តុលាការ​កំពូល​សម្រេច​មិន​ជំនុំជម្រះ​រឿង​រំលាយ​គណបក្ស​សង្គ្រោះ​ជាតិ​ឡើង​វិញ

ដោយ ម៉ៅ សុធានី
2017-12-15
អ៊ីម៉ែល
មតិ
Share
បោះពុម្ព
ប៉ូលិស​ដើរ​ល្បាត​ក្នុង​អំឡុង​ពេល​ដែល​តុលាការ​កំពូល​បើក​សវនាការ​រំលាយ​គណបក្ស​សង្គ្រោះ​ជាតិ កាល​ពី​ថ្ងៃ​ទី​១៦ វិច្ឆិកា ឆ្នាំ​២០១៧។
ប៉ូលិស​ដើរ​ល្បាត​ក្នុង​អំឡុង​ពេល​ដែល​តុលាការ​កំពូល​បើក​សវនាការ​រំលាយ​គណបក្ស​សង្គ្រោះ​ជាតិ កាល​ពី​ថ្ងៃ​ទី​១៦ វិច្ឆិកា ឆ្នាំ​២០១៧។
AFP

តុលាការ​កំពូល ​សម្រេច​មិន​លើក​យក​រឿង​ក្តី​រំលាយ​គណបក្ស​សង្គ្រោះ​ជាតិ មក​ជំនុំជម្រះ​ឡើង​វិញ​តាម​ពាក្យ​បណ្ដឹង​របស់​តំណាងរាស្ត្រ​គណបក្ស​សង្គ្រោះ​ជាតិ លោក អ៊ូ ច័ន្ទរ័ត្ន នោះ​ទេ។

កាល​ពី​ថ្ងៃ​ទី​៨ ខែ​ធ្នូ លោក​មេធាវី ផែង ហេង តំណាង​ឲ្យ​សមាជិកសភា​របស់​គណបក្ស​ប្រឆាំង លោក អ៊ូ ច័ន្ទរ័ត្ន បាន​ដាក់​ពាក្យ​បណ្ដឹង​សុំ​ឲ្យ​តុលាការ​កំពូល​ជំនុំជម្រះ​សា​ជា​ថ្មី​លើ​សំណុំរឿង​រំលាយ​គណបក្ស​សង្គ្រោះ​ជាតិ និង​សុំ​រក្សា​ការពារ​សមាជិកភាព​តំណាងរាស្ត្រ និង​សមាជិក​ក្រុមប្រឹក្សា​ឃុំ​សង្កាត់ ស្រុក ក្រុង ខេត្ត រាជធានី​របស់​គណបក្ស​សង្គ្រោះ​ជាតិ។ លោក​មេធាវី​លើក​ឡើង​ថា តុលាការ​កំពូល​នៅ​តែ​មាន​លទ្ធភាព​សើរើ​សំណុំរឿង​រំលាយ​គណបក្ស​សង្គ្រោះ​ជាតិ​នេះ ឡើង​វិញ។

សេចក្តី​ប្រកាស​របស់​តុលាការ​នៅ​ថ្ងៃ​សុក្រ ទី​១៥ ខែ​ធ្នូ នេះ បាន​បញ្ជាក់​ហេតុផល​ថា មូលហេតុ​ចៅក្រម​មិន​ជំនុំជម្រះ​រឿង​ក្តី​នេះ​ឡើង​វិញ ដោយសារ​សាលដីកា​កាល​ពី​ថ្ងៃ​ទី​១៦ ខែ​វិច្ឆិកា មិន​ត្រូវ​បាន​អនុញ្ញាត​ឲ្យ​មាន​ការ​បើក​ការ​ជំនុំជម្រះ​សា​ជា​ថ្មី​ទេ គឺ​ជា​សាលដីកា​បិទ​ផ្លូវ​តវ៉ា។ សាលដីកា​ដដែល​នោះ​ក៏​បាន​សម្រេច​រំលាយ​គណបក្ស​សង្គ្រោះ​ជាតិ និង​ផ្អាក​មន្ត្រី​ថ្នាក់ដឹកនាំ​គណបក្ស​សង្គ្រោះ​ជាតិ ចំនួន ១១៨​រូប​មិន​ឲ្យ​ធ្វើ​នយោបាយ​រយៈពេល ៥​ឆ្នាំ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល