រដ្ឋាភិបាល​បារាំង​នឹង​ផ្ដល់​ឯកសារ​​ប្រវត្តិសាស្ត្រ​ទឹកដី​កម្ពុជា​ក្រោម​តាម​ការ​ស្នើសុំ

ដោយ យាង សុជាមេត្តា
2014-11-16
អ៊ីម៉ែល
មតិ
Share
បោះពុម្ព
ប្រធាន​សហគមន៍​ខ្មែរ​កម្ពុជា​ក្រោម លោក ថាច់ សេដ្ឋា ឈរ​កាន់​ញត្តិ​រង់ចាំ​ដាក់​ជូន​ស្ថានទូត នា​រាជធានី​ភ្នំពេញ នៅ​ព្រឹក​ថ្ងៃ​ទី​១៣ សីហា ២០១៤។
ប្រធាន​សហគមន៍​ខ្មែរ​កម្ពុជា​ក្រោម លោក ថាច់ សេដ្ឋា ឈរ​កាន់​ញត្តិ​រង់ចាំ​ដាក់​ជូន​ស្ថានទូត នា​រាជធានី​ភ្នំពេញ នៅ​ព្រឹក​ថ្ងៃ​ទី​១៣ សីហា ២០១៤។
RFA/Mom Sophon

រដ្ឋាភិបាល​បារាំង​អះអាង​ថា នឹង​ប្រគល់​ឯកសារ​ផ្សេងៗ ពាក់ព័ន្ធ​នឹង​ប្រវត្តិសាស្ត្រ​ទឹកដី កម្ពុជា​ក្រោម ទៅ​ឲ្យ​អង្គការ​សមាគម​ខ្មែរ​កម្ពុជា​ក្រោម​តាម​ការ​ស្នើសុំ។ ការ​អះអាង​នេះ ធ្វើឡើង​ប្រមាណ​ជាង​១​ខែ បន្ទាប់ពី​អង្គការ​សមាគម​ខ្មែរ​កម្ពុជា​ក្រោម បាន​ដាក់​ញត្តិ​ទៅ កាន់​ស្ថានទូត​បារាំង​ប្រចាំ​កម្ពុជា ដើម្បី​ឲ្យ​អតីត​ប្រទេស​គ្រប់គ្រង និង​ធ្វើ​អាណានិគម នៅ​ឥណ្ឌូចិន​មួយ​នេះ បង្ហាញ​ឯកសារ​នានា ពាក់ព័ន្ធ​នឹង​ការ​កាត់​ទឹកដី​កម្ពុជា​ក្រោម ទៅ​ឲ្យ​វៀតណាម។

ការ​អះអាង​របស់​រដ្ឋាភិបាល​បារាំង​នៅ​ពេល​នេះ អាច​ចាត់ទុកថា​ជា​ដំណឹង​ល្អ​សម្រាប់ អង្គការ​សមាគម​ខ្មែរ​កម្ពុជា​ក្រោម ក្នុង​ការ​ប្រមូល​ឯកសារ​ភស្តុតាង​បន្ថែម​ទៅលើ​ឯកសារ ដែល​មាន​ស្រាប់ ដើម្បី​ធ្វើជា​មូលដ្ឋាន បង្ហាញ​ឲ្យ​រដ្ឋាភិបាល​វៀតណាម ដឹង​ថា​ទឹកដី​កម្ពុជា​ក្រោម គឺជា​អតីត​ទឹកដី​របស់​ខ្មែរ ដែល​ទើប​ត្រូវ​បាន​បារាំង​កាត់​ឲ្យ​វៀតណាម​នៅ​ឆ្នាំ ១៩៤៩ គឺ​មិន​មែន​ជា​ទឹកដី​របស់​វៀតណាម​តាំងពី​យូរ​ណាស់​មក​ហើយ ដូច​ការ​អះអាង របស់​មន្ត្រី​ស្ថានទូត​វៀតណាម​ប្រចាំ​កម្ពុជា កាលពី​កន្លងមក​នោះ​ឡើយ។

ប្រធាន​សហគមន៍​ខ្មែរ​កម្ពុជា​ក្រោម លោក ថាច់ សេដ្ឋា មានប្រសាសន៍​នៅ​ថ្ងៃ​ទី​១៦ វិច្ឆិកា ថា ស្ថានទូត​បារាំង​ប្រចាំ​កម្ពុជា កាលពី​ថ្ងៃ​ទី​១៣ វិច្ឆិកា បាន​ឆ្លើយតប​ថា ប្រទេស​បារាំង យល់ព្រម​ប្រគល់​ឯកសារ​នានា​ពាក់ព័ន្ធ​នឹង​ទឹកដី​កម្ពុជា​ក្រោម ទៅ​ឲ្យ​អង្គការ​សមាគម​ខ្មែរ​កម្ពុជា​ក្រោម និង​សម្ព័ន្ធ​យុវជន​ទៅតាម​ការ​ស្នើសុំ។ ទោះជា​យ៉ាងណា លោក​ថា​ពួក​លោក ត្រូវ​ធ្វើ​ដំណើរ​ទៅ​យក​ឯកសារ​ទាំងនោះ​ដោយ​ផ្ទាល់ នៅ​ប្រទេស​បារាំង គឺ​ទៅតាម​ការ​ចង្អុលបង្ហាញ​របស់​រដ្ឋាភិបាល​បារាំង។

លោក ថាច់ សេដ្ឋា ចាត់​ទុក​ការ​ឆ្លើយតប​របស់​រដ្ឋាភិបាល​បារាំង​នៅ​ពេល​នេះ ថា​ជា​រឿង ប្រវត្តិសាស្ត្រ​ដំបូង​បំផុត​មួយ​សម្រាប់​ខ្មែរ​ក្រោម ហើយក៏​ជា​កិត្តិយស​មួយ​សម្រាប់​ខ្មែរ​ក្រោម និង​ក្រុម​យុវជន​កម្ពុជា​ផង​ដែរ។ លោក​ថា​ក្រុម​លោក​នឹង​រៀបចំ​គណៈប្រតិភូ​ផ្លូវការ ដើម្បី​ទៅ​យក​ឯកសារ​ទាំងនោះ ពី​ប្រទេស​បារាំង។ ទោះ​យ៉ាងណា លោក​មិនទាន់​អាច​បញ្ជាក់​ពី​ពេលវេលា​ជាក់លាក់​ដើម្បី​ធ្វើដំណើរ​ទៅ​ប្រទេស​បារាំង​នៅឡើយ​ទេ ដោយ​លោក​ថា​​មាន​បញ្ហា​កង្វះខាត​ថវិកា៖ «ដោយសារ​បញ្ហា​ថវិកា វា​ទាក់ទិន​នឹង​ការ​ស្នាក់នៅ ហូបចុក សំបុត្រ​យន្តហោះ ទាំងអស់ អ៊ីចឹង​យើង​មានការ​ខ្វះខាត អ៊ីចឹង​កំពុង​ប្រជុំ​គ្នា​ត្រូវ​ដោះស្រាយ​យ៉ាងម៉េច​អ៊ីចឹង មានតែ​អំពាវនាវ​ដល់​សប្បុរស​ជន ដែល​គាំទ្រ​ក្នុង​ស្មារតី​ហ្នឹង សូម​ឲ្យ​លោក​ជួយ​វិភាគទាន តាម​លទ្ធភាព​ដើម្បី​យើង​មានឱកាស យើង​មានលទ្ធភាព​ក្នុង​ការ​ទៅ តាំងពី​សំបុត្រ យន្តហោះ ក៏​ដូចជា​ការ​ស្នាក់នៅ ដូច​បងប្អូន​យើង​នៅ​ស្រុក​បារាំង​អីចឹង យើង​អាច​ស្នើ​គាត់ សុំ​ជួយ​ដល់​ការ​ស្នាក់នៅ ហូបចុក ឬក៏​ដឹកជញ្ជូន ឬ​ជួយ​ទៅដល់​ការស្រាវជ្រាវ​បកប្រែ​អី​ទាំង អស់ហ្នឹង»

កាលពីដើម​ខែ​តុលា ឆ្នាំ​២០១៤ លោក ថាច់ សេដ្ឋា និង​ក្រុម​សម្ព័ន្ធ​យុវជន បាន​ដង្ហែ​ញត្តិ ទៅ​ដាក់​នៅ​ស្ថានទូត​បារាំង ដើម្បី​ស្នើ​ឲ្យ​រដ្ឋាភិបាល​បារាំង​ជួយ​បញ្ជាក់​អំពី​កិច្ចព្រមព្រៀង​នានា រវាង​បារាំង និង​វៀតណាម ដែល​ឈាន​ដល់​ធ្វើ​ច្បាប់​លេខ ៤៩/៧៣៣ ក្នុង​ការ​កាត់​ទឹកដី​កម្ពុជា​ក្រោម ទៅ​ឲ្យ​វៀតណាម។

លោក ថាច់ សេដ្ឋា ថ្លែង​នៅ​ពេល​នេះ​ថា ឯកសារ​ដែល​ពួក​លោក​នឹង​ទទួល​បាន​ពី រដ្ឋាភិបាល​បារាំង​ក្នុង​ពេល​ខាងមុខ នឹង​ក្លាយ​ជា​ឯកសារ​ប្រវត្តិសាស្ត្រ​ដ៏​សំខាន់។ លោក​ថា លោក​នឹង​យក​ឯកសារ​ទាំងនោះ មក​សិក្សា​ជាមួយ​អ្នកច្បាប់ ដើម្បី​ស្វែង​យល់​ថា​តើ ឯកសារ​ដែល​នឹង​ទទួល​បាន ត្រូវ​យក​ទៅ​ប្រើ​ប្រាស់​បែប​ណា។

ស្រដៀង​គ្នា​នេះ​ដែរ អ្នកវិភាគ​នយោបាយ​ឯករាជ្យ លោក​បណ្ឌិត សុខ ទូច កត់​សម្គាល់​ថា ឯកសារ​ដែល​បារាំង​ប្រុង​ប្រគល់​ឲ្យ​ខ្មែរ​ក្រោម​នេះ នឹង​ក្លាយ​ជា​ឯកសារ​ដ៏​មាន​សារៈសំខាន់​ខ្លាំង​ណាស់​សម្រាប់​ប្រវត្តិសាស្ត្រ​ទឹកដី​កម្ពុជា​ក្រោម ព្រោះ​លោក​ថា​បារាំង​ខ្លួនឯង​ផ្ទាល់​ជា ដើរ​តួនាទី ជា​អាជ្ញាកណ្ដាល​ក្នុង​ការ​កាត់​ទឹកដី​កម្ពុជា​ក្រោម​ទៅ​ឲ្យ​វៀតណាម៖ «ទី​១​បារាំង​ចង់​បង្ហាញ​ថា​នៅ​ក្នុង​សម័យ​អាណានិគម​ខ្លួន​បាន​ធ្វើ​កិច្ចការ​ហ្នឹង ដោយសារ​មាន​ហេតុការណ៍​ជាច្រើន​ពាក់ព័ន្ធ​នឹង​ឯកសារ ទី​២​បើ​បារាំង​មិន​បង្ហាញ​ឯកសារ ទេ ខ្ញុំ​ជឿជាក់​ថា​ខាង​ខ្មែរ​កម្ពុជា​ក្រោម ឬ​ទំនាក់ទំនង​កម្ពុជា​ទៅ​ថ្ងៃ​អនាគត នៅ​ពេល​ដែល មានការ​ដោះដូរ​អ្នកនយោបាយ ហាក់បីដូចជា​ល្អក់កករ​ជាមួយ​ប្រទេស​កម្ពុជា ចំណុច​ទី​៣ បើ​សិន​ជា​បារាំង​នៅតែ​បន្ត​អាថ៌កំបាំង​ទេ ខ្ញុំ​ជឿជាក់​ថា​ដំបៅ​មហារីក​នៅ​កម្ពុជា​ក្រោម​កាន់តែ​ផ្ទុះ។

កាលពី​ខែ​មិថុនា ឆ្នាំ​២០១៤ ពោល​គឺ​បន្ទាប់ពី​អង្គការ​សមាគម​ខ្មែរ​កម្ពុជា​ក្រោម ធ្វើ​ពិធី​រម្លឹក​ខួប​បាត់បង់​ទឹកដី​កម្ពុជា​ក្រោម អ្នកនាំពាក្យ​ស្ថានទូត​វៀតណាម​ប្រចាំ​កម្ពុជា លោក ត្រឹង វ៉ាំងថុង (Tran Van Thong) បាន​អះអាង​ថា ទឹកដី​កម្ពុជា​ក្រោម គឺជា​ទឹកដី​របស់ វៀតណាម​តាំងពី​យូរយារ​ណាស់​មក​ហើយ។ ការ​អះអាង​នេះ ត្រូវ​បាន​ខ្មែរ​ក្រោម​និង​យុវជន យល់ថា​វៀតណាម​មាន​ចេតនា​បំភ្លៃ​ប្រវត្តិសាស្ត្រ និង​ជា​ការ​ប្រមាថ​មើលងាយ​ទៅ លើ​ប្រជាពលរដ្ឋ​ខ្មែរ។ ពួកគេ​បាន​ធ្វើ​បាតុកម្ម​ជា​បន្តបន្ទាប់​ចំនួន​៤​លើក​រួច​មក​ហើយ ដើម្បី​ទាមទារ​ឲ្យ​រដ្ឋាភិបាល​វៀតណាម ប្រកាស​ទទួលស្គាល់​ប្រវត្តិសាស្ត្រ​ទឹកដី​កម្ពុជា​ក្រោម និង​សុំទោស​ពលរដ្ឋ​ខ្មែរ​ជា​សាធារណៈ​។

ប៉ុន្តែ​រហូត​មក​ទល់​ពេលនេះ រដ្ឋាភិបាល​វៀតណាម នៅ​មិន​ទាន់​បាន​ឆ្លើយតប​យ៉ាងណា ចំពោះ​ការ​ទាមទារ​របស់​ខ្មែរ​ក្រោម និង​យុវជន​នៅឡើយ។

ទោះជា​យ៉ាងណា លោក ថាច់ សេដ្ឋា បញ្ជាក់​ជាថ្មី​ថា ក្រុម​លោក​នឹង​មិន​បោះបង់​ចោលការ ទាមទារ​ឲ្យ​រដ្ឋាភិបាល​វៀតណាម​ទទួលស្គាល់​ប្រវត្តិសាស្ត្រ​ទឹកដី​កម្ពុជា​ក្រោម​នោះ​ទេ។ លោក​ថា ប្រសិនបើ​ពលរដ្ឋ​ខ្មែរ​មិន​ទាមទារ​នៅ​ពេល​នេះ​ទេ រដ្ឋាភិបាល​វៀតណាម​នឹង​បន្ត បំភ្លៃ​ប្រវត្តិសាស្ត្រ​ខ្មែរ និង​បន្ត​ប្រមាថ​មើលងាយ​ទៅលើ​ប្រជាជាតិ​ខ្មែរ​នៅ​ថ្ងៃ​ខាងមុខ​ទៀត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

Nguyen kao ky

Cambodian ancestry is thousands of years and was the 1st oldest country in southeast asia hemisphere and built a lots of ancient temples heritage during the strongest power in southeast asia was KHMER EMPIRE " reached zenith " and the magnificent ruins of Angkor are the remains of monuments that were constructed between 9 to 13th centuries .It succumebed to attack from the Thais ,from An-namese and from the Mongols .After several centuries , the remnants of the khmer empire , the present Cambodia , became a French protectorated in 1863 .The vietnamese nationalists , under rogue commie ho chi minh leadership , attempt to involve Cambodia in total repudiation of French rule , especially after the vietnamese defeat of the French at Dien Bien Phu in 1954 .The anti-communist southeast asia treaty organization ,on the other hand , unilaterally guaranteed Cambodia independence .As today Cambodia and Cambodian are very struggle to surviving since 1970-1975 from civil war ended and in 1975-1979 the khmerouge maoist rebellions +khmer vietminh/vietcong guerrillas H.Sen allies turned the whole country into a mass of killing fields with millions pple perished and let another crocodile liberator of n.vietco commie came nextdoor to invaded cambodia in 1979 and whole entire are became of widespread of war looting , plunder and pillage and n.vietco commies foot soldiers left thousands of its espionage agents who are working in Hun Sen's rogue govn't .

Nov 17, 2014 07:16 PM

Nguyen kao ky

Tribes of indochina or Nam-viet began migration in late 8th century from southern mountainous of china and fled down to southeast asia " like champa or khmer mekong delta called " Nokor kuk tlork after it changed to Saigon and now the n.vietnam commie changed to ho chi minh city in 1975 after the war ended and they " vietnam "try to erase or wide out khmer krom territory by ho chi minh ideology to annex of cambodia delta as be one communist state and Champa country has disappeared from the world map in a few century ago by n.vietnam took over and Cambodia @ Laos could be next silently disappear from the world map sooner rather later .

Nov 17, 2014 06:17 PM

កូនខ្មែរ

ពី ភព

ក្រុមហ៊ុន សែននឹងមិនអនុញ្ញាត្តិឱ្យការធ្វើដំណើរនេះបានសម្រេចទេ
ទោះជាមានថវិការគ្រាប់គ្រាន់ក៏ដោយ។ម្យ៉ាងទៀតបារាំងមិនចាំបាច់ឱ្យ
អស់លោកទៅទទួលដល់បារាំងទេ សម័យនេះគេអាចប្រើវិធីថតចម្លង
ហើយផ្ញើរមកទូតបារាំងភ្នំពេញ។អស់លោកអាចចាំទទួលនៅភ្នំពេញ
ដោយមិនបាច់ស្វែងរកថវិការជំនួយទេ។

Nov 17, 2014 02:57 PM

Roth

បើនិយាយទៅបារាំងគឺជាអ្នកធ្វើអោយច្របូកច្របល់ប្រវត្តិសាស្ត្រ ហើយខ្មែរគឺជាអ្នកខាតបង់ដ៏ធ្ងន់ធ្ងរដោយស្នាដៃបារាំង ។ ខ្មែរស្ទើរតែរលាយទឹកដីអស់មួយចំហៀងប្រទេសដោយសារសៀម និង​យួនដែលមានបារាំងជាអាណាព្យាបាលដ៏មហិមាពូកែខាងកាត់តំរឹមដីខ្មែរអោយមានរាងដូចត្រចៀកដំរី ។

Nov 17, 2014 02:26 PM

Tran van thong

Very warm welcome to Mr. Holland govn't " president of French " and all beloved french pple...to release all khmer documentary to let the world know khmer krom territory unsolved mystery between the two countries territory long disputed .Nowadays ,the n.vietnam commie or vietcong are so proud to defeated french at Dien Bien Phu in 1954 and the last n.vietnam versus western war frontier is a u.s in 1963-1975 and they invaded cambodia "invasion " 1979 .

Nov 17, 2014 02:12 PM

មើល​មតិ​ទាំង​អស់.

គេហទំព័រ​ទាំងមូល