សមាជិក​សភា​តំបន់​អាស៊ី​អាគ្នេយ៍​អំពាវនាវ​ឲ្យ​ស៊ើប​ករណី​បាញ់​សម្លាប់​មនុស្ស​ពេល​ធ្វើ​បាតុកម្ម

ករណី​បាញ់​ស្ត្រី​លក់​បាយ​ស្លាប់ និង​ករណី​បាញ់​កម្មករ​សំណង់​ស្លាប់​នៅ​ស្ពាន​ក្បាល​ថ្នល់​នោះ មក​ទល់​ពេល​នេះ គណៈកម្មការ​ស៊ើប​អង្កេត​របស់​រដ្ឋាភិបាល​រក​ឃាតក​មិន​ទាន់​ឃើញ​នៅ​ឡើយ។ ទន្ទឹម​នឹង​នេះ សមាជិក​សភា​នៅ​តំបន់​អាស៊ី​អាគ្នេយ៍ បាន​ជំរុញ​ឲ្យ​អង្គការ​សហប្រជាជាតិ និង​សហគមន៍​អន្តរជាតិ ត្រូវ​ប្រកាន់​ជំហរ​ឲ្យ​រឹងមាំ និង​ធ្វើ​ការ​ស៊ើប​អង្កេត​ដោយ​ឯករាជ្យ ចំពោះ​ការ​បាញ់​ប្រហារ​នៅ​ពេល​ធ្វើ​បាតុកម្ម​នេះ។
ដោយ ទីន ហ្សាការីយ៉ា
2013-11-28
អ៊ីម៉ែល
មតិ
Share
បោះពុម្ព
ក្រុម​គ្រួសារ​សព ម៉ៅ សុខចន្ទ ដង្ហែ​សព​ទៅ​បូជា​ក្នុង​វត្ត​ចាក់អង្រែក្រោម នៅ​រសៀល​ថ្ងៃ​ទី១៦ កញ្ញា ឆ្នាំ​២០១៣។
ក្រុម​គ្រួសារ​សព ម៉ៅ សុខចន្ទ ដង្ហែ​សព​ទៅ​បូជា​ក្នុង​វត្ត​ចាក់អង្រែក្រោម នៅ​រសៀល​ថ្ងៃ​ទី១៦ កញ្ញា ឆ្នាំ​២០១៣។
RFA/Sek Bandith

សមាជិក​សភា​មក​ពី​ទូទាំង​តំបន់​អាស៊ី​អាគ្នេយ៍ បាន​អំពាវនាវ​ឲ្យ​អង្គការ​សហប្រជាជាតិ និង​សហគមន៍​អន្តរជាតិ ត្រូវ​តែ​ធ្វើ​ការ​ស៊ើប​អង្កេត​ដោយ​ឯករាជ្យ លើ​ករណី​បាញ់​សម្លាប់​មនុស្ស​ពីរ​នាក់​នៅ​ពេល​ធ្វើ​បាតុកម្ម​កន្លង​មក និង​ត្រូវ​ដាក់​សម្ពាធ​មក​លើ​រដ្ឋាភិបាល​កម្ពុជា ចំពោះ​ករណី​នេះ។

សមាជិក​សភា​មក​ពី​តំបន់​អាស៊ី​អាគ្នេយ៍ បាន​ចេញ​សេចក្ដី​ថ្លែងការណ៍​រួម​គ្នា​នៅ​ថ្ងៃ​ទី​២៨ វិច្ឆិកា ថា ការ​បាញ់​សម្លាប់​ស្ត្រី​លក់​បាយ អេង សុខុម នៅ​ស្ទឹងមានជ័យ នៅ​ពេល​សមត្ថកិច្ច​បង្ក្រាប​បាតុកម្ម​កាល​ពី​ថ្ងៃ​ទី​១២ វិច្ឆិកា និង​ការ​បាញ់​សម្លាប់​កម្មករ​សំណង់​ម្នាក់​ទៀត ឈ្មោះ ម៉ៅ សុខចន្ទ នោះ គឺ​បង្ក​ឡើង​ដោយ​ក្រុម​សមត្ថកិច្ច ហើយ​រដ្ឋាភិបាល​ជា​អ្នក​ទទួល​ខុស​ត្រូវ​ដើម្បី​បញ្ចប់​និទ្ទណ្ឌភាព។

សមាជិក​សភា​អាស៊ាន និង​ជា​អនុ​ប្រធាន​គណៈកម្មការ​សិទ្ធិ​មនុស្ស លោក ក្រៃសាក់ ឈុនហាវ៉ាន់ (Kraisak Choonhavan) មាន​ប្រសាសន៍​នៅ​ក្នុង​សេចក្ដី​ថ្លែងការណ៍​នោះ​ថា អង្គការ​សហប្រជាជាតិ និង​សហគមន៍​អន្តរជាតិ ត្រូវ​ប្រកាន់​ជំហរ​ដាក់​ទោស​លើ​ឧក្រិដ្ឋជន​ដែល​ប្រព្រឹត្ត​បទ​ល្មើស ដែល​គេ​ដឹង​ជា​ទូទៅ​នោះ។ លោក​បន្ថែម​ថា ការ​បាញ់​សម្លាប់ លោក ម៉ៅ សុខចន្ទ នៅ​ស្ពាន​ក្បាល​ថ្នល់ នៅ​ថ្ងៃ​ទី​១៥ កញ្ញា នៅ​ខណៈ​សមត្ថកិច្ច​បើក​ការ​បាញ់​ប្រហារ​ទៅ​លើ​ហ្វូង​មនុស្ស ដែល​ភាគ​ច្រើន​ជា​បាតុករ​របស់​គណបក្ស​សង្គ្រោះ​ជាតិ មក​ទល់​ពេល​នេះ រដ្ឋាភិបាល​មិន​បាន​តាម​ដាន​ធ្វើ​ការ​ស៊ើប​អង្កេត​ឲ្យ​បាន​ច្បាស់​លាស់​នៅ​ឡើយ។

«សំឡេង»

ដោយ​បង្កើត​អោយ​មាន​ការ​ស៊ើប​អង្កេត​ឯករាជ្យ​មួយ និង​ដោយ​ការ​ស្វែង​រក​អោយ​រដ្ឋាភិបាល​កម្ពុជា ទទួល​ខុស​ត្រូវ​ចំពោះ​ការ​ខកខាន​របស់​ខ្លួន មិន​ធ្វើ​ការ​ស៊ើប​អង្កេត​អោយ​បាន​ត្រឹមត្រូវ ស្រប​តាម​និយាម​ច្បាប់​សិទ្ធិ​មនុស្ស​អន្តរជាតិ​លើ​ការ​ស្លាប់​ទាំង​នេះ យើង​មិន​ត្រឹម​តែ​ជួយ​រក​យុត្តិធម៌​ដល់​គ្រួសារ​ជន​រងគ្រោះ​ប៉ុណ្ណោះ​ទេ តែ​យើង​ថែម​ទាំង​ផ្ញើ​សារ​ច្បាស់​លាស់​មួយ​ថា និទ្ទណ្ឌភាព ឬ​ភាព​គ្មាន​ទោសពៃរ៍​សម្រាប់​មន្ត្រី​រដ្ឋាភិបាល​នឹង​មិន​ត្រូវ​អត់​អោន​អោយ​ឡើយ។

មន្ត្រី​នាំ​ពាក្យ​នៃ​ទីស្ដីការ​គណៈរដ្ឋមន្ត្រី លោក ផៃ ស៊ីផាន មាន​ប្រសាសន៍​ថា ករណី​នេះ សមត្ថកិច្ច​នៅ​តែ​បើក​ចំហ​ស៊ើប​អង្កេត​នៅ​ឡើយ ដើម្បី​រក​ជន​ដៃដល់។ លោក​បញ្ជាក់​ថា រដ្ឋាភិបាល​កម្ពុជា ប្រឆាំង​ដាច់​ខាត​ចំពោះ​ការ​ប្រើ​អំពើ​ហិង្សា​ប្រឆាំង​បាតុករ​នោះ។

«សំឡេង»

ទោះ​ជា​យ៉ាង​នេះ​ក្ដី ប្រធាន​អង្គការ​អ្នក​ច្បាប់​នៅ​អាស៊ី​អាគ្នេយ៍ ធ្វើ​ការ​ដើម្បី​រក​សន្តិភាព​នៅ​ប្រទេស​ភូមា និង​ជា​សមាជិក​សភា​ឥណ្ឌូនេស៊ី អ្នកស្រី អេវ៉ា កូសូមាសាន់ដារី (Eva Kusuma Sundari) មាន​ប្រសាសន៍​ថា ការ​បាញ់​ប្រហារ​បណ្ដាល​ឲ្យ​ស្លាប់​មនុស្ស​នេះ ជា​ការ​ទទួល​ខុស​ត្រូវ​របស់​រដ្ឋាភិបាល ដើម្បី​ធានា​នូវ​ប្រព័ន្ធ​យុត្តិធម៌ និង​មិន​ត្រូវ​អត់​ឱន​ឲ្យ​បាន​នូវ​អំពើ​ហិង្សា​នយោបាយ។

អ្នកស្រី​បញ្ជាក់​ថា ប្រទេស​អាស៊ាន​ទាំងអស់​ត្រូវ​តែ​រក​មធ្យោបាយ ដើម្បី​បញ្ចប់​អំពើ​ហិង្សា​ដែល​បង្ក​ឡើង​ដោយ​សមត្ថកិច្ច​របស់​រដ្ឋាភិបាល នៅ​មុន​ពេល​អាស៊ាន​ធ្វើ​សមាហរណកម្ម​សេដ្ឋកិច្ច។

អ្នកស្រី​បន្ថែម​ថា អ្នកស្រី​ព្រួយ​បារម្ភ​យ៉ាង​ខ្លាំង​ថា និន្នាការ​ជា​ទូទៅ​នៃ​អំពើ​ហិង្សា និង​និទ្ទណ្ឌភាព ឬ​ភាព​គ្មាន​ទោសពៃរ៍​ក្នុង​ប្រទេស​សមាជិក​អាស៊ាន វា​នឹង​រឹត​តែ​អាក្រក់ ប្រសិន​បើ​បញ្ហា​ធ្ងន់ធ្ងរ​នេះ​នៅ​បន្ត​កប់​ចោល​មិន​ដោះស្រាយ ហើយ​បែរ​ជា​ផ្ដោត​តែ​ទៅ​លើ​ផ្នែក​ទំនាក់​ទំនង​សេដ្ឋកិច្ច និង​ពាណិជ្ជកម្ម​ទៅ​វិញ​នោះ។ អាស៊ាន​ត្រូវ​តែ​ផ្លាស់​ប្ដូរ និង​ត្រូវ​ចាប់​ផ្ដើម​ផ្ដោត​សំខាន់​លើ​សុខមាលភាព​ជា​មូលដ្ឋាន​លើ​ពលរដ្ឋ​របស់​ខ្លួន​ជា​មុន។

សមាជិក​សភា​ទាំងអស់​នោះ ចង់​ឃើញ​ប្រទេស​កម្ពុជា ធ្វើ​ដំណើរ​ឆ្លង​កាត់​ពេល​វេលា​លំបាក​នេះ​ប្រកប​ដោយ​សន្តិវិធី។ ភាព​ខកខាន​របស់​រដ្ឋាភិបាល មិន​ធ្វើ​ការ​ស៊ើប​អង្កេត​អោយ​បាន​ត្រឹមត្រូវ​ចំពោះ​អំពើ​ហិង្សា​ប្រព្រឹត្ត​ដោយ​កម្លាំង​សមត្ថកិច្ច កំពុង​តែ​បង្កើត​អោយ​មាន​គ្រោះ​ថ្នាក់ និង​អាច​បណ្ដាល​អោយ​រាល​ដាល​អំពើ​ហិង្សា​ក្នុង​កំឡុង​ពេល​ដែល​មាន​ភាព​តានតឹង​នយោបាយ​នៅ​កម្ពុជា។

ម្យ៉ាង​ទៀត អង្គការ​សហប្រជាជាតិ និង​សហគមន៍​អន្តរជាតិ ត្រូវ​តែ​ដាក់​សម្ពាធ​ទៅ​លើ​រដ្ឋាភិបាល​កម្ពុជា ដើម្បី​ឲ្យ​រដ្ឋាភិបាល​កម្ពុជា មាន​ការ​ប្ដេជ្ញា​ចិត្ត​គោរព​សិទ្ធិ​មនុស្ស​តាម​និយាម​អន្តរជាតិ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

អ្នក​អាន​អនាមិក

មេប៉ូលីស មេប៉េអ៊ឹម ត្រូវចាប់អ្នកបាញ់ កម្មករនិងប្រជាពលរដ្ឋ អោយស្លាប់និងរបួស យកមកកាត់ទោស ! បើពុំដូច្នោះទេ គេនឹងចោទ លោកមេទាំងពីរហើយ !

Nov 29, 2013 09:47 AM

hun sen

ពី phnom penh

I don't care I was kill more than 1ooo people in my country I not kill your people kiss my ass

Nov 29, 2013 02:29 AM

អ្នក​អាន​អនាមិក

YOU WANT TO SEE HOW IT WORKS,YOU NEED TO KILL OR INJURED ONE OF HUN SEN FAMILY MEMBER.

Nov 28, 2013 09:56 PM

អ្នក​អាន​អនាមិក

If the government doesn't open the light green to them,they can't do,like Chhuk Bandith,if the leader doesn't stay behind him how Chhuk Bandit can hide.Hun Sen has to responsible.

Nov 28, 2013 06:50 PM

គេហទំព័រ​ទាំងមូល