តុលាការ​មណ្ឌលគិរី​សម្រេច​ឃុំ​ខ្លួន​ជនជាតិ​ហុល្លង់​​ទាក់ទង​នឹង​ការ​ធ្វើ​ទារុណកម្ម​កុមារ

ដោយ រដ្ឋា វិសាល
2016-12-09
អ៊ីម៉ែល
មតិ
Share
បោះពុម្ព
ផែនទី​ខេត្ត​មណ្ឌលគិរី
ផែនទី​ខេត្ត​មណ្ឌលគិរី
Photo: RFA

ចៅក្រម​ស៊ើបសួរ​សាលាដំបូង​ខេត្ត​មណ្ឌលគិរី សម្រេច​ឃុំ​ខ្លួន​ជនជាប់​ចោទ​ជនជាតិ​ហុល្លង់ ឈ្មោះ ស្តេសហ្វាន ស្ទូអិក (Stefan Struik) អាយុ ៥៣​ឆ្នាំ ជា​នាយក​ប្រតិបត្តិ​ក្រុមហ៊ុន​ចម្ការ​កាកាវ និង​ចម្ការ​អំពៅ​នៅ​ខេត្ត​កំពង់ចាម មាន​សញ្ជាតិ​ខ្មែរ​នៅ​ពន្ធនាគារ​ខេត្ត​ជា​បណ្តោះអាសន្ន នៅ​ថ្ងៃ​ទី​៩ ខែ​ធ្នូ។

ព្រះរាជអាជ្ញា​អម​សាលាដំបូង​ខេត្ត​មណ្ឌលគិរី លោក ឡុង ហុងម៉េង ឲ្យ​ដឹង​ថា ការ​សម្រេច​ឃុំ​ខ្លូន​នេះ​ធ្វើ​ឡើង​តាម​ដីការ​បង្គាប់​របស់​ចៅក្រម​ស៊ើបសួរ គឺ​លោក យ៉ា ណារិន បន្ទាប់​ពី​មន្ត្រី​អយ្យការ​សម្រេច​ចោទ​ប្រកាន់​ជនជាប់​សង្ស័យ​ពី​បទ​មិន​ប្តឹង​បរិហារ​ការ​ធ្វើ​បាប​អនីតិជន​តាម​មាត្រា ៥៣០ នៃ​ក្រមព្រហ្មទណ្ឌ ហើយ​បញ្ជូន​ជនជាប់​ចោទ​ទៅ​ចៅក្រម​ស៊ើបសួរ​កាល​ពី​ថ្ងៃ​ទី​៨ ខែ​ធ្នូ។

លោក​បន្ត​ថា មន្ត្រី​អយ្យការ​រក​ឃើញ​ថា ជន​ជាប់​ចោទ​បាន​រំដោះ​ជនជាតិ​វៀតណាម ម្នាក់​ដែល​បាន​ធ្វើ​ទារុណកម្ម​លើ​កុមារ​ឲ្យ​ភៀស​ខ្លួន​ទៅ​ប្រទេស​វៀតណាម៖ «គាត់​ដឹង​រឿង​គេ​ធ្វើ​បាប ហើយ​គាត់​ជម្លៀស​អា​នោះ​ទៅ​វៀតណាម មាន​ន័យ​ថា គាត់​មិន​ប្តឹង។ គាត់​ដឹង​រឿង​គេ​ធ្វើ​ទារុណកម្ម​ក្មេង​ហើយ​គាត់​មិន​ប្តឹង​ទៅ​សមត្ថកិច្ច»

បុរស​ជនជាតិ​វៀតណាម ម្នាក់ ឈ្មោះ ង្វៀន ថាញ់ ឬ ង្វៀន យ៉ុង (Nguyen Dung) ដែល​គេ​សង្ស័យ​ថា ធ្វើ​ទារុណកម្ម​​កុមារ​អាយុ ២​ឆ្នាំ ដោយ​ប្រើ​ឧបករណ៍​ឆក់ ហើយ​អាច​នឹង​មាន​អំពើ​រំលោភ​ផង ដែល​បាន​ប្រព្រឹត្ត​នៅ​ភូមិ​ពូក្រូច ឃុំ​ស្រែអំពូម ស្រុក​ពេជ្រាដា ខេត្ត​មណ្ឌលគិរី បន្ទាប់​ពី​បែក​ធ្លាយ​វីដេអូ​ឃ្លិប ទាក់ទិន​ការ​ធ្វើ​ទារុណកម្ម​នេះ​ហើយ​រត់​គេច​ទៅ​ប្រទេស​វៀតណាម ក៏ប៉ុន្តែ​សមត្ថកិច្ច​ប្រទេស​វៀតណាម បាន​ចាប់​ខ្លួន​ជនជាប់​សង្ស័យ​នោះ​ហើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល