លោក ឈូក បណ្ឌិត ប្ដឹង​ទាស់​នឹង​សាលក្រម​តុលាការ​ខេត្ត​ស្វាយរៀង

ជិត​មួយ​ខែ​ហើយ​ដែល​តុលាការ​ខេត្ត​ស្វាយរៀង បាន​ចេញ​ដីកា​បង្គាប់​អោយ​សមត្ថកិច្ច​តាម​ចាប់​ខ្លួន​អតីត​អភិបាល​ក្រុង​បាវិត លោក ឈូក បណ្ឌិត ដែល​ត្រូវ​កាត់​អោយ​មាន​ទោស​ចំពោះ​ការ​បាញ់​កម្មការិនី​រោងចក្រ​កៅវ៉េ (Kaoway) ៣​នាក់ អោយ​របួស។ មក​ដល់​ពេល​នេះ លោក ឈូក បណ្ឌិត នៅ​តែ​មាន​សេរីភាព​នៅ​ឡើយ និង​បាន​បន្ត​សំណុំ​រឿង​របស់​លោក​ទៅ​កាន់​សាលា​ឧទ្ធរណ៍។
ដោយ សុ ជីវី
2013-07-20
អ៊ីម៉ែល
មតិ
Share
បោះពុម្ព
អតីត​អភិបាល​ក្រុង​បាវិត ខេត្ត​ស្វាយរៀង លោក ឈូក បណ្ឌិត ពេល​ចេញ​ពី​បន្ទប់​សវនាការ​សាលាឧទ្ធរណ៍ កាល​ពី​ព្រឹក​ថ្ងៃ​ទី​២៧ កុម្ភៈ ឆ្នាំ​២០១៣។
អតីត​អភិបាល​ក្រុង​បាវិត ខេត្ត​ស្វាយរៀង លោក ឈូក បណ្ឌិត ពេល​ចេញ​ពី​បន្ទប់​សវនាការ​សាលាឧទ្ធរណ៍ កាល​ពី​ព្រឹក​ថ្ងៃ​ទី​២៧ កុម្ភៈ ឆ្នាំ​២០១៣។
RFA/Sochivy

អតីត​អភិបាល​ក្រុង​បាវិត លោក ឈូក បណ្ឌិត បាន​ដាក់​ពាក្យ​ប្ដឹង​ឧទ្ធរណ៍​ប្រឆាំង​ទាស់​នឹង​សាលក្រម​របស់​សាលា​ដំបូង​ខេត្ត​ស្វាយរៀង ដែល​កាត់​អោយ​លោក​មាន​ទោស​ពី​បទ​បង្ក​របួស​ស្នាម​ដោយ​អចេតនា បន្ទាប់​ពី​បាន​ចាត់​ទុក​សាលក្រម​នោះ​ថា​មិន​មាន​ភាព​យុត្តិធម៌។

មេធាវី​ការពារ​អោយ លោក ឈូក បណ្ឌិត គឺ​លោក ស៊ុន ប៊ុណ្ណារិទ្ធ មាន​ប្រសាសន៍​ថា លោក​កំពុង​រង់ចាំ​ការ​កំណត់​ពេល​វេលា​បើក​សវនាការ​របស់​សាលា​ឧទ្ធរណ៍ បន្ទាប់​ពី​បាន​ដាក់​បណ្ដឹង​ទាស់​ទៅ​ស្ថាប័ន​នេះ​បាន​រួច​រាល់។

លោក ស៊ុន ប៊ុណ្ណារិទ្ធ ធ្លាប់​បាន​បញ្ជាក់​ភ្លាមៗ​បន្ទាប់​ពី​ចៅក្រម​ជំនុំ​ជម្រះ​នៅ​សាលា​ដំបូង​ខេត្ត​ស្វាយរៀង សម្រេច​អោយ លោក ឈូក បណ្ឌិត ជាប់​ពន្ធនាគារ​រយៈពេល ១​ឆ្នាំ​កន្លះ និង​ពិន័យ​ជា​ប្រាក់​សរុប ៣៨​លាន​រៀល ថា​ជា​សេចក្ដី​សម្រេច​ដោយ​អយុត្តិធម៌។ លោក ស៊ុន ប៊ុណ្ណរិទ្ធ បាន​បញ្ជាក់​ហេតុ​ផល​ថា សវនាការ​ពុំ​បាន​កោះ​ហៅ​សាក្សី​សំខាន់ ដែល​ជា​សាក្សី​ដោះ​បន្ទុក លោក ឈូក បណ្ឌិត ដែល​លោក​គិត​ថា បាន​ធ្វើ​អោយ​សវនាការ​ពុំ​គ្រប់​ជ្រុងជ្រោយ។

ប្រធាន​កម្មវិធី​សិទ្ធិ​ការងារ​នៃ​មជ្ឈមណ្ឌល​អប់រំ​ច្បាប់​សម្រាប់​សហគមន៍ លោក មឿន តុលា មាន​ប្រសាសន៍​ថា ការ​ប្ដឹង​ឧទ្ធរណ៍ គឺ​ជា​សិទ្ធិ​របស់ លោក ឈូក បណ្ឌិត ប៉ុន្តែ​ក៏​បាន​បង្ហាញ​ដែរ​ថា អាជ្ញាធរ​មាន​សមត្ថកិច្ច​បាន​ធ្វេសប្រហែស​ក្នុង​ការ​តាម​ចាប់​ខ្លួន លោក ឈូក បណ្ឌិត តាម​សាលក្រម​របស់​ចៅក្រម​សាលា​ដំបូង​ខេត្ត​ស្វាយរៀង។

នៅ​ពេល​ដែល លោក ឈូក បណ្ឌិត បន្ត​ស្ថិត​នៅ​ក្រៅ​ឃុំ កម្មការិនី​រងគ្រោះ​ដែល​ត្រូវ លោក ឈូក បណ្ឌិត បាញ់​អោយ​របួស ក៏​បន្ត​រស់នៅ​ក្នុង​ភាព​ភ័យ​ខ្លាច និង​ខ្វះខាត​ថវិកា​ក្នុង​ការ​ព្យាបាល នៅ​ពេល​ដែល​ស្នាម​របួស​ធ្វើ​ទុក្ខ​ម្ដងៗ។

ចៅក្រម​សាលា​ដំបូង​ខេត្ត​ស្វាយរៀង កាល​ពី​ថ្ងៃ​ទី២៥ ខែ​មិថុនា បាន​កាត់​អោយ លោក ឈូក បណ្ឌិត មាន​ទោស​រយៈពេល ១​ឆ្នាំ​កន្លះ និង​បាន​ចេញ​ដីកា​អោយ​តាម​ចាប់​ខ្លួន​អតីត​អភិបាល​ក្រុង​បាវិត រូប​នេះ អោយ​មក​ទទួល​ទោស និង​បាន​បង្គាប់​អោយ​បង់​ប្រាក់​សំណង​ទៅ​អោយ​ជន​រងគ្រោះ ប៊ុន ចិន្ដា ចំនួន ២០​លាន​រៀល នុត សុខន ១០​លាន​រៀល និង កែវ នា ចំនួន ៨​លាន​រៀល៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (10)
Share

KH

All the polices are blind, that is why they can't find him.

Jul 22, 2013 03:46 AM

អ្នក​អាន​អនាមិក

ចុះបើករណីយជា វិជ្ជាវិញមិចក៏ចាប់ឃាទករលឿនម្លេះ?

Jul 22, 2013 03:02 AM

Bondith

ពី Neak Loeung

Dear Beloved RFA staff, please keep broadcasting about the criminal, chhouk bandith in order to promote social justice in Cambodia. As you know no social justice no development. Thanks.

Jul 22, 2013 02:35 AM

vannak

ពី kampot

If you are the real man why you still ignore your shoot, you are not human, you are making Cambodia become the country that have no law. If court like this pls take the injured workers to prison and releave Mr. bandith to show the world that Cambodia's law just like this.
As i am khmer i am very sorry that court is not justice like this.

Jul 21, 2013 11:56 PM

Chhouk

ពី Svay Rieng

I think chhouk bandith should get life imprisonment because he intended to kill those 3 workers.

Jul 21, 2013 11:25 AM

មើល​មតិ​ទាំង​អស់.

គេហទំព័រ​ទាំងមូល