សាលដីកា​រឿង​​លោក ម៉ម សូណង់ដូ នឹង​ត្រូវ​ប្រកាស​​​ថ្ងៃ​១៤ មីនា

សាលាឧទ្ធរណ៍​បាន​បញ្ចប់​សវនាការ​ជំនុំ​ជម្រះ​ក្ដី​លោក ម៉ម សូណង់ដូ ហើយ នៅ​រសៀល​ថ្ងៃ​ទី​៦ ខែ​មីនា ដោយ​សម្រេច​ផ្លាស់ប្ដូរ​បទ​ចោទ​លើ​លោក ម៉ម សូណង់ដូ ពី​បទឧក្រិដ្ឋ មក​ជា​បទមជ្ឈិម​វិញ។ សាលដីកា​រឿង​នេះ​នឹង​ត្រូវ​ប្រកាស​នៅ​ថ្ងៃ​ទី​១៤ ខែ​មីនា ខាង​មុខ។
ដោយ សុ ជីវី
2013-03-06
អ៊ីម៉ែល
មតិ
Share
បោះពុម្ព
ប្រធាន​សមាគម​អ្នក​ប្រជាធិបតេយ្យ និង​ជា​ប្រធាន​វិទ្យុ​សំបុក​ឃ្មុំ លោក ម៉ម សូណង់ដូ ពេល​នាំ​មក​កាន់​​សាលាឧទ្ធរណ៍ នៅ​ថ្ងៃ​ទី​៦ មីនា ឆ្នាំ​២០១៣។
ប្រធាន​សមាគម​អ្នក​ប្រជាធិបតេយ្យ និង​ជា​ប្រធាន​វិទ្យុ​សំបុក​ឃ្មុំ លោក ម៉ម សូណង់ដូ ពេល​នាំ​មក​កាន់​​សាលាឧទ្ធរណ៍ នៅ​ថ្ងៃ​ទី​៦ មីនា ឆ្នាំ​២០១៣។
RFA/Sochivy

សាលាឧទ្ធរណ៍​សម្រេច​លើក​ពេល​ប្រកាស​សាលដីកា​លើ​សំណុំ​រឿង​លោក ម៉ម សូណង់ដូ ទៅ​ព្រឹក​ថ្ងៃ​ទី​១៤ ខែ​មីនា បន្ទាប់​ពី​បាន​បញ្ចប់​ការ​ដេញ​ដោល​លើ​អង្គ​ហេតុ​អង្គ​ច្បាប់ និង​បាន​កំណត់​បទ​ចោទ​ថ្មី។

ប្រធាន​ក្រុម​ប្រឹក្សា​ជំនុំ​ជម្រះ​សវនាការ​សាលាឧទ្ធរណ៍ លោក​ចៅក្រម ឃុន លាងម៉េង បាន​ប្រកាស​ថា ការ​លើក​ពេល​ប្រកាស​សាលដីកា គឺ​ដោយសារ​សំណុំ​រឿង​នេះ​ស្មុគស្មាញ។ បន្ទាប់​ពី​បាន​ស្ដាប់​ការ​សួរ​ដេញដោល​ចំពោះ​ជន​ជាប់​ចោទ​ទាំង ៣​នាក់ គឺ​លោក ម៉ម សូណង់ដូ និង​អ្នក​ភូមិ​ប្រម៉ា ២​នាក់ នឹង​ស្ដាប់​ដើម​បណ្ដឹង​រដ្ឋប្បវេណី ៣​នាក់ រួម​ទាំង​ការ​វែកញែក​លើ​កំណត់​ហេតុ​ចម្លើយ​ជន​ជាប់​ចោទ ៣​នាក់ ដែល​ត្រូវ​ផ្លាស់​ប្ដូរ​ជា​សាក្សី​ដាក់​បន្ទុក​លើ​លោក ម៉ម សូណង់ដូ រួច​មក​តំណាង​អគ្គ​ព្រះរាជអាជ្ញា​អម​សាលា​ឧទ្ធរណ៍ បាន​សន្និដ្ឋាន​ប្ដូរ​បទ​ចោទ​លើ​លោក ម៉ម សូណង់ដូ។

ព្រះរាជ​អាជ្ញា លោក ហ៊ាន រិទ្ធិ បាន​សន្និដ្ឋាន​ថា ការ​ចោទ​ប្រកាន់ លោក ម៉ម សូណង់ដូ ដោយ​ចៅក្រម​សាលា​ដំបូង គឺ​ពុំ​ទាន់​ត្រឹម​ត្រូវ​នៅ​ឡើយ។ ករណី​នេះ​លោក​សម្រេច​ផ្លាស់​ប្ដូរ​បទ​ចោទ​លើ​លោក ម៉ម សូណង់ដូ ពី​បទឧក្រិដ្ឋ មក​ជា​បទមជ្ឈិម​វិញ។ ក្នុង​នោះ​លោក ម៉ម សូណង់ដូ ត្រូវ​ចោទ​ប្រកាន់​ពី​បទ​មេ​គំនិត​អោយ​មាន​បទ​ល្មើស​ព្រៃ​ឈើ តាម​មាត្រា ៩៧ ចំណុច​ទី ៦ នៃ​ច្បាប់​ព្រៃ​ឈើ និង​ជ្រៀត​ជ្រែក​មុខងារ​រាជការ​សាធារណៈ ​មាន​ស្ថាន​ទម្ងន់​ទោស​តាម​មាត្រា ៦០៩ និង ៥០៤ នៃ​ក្រម​ព្រហ្មទណ្ឌ។

ប្រធាន​វិទ្យុ​សំបុក​ឃ្មុំ និង​សមាគម​អ្នក​ប្រជាធិបតេយ្យ លោក ម៉ម សូណង់ដូ ដែល​ពាក់​អាវ​ដៃ​ខ្លី​ពណ៌​សំបកពង​មាន់ មាន​ដាក់​ក្រវាត់​ក តាម​ទម្លាប់​នៅ​តែ​អះអាង​ថា លោក​ពុំ​បាន​ផ្ដួច​ផ្ដើម​គំនិត​អោយ​មាន​បទ​ល្មើស​ដូច​ព្រះរាជអាជ្ញា​បាន​ចោទ​ប្រកាន់​ឡើយ។ យ៉ាងណា​លោក​មាន​គំនិត​សុទិដ្ឋិនិយម​ថា ចៅក្រម​សាលា​ឧទ្ធរណ៍​នឹង​ផ្ដល់​យុត្តិធម៌​ដល់​រូប​លោក។

នៅ​សាលាដំបូង​រាជធានី​ភ្នំពេញ លោក ម៉ម សូណង់ដូ ត្រូវ​ចោទ​ពី​បទ​ផ្ដើម​គំនិត​ញុះញង់​អោយ​ប្រជាពលរដ្ឋ​កាន់​អាវុធ​ប្រឆាំង​រាជការ កុបកម្ម ជ្រៀត​ជ្រែក​កិច្ចការ​សាធារណៈ តាម​មាត្រា ២៨ ៤៥៦ ៤៥៧ និង ៤៦៤ នៃ​ក្រម​ព្រហ្មទណ្ឌ ពាក់​ព័ន្ធ​នឹង​ការ​បង្កើត​ចលនា​តំបន់​អបគមន៍​ក្នុង​ភូមិ​ប្រម៉ា ស្រុក​ឆ្លូង ខេត្ត​ក្រចេះ។ តាម​រយៈ​បទ​ចោទ​ទាំង​នេះ​លោក​ត្រូវ​កាត់​អោយ​មាន​ទោស ២០​ឆ្នាំ និង​ពិន័យ​ជា​ប្រាក់ ១០​លាន​រៀល ។លោក ស សូវាន ជា​សហ​មេធាវី​ការពារ​អោយ​លោក ម៉ម សូណង់ដូ មាន​ប្រសាសន៍​ថា ការ​កែប្រែ​បទ​ចោទ គឺ​ជា​សញ្ញាណ​ល្អ​មួយ​សម្រាប់​រឿង​ក្ដី​នេះ ក៏​ដូច​ជា​កូន​ក្ដី​របស់​លោក។

អ្នក​ស៊ើប​អង្កេត​នៃ​ជាន់​ខ្ពស់​នៃ​អង្គការ​សិទ្ធិមនុស្ស​លីកាដូ លោក អំ សំអាត មាន​ប្រសាសន៍​ថា មិន​ខុស​ពី​សវនាករ​នៅ​សាលាដំបូង​ឡើយ លោក​សង្កេត​ឃើញ​ថា ពុំ​មាន​ចំណុច​ដែល​អាច​ចោទ​ប្រកាន់​លោក ម៉ម សូណង់ដូ ឡើយ។ លោក​រំពឹង​ថា ចៅ​ក្រម និង​ពិចារណា​លើក​លែង​ការ​ចោទ​លើ​លោក ម៉ម សូណង់ដូ។

ក្នុង​សវនាការ​ក្រុម​ប្រឹក្សា​ជំនុំ​ជម្រះ​សាលាឧទ្ធរណ៍​នៅ​ថ្ងៃ​ទី​៦ ខែ​មីនា បាន​ទទួល​យក​ទៅ​ពិចារណា​នូវ​ឯកសារ​វិភាគ​ផ្លូវ​ច្បាប់​ដែល​បាន​ស្នើ​ឡើង​ដោយ​ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា លោក អ៊ូ វីរៈ។ ឯកសារ​នោះ​បាន​លើក​ឡើង​ពី​បទ​ពិសោធន៍​នៃ​ការ​អនុវត្ត​ច្បាប់​នៅ​តាម​បណ្ដា​ប្រទេស​ជា​ច្រើន​ក្នុង​ពិភពលោក ពាក់​ព័ន្ធ​នឹង​សេរីភាព​នៃ​ការ​បញ្ចេញ​មតិ និង​ការ​ចោទ​ប្រកាន់​អ្នក​សារព័ត៌មាន ដូច​ប្រធាន​វិទ្យុ​សំបុក​ឃ្មុំ​លោក ម៉ម សូណង់ដូ។

នៅ​នៅ​ថ្ងៃ​ទី​៦ ខែ​មីនា​នេះ​ដែរ នៅ​ខាង​ក្រៅ​របង​សាលា​ឧទ្ធរណ៍​ ប្រជាពលរដ្ឋ​ជាង ៣០០​នាក់ ដែល​ភាគ​ច្រើន​ជា​សមាជិក​សមាគម​អ្នក​ប្រជាធិបតេយ្យ បាន​ប្រមូល​ផ្ដុំ​គ្នា​លើក​បដា លើក​ញត្តិ​ដែល​មាន​ស្នាម​មេដៃ​ពលរដ្ឋ រូបថត​លោក ម៉ម សូណង់ដូ និង​ស្រែក​ទាមទារ​អោយ​ដោះ​លែង​លោក ម៉ម សូណង់ដូ។ ពួក​គេ​បន្ត​ប្រកាសប្រាប់​សាលា​ឧទ្ធរណ៍​ថា លោក ម៉ម សូណង់ដូ ដែល​ជា​ប្រធាន​វិទ្យុ​សំបុក​ឃ្មុំ គឺ​ពុំ​មាន​ទោស៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (13)
Share

Prak Phanna

ពី Preas Vihear

Patriots must go to jail, Corrupter are the best and Youn happy to see Khmer kill Khmer and happy to see Khmer arrest Khmer to put in to jail. I think not long Hun Sen will put his daughter or Son Jail also. Wait and see what's will happen?

Mar 12, 2013 02:21 AM

Kounthea

ពី Prei Veng

Hun Sen, if you are not Youn please let Judge free Mom Sonando, Cuz he is Khmer. People will think about like our King father when you die. if not you will go to heal number9. You have no face to see you mother and greatgrand parents.
All are Youn now in Cambodia how can opposition party win the election? You not shy to yourself or to the world or objecting in Cambodia?


Mar 08, 2013 08:38 AM

John

ពី London

None of the charges made against Mam Sonando were ever true or materialise in the first place, never mind this new one, it was purely political. Now with so much international pressure and election looming in Cambodia, I’m sure Hun Sen’s government will release him. The Judicial system and the Army in Cambodia will never be free or independent as long as Hun Sen is in power.
Oh, where is Chhouk Bandit? What did he do?
When the time comes, Hun Sen may be able to leave the country and escape justice but I’m sure Chhouk Bandit’s family won’t.

Mar 07, 2013 05:26 AM

អ្នក​អាន​អនាមិក

ពី អ្នកស្នេហាជាតិ

ហេតុអ្វីប្រជាជនគ្មានសិទិ្ឋអ្វីសោះ ?​​ អុ្នកមានអំនាចជិះជាន់អ្នកទន់ខ្សោយ។

Mar 07, 2013 03:13 AM

អ្នក​អាន​អនាមិក

នេះស​​បញ្ជាក់​ថា​តុលា​ការ​សាលា​ដំបូង​ និង​នគរបាល​បាន​
ចាប់​​ពូ​សូណង់​ដូ​ដាក់​គុក​ដោយ​ខុស​ច្បាប់​ ប្រ​ឌិត​ទោស
យ៉ាង​បំពាន​ពី​សំ​ណាក់​​ជន​ដែល​មាន​អំណាច ។​ ការ​ប្ដូរ​បទ
ចោទ​​ផង​ដែរ​ បង្ហាញ​ពី​ការ​ប្រឌិត​​ទោស​​តាមចិត្ត​របស់​អ្នក​
ខ្លាំង​​មិន​មែន​ជា​ប្រទេស​មានច្បាប់​​គោរ​ព​ច្បាប់សោះ​ឡើយ ។

Mar 07, 2013 01:34 AM

មើល​មតិ​ទាំង​អស់.

គេហទំព័រ​ទាំងមូល