គ្រួសារ​អតីត​សកម្មជន​ការពារ​ព្រៃឈើ​លោក ឈុត វុទ្ធី ទាមទារ​យុត្តិធម៌

គ្រួសារ​សកម្មជន​ការពារ​ព្រៃឈើ​ដែល​ត្រូវ​បាន​គេ​បាញ់​សម្លាប់​កាល​ពី​មួយ​ឆ្នាំ​កន្លង​ទៅ បាន​ដង្ហោយ​រក​យុត្តិធម៌ គឺ​វែក​មុខ​ឃាតក និង​អ្នក​នៅ​ពី​ក្រោយ​ឃាតកម្ម ដោយ​ពួក​គេ​មិន​អាច​ឲ្យ​សំណុំ​រឿង​នេះ​បញ្ចប់​ទៅ​ដោយ​ងាយៗ​នោះ​ឡើយ។
ដោយ អ៊ួន ឈិន
2013-04-26
អ៊ីម៉ែល
មតិ
Share
បោះពុម្ព
យុវជន​មួយ​ក្រុម​ដែល​ជា​សមាជិក និង​ជា​សកម្មជន​នៃ​បណ្ដាញ​យុវជន​កម្ពុជា ប្រារព្ធ​ខួប​មរណភាព​របស់​លោក ឈុត វុទ្ធី នៅ​ព្រះអង្គ​ដងកើ រាជធានី​ភ្នំពេញ នៅ​ថ្ងៃ​ទី២៦ ខែ​មេសា ឆ្នាំ​២០១៣។
យុវជន​មួយ​ក្រុម​ដែល​ជា​សមាជិក និង​ជា​សកម្មជន​នៃ​បណ្ដាញ​យុវជន​កម្ពុជា ប្រារព្ធ​ខួប​មរណភាព​របស់​លោក ឈុត វុទ្ធី នៅ​ព្រះអង្គ​ដងកើ រាជធានី​ភ្នំពេញ នៅ​ថ្ងៃ​ទី២៦ ខែ​មេសា ឆ្នាំ​២០១៣។
RFA/Uon Chhin

ទស្សនា​វីដេអូ​អំពី​សកម្មភាព​លោក ឈុត វុទ្ធី

ក្នុង​ពិធី​ប្រារព្ធ​ខួប ១​ឆ្នាំ​នៃ​ការ​បាញ់​សម្លាប់​នាយក​អង្គការ​ការពារ​ធនធាន​ធម្មជាតិ លោក ឈុត វុទ្ធី នៅ​ឯ​ទី​ពិឃាត​នា​ស្រុក​មណ្ឌលសីមា ខេត្ត​កោះកុង កាល​ពី​ព្រឹក​ថ្ងៃ​សុក្រ ទី២៦ ខែ​មេសា សមាជិក​គ្រួសារ និង​សាច់ញាតិ​របស់​លោក បាន​ទាមទារ​ឲ្យ​បើក​សំណុំ​រឿង​ធ្វើ​ការ​ស៊ើប​អង្កេត​សាជាថ្មី លើ​ករណី​ឃាតកម្ម​ចំពោះ​សកម្មជន​ការពារ​ព្រៃឈើ​រូប​នេះ។

កូន​របស់​លោក ឈុត វុទ្ធី លោក ឈើយ ឧត្ដមរស្មី ថ្លែង​ថា ជន​ជាប់​ចោទ​ម្នាក់ និង​មន្ត្រី​ប៉េអិម​ម្នាក់ ដែល​បាន​ស្លាប់​នៅ​ក្នុង​ព្រឹត្តិការណ៍​ដែរ​នោះ គឺ​ជា​ឃាតក​សិប្បនិមិត្ត។ លោក​បន្ត​ថា អ្វីៗ​គឺ​ជា​ការ​រៀបចំ ដែល​លោក​មិន​អាច​ទទួល​យក​បាន៖ «ជាពិសេស ហៅ​អ្នក​ដែល​ពាក់ព័ន្ធ​ទាំងអស់ មាន​កង​កម្លាំង​ប្រដាប់​អាវុធ ដូចជា​ទាហាន​ដែល​នៅ​ជុំវិញ​ហ្នឹង ហើយ​និង​ប៉េអិម ហើយ​និង​អ្នក​ណា​ដែល​ពាក់ព័ន្ធ​ហ្នឹង ហៅ​មក​ឲ្យ​អស់​មក សួរ​ទាំងអស់ អត់​អាច​ធ្វើ​អ៊ីចឹង​បាន​ទេ!»

ដូច​គ្នា​នេះ​ដែរ ប្អូន​ថ្លៃ​របស់​លោក ឈុត វុទ្ធី លោក យង់ សុខន ដែល​ធ្លាប់​រួម​ដំណើរ​ជាមួយ​លោក ឈុត វុទ្ធី ក្នុង​បេសកកម្ម​អភិរក្ស​ធនធាន​ធម្មជាតិ ទាមទារ​ឲ្យ​វែក​មុខ​ឃាតក​ឲ្យ​ខាង​តែ​បាន៖ «ទី​មួយ គឺ​រដ្ឋាភិបាល សូម​ធ្វើ​ការ​ពិចារណា​ឡើង​វិញ និង​បើក​សំណុំ​រឿង​ហ្នឹង ដើម្បី​ស្វែង​រក​ឃាតក​ពិត​ឲ្យ​ឃើញ ថា​តើ​ជា​នរណា ហើយ​ពី​ណា​គេ​នៅ​ឈរ​ពី​ក្រោយ​ខ្នង​រឿង​ហ្នឹង? បាទ! ព្រោះ​ថា ម៉ោង​នេះ​គឺ​ពេល​នេះ ខ្ញុំ​នៅ​ចំណុច​វាល​បី គឺ​ជា​ចំណុច​ដែល​គាត់​ស្លាប់ ហើយ​ក៏​ជា​ម៉ោង​ដែល​ខ្ញុំ​ធ្លាក់​ទូរស័ព្ទ​ពី​ដៃ​នៅ​ពេល​ដែល​ខ្ញុំ​ទទួល​ព័ត៌មាន​ពី​បង​ប្រុស​របស់​ខ្ញុំ​ថា គាត់​ត្រូវ​បាន​គេ​បាញ់​សម្លាប់​នោះ»

កូន​ប្រុស​លោក ឈុត វុទ្ធី ឈ្មោះ ឆឺយ ឧត្តមរស្មី ផ្ដល់​បទសម្ភាសន៍​ដល់​វិទ្យុ​អាស៊ីសេរី នា​ស្រុក​ខ្សាច់កណ្ដាល ខេត្ត​កណ្ដាល កាល​ពី​ថ្ងៃ​ទី​២ ខែ​ឧសភា ឆ្នាំ​២០១២។
កូន​ប្រុស​លោក ឈុត វុទ្ធី ឈ្មោះ ឆឺយ ឧត្តមរស្មី ផ្ដល់​បទសម្ភាសន៍​ដល់​វិទ្យុ​អាស៊ីសេរី នា​ស្រុក​ខ្សាច់កណ្ដាល ខេត្ត​កណ្ដាល កាល​ពី​ថ្ងៃ​ទី​២ ខែ​ឧសភា ឆ្នាំ​២០១២។ RFA/Sek Bandith

នៅ​ឯ​ភ្នំពេញ​ឯណេះ យុវជន​មួយ​ក្រុម​ដែល​ជា​សមាជិក និង​ជា​សកម្មជន​នៃ​បណ្ដាញ​យុវជន​កម្ពុជា ក៏​បាន​ប្រារព្ធ​ខួប​មរណភាព​របស់​លោក ឈុត វុទ្ធី នៅ​ព្រះអង្គ​ដងកើ​ដែរ។ ក្នុង​ចំណោម​នោះ ប្រធាន​សហព័ន្ធ​សហជីព​កម្មករ​ចំណី​អាហារ និង​សេវាកម្ម​កម្ពុជា លោក ស ម៉ូរ៉ា មាន​ប្រសាសន៍​ថា គេ​គួរ​តែ​បញ្ចប់​វប្បធម៌​និទ្ទណ្ឌភាព​នៅ​កម្ពុជា ហើយ​យុត្តិធម៌​សម្រាប់​លោក ឈុត វុទ្ធី ត្រូវ​តែ​មាន៖ «លោក ឈុត វុទ្ធី គាត់​ខំ​ប្រឹង​ការពារ​ព្រៃឈើ ហើយ​ផ្ទុយ​ទៅ​វិញ គាត់​ទទួល​រង​នូវ​អំពើ​អយុត្តិធម៌​ដោយ​ការ​បាញ់​សម្លាប់​ពី​ជន​ល្មើស​ផ្សេងៗ​អ៊ីចឹង។ អា​នេះ​ជា​រឿង​អយុត្តិធម៌ ហើយ​យើង​នៅ​តែ​ប្រកាស​ទទូច​ទៅ​ដល់​រដ្ឋាភិបាល ក្នុង​ការ​រក​យុត្តិធម៌​ឲ្យ​គាត់ ហើយ​ពិសេស​ជាង​គេ លើក​ទឹក​ចិត្ត​ដល់​ប្រជាពលរដ្ឋ ត្រូវ​ចងចាំ​វីរភាព​របស់​លោក ឈុត វុទ្ធី»

លោក ឈុត វុទ្ធី ត្រូវ​បាន​គេ​បាញ់​សម្លាប់​កាល​ពី​ថ្ងៃ​ទី២៦ ខែ​មេសា ឆ្នាំ​២០១២ នៅ​ចំណុច​វាល​បី ភូមិ​កោះប៉ោ ឃុំ​បាក់ខ្លង ស្រុក​មណ្ឌលសីមា ខេត្ត​កោះកុង ខណៈ​ដែល​លោក​កំពុង​ស៊ើប​អង្កេត​ការ​កាប់​ឈើ​ខុស​ច្បាប់​នៅ​ទី​នោះ។

តុលាការ​ខេត្ត​កោះកុង បាន​ប្រកាស​បិទ​សំណុំ​រឿង​ឃាតកម្ម​លោក ឈុត វុទ្ធី នៅ​ថ្ងៃ​ទី៤ ខែ​តុលា ឆ្នាំ​២០១២។ ក្រៅ​ពី​នេះ ចៅក្រម​តុលាការ​ខេត្ត​កោះកុង បាន​កាត់​ក្ដី​ឲ្យ​ជន​ជាប់​ចោទ​ឈ្មោះ រ៉ាន់ បូរ័ត្ន ជា​សន្តិសុខ​ក្រុមហ៊ុន ធីមប៊ឺ ហ្គ្រីន (Timber Green) ជាប់​ពន្ធនាគារ​រយៈ​ពេល ៦​ខែ និង​ទោស ១​ឆ្នាំ​កន្លះ​ទៀត​ត្រូវ​ព្យួរ។ គិត​ត្រឹម​ថ្ងៃ​ប្រកាស​សាលក្រម​នៅ​ថ្ងៃ​ទី២២ ខែ​តុលា ឆ្នាំ​២០១២ ជន​ជាប់​ចោទ​ត្រូវ​បាន​រួច​ខ្លួន​ពី​ពន្ធនាគារ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (7)
Share

អ្នក​អាន​អនាមិក

Mr. Chhuk Vuthy is really hero of the Cambodia who had real ability to protect the Cambodia Forest during his present, even he is passed away but his well-reputation is still remained. We loved him, we spray his soul is going heaven, Buddha.

Apr 27, 2013 11:40 PM

អាឆ្នុក

ពី ក្រចេះ

អាណិតទឹកភ្នែករាស្រ្តផង! តើយុត្តិធម៌មានទេ?​បើប៉ះចំលើគ្រួសារ​ សាច់ញាតិអ្នកវិញឈឺចាប់យ៉ាងណា?

Apr 27, 2013 01:03 AM

សុខ សំណាង

ពី ភ្នញពេញ

ការទាមទារកយុត្តិធម៌ឱ្យជនរងគ្រោះខណៈពេលដែលហុនសែនកានអំណាចពិតជាមានសង្ឃឹមតិចណាស់ព្រោះសុទ្ធតែបក្សពួករបស់ហុនសែន,ដូចជាកាតទោសពពួកមេខ្មែរក្រហម អញ្ចឹង

Apr 26, 2013 01:06 PM

Peuv

Humans in Cambodia are divided in three classes under Hun Sen. Superior one for those connected with Hun Sen, the Ouknha one for those who fund Hun Sen’s regime, and the ordinary one for those who are not connected with Hun Sen. The ordinary class is the most vulnerable and is very fragile. Citizens in this class are, without notice, subject to arrest, imprisonment, and being killed without justice. The ones who seek justice are considered lucky if their cases are heard by the judges. Forget about justice. They are left on their own. Cambodia under Hun Sen is a land of no-mercy for the powerless and the poor.

Apr 26, 2013 12:46 PM

Khmer Love Khmer

ពី PP

May the god persuade to the Government to solved and finding the justice to the victim. the god mean (UN) and King soul.

Apr 26, 2013 11:25 AM

មើល​មតិ​ទាំង​អស់.

គេហទំព័រ​ទាំងមូល