​ដែរ ព្រះ​ភិក្ខុ ជួន វិទ្ធី ដែល​ត្រូវ​ចោទ​អធិការ​វត្ត​លើ ព្រះនាម គៀត ច័ន្ទធុច បណ្ដេញ​ចេញ​ពី​វត្ត​នៅ​មុន​ពិធីបុណ្យ​ចូល​ឆ្នាំ​ថ្មី​ឆ្នាំ​នេះ ក៏​កំពុង​រង់ចាំ​លទ្ធផល​ដោះស្រាយ​ពី​សភា​សង្ឃ​ទៅ​លើ​បញ្ហា​ប្រព្រឹត្ត​ខុស​ធម៌​វិន័យ​សង្ឃ និង​ព្រះពុទ្ធ​សាសនា ប្រយោជន៍​ដើម្បី​កុំ​ឲ្យ​ប៉ះពាល់​ដល់​វិស័យ​ព្រះពុទ្ធ​សាសនា និង​អាច​ឲ្យ​ព្រះអង្គ​មាន​សិទ្ធិ​និមន្ត​មក​គង់​ក្នុង​វត្ត​នេះ​ឡើង​វិញ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

អ្នក​អាន​អនាមិក

"Young Monks" Movement[edit]
Another division in the Cambodian sangha can be seen in what has been called the "young monks" movement, a small group of politically active monks (primarily Maha Nikaya) voicing public opposition to the current government.[22] The "young monks" are primarily junior members of the clergy, drawn from temples in and around Phnom Penh. Unlike the Engaged modernists, their interest is not in using the authority of the sangha to aide social development programs, but rather to express direct opposition to government policies and corruption. Since the 1993 UN-monitored elections, monks have been permitted to vote in Cambodia (a move opposed by some senior monks). While this has not resulted in any large-scale mobilization of the sangha as a political force, it has drawn some young monks farther into participation in parliamentary politics. Many of these young monks are associated with opposition figure Sam Rainsy and his political party, the SRP.[34]

Members of the young monks movement have participated in and organized public demonstrations in Phnom Penh, aimed at drawing attention to perceived government misdeeds. The Maha Nikaya hierarchy has condemned this form of political activism, calling for the arrest of some monks and defrocking others.[22]

May 15, 2015 12:01 PM

អ្នក​អាន​អនាមិក

លោក មិន ឃិន មិនត្រូវការពារ សង្ឃ សេពសុរា គៀត ច័ន្ធធុច នាំអោយខូចឈ្មោះ នោះទេ !

May 15, 2015 09:18 AM

គេហទំព័រ​ទាំងមូល