អាមេរិក​ផ្អាក​នាំ​អង្ករ​ចូល​ពី​វៀតណាម​ដោយសារ​ប្រើ​ជាតិ​គីមី​ហួស​កម្រិត​និង​ខ្វះ​អនាម័យ

ដោយ ម៉ៅ សុធានី
2016-10-06
អ៊ីម៉ែល
មតិ
Share
បោះពុម្ព
អង្ករ​ចេញ​ពី​ម៉ាស៊ីន​កិន​ស្រូវ​របស់​ក្រុមហ៊ុន​មួយ​នៅ​ក្នុង​ខេត្ត​បាត់ដំបង។
អង្ករ​ចេញ​ពី​ម៉ាស៊ីន​កិន​ស្រូវ​របស់​ក្រុមហ៊ុន​មួយ​នៅ​ក្នុង​ខេត្ត​បាត់ដំបង។
Photo: RFA

សហរដ្ឋ​អាមេរិក​ប្រកាស​ផ្អាក​ការ​នាំ​អង្ករ​ចូល​ពី​ប្រទេស​វៀតណាម ក្រោយ​ពី​អាជ្ញាធរ​ទទួល​បន្ទុក​ត្រួត​ពិនិត្យ​ផ្នែក​អាហារ និង​ថ្នាំពេទ្យ​របស់​អាមេរិក (FDA) បាន​រក​ឃើញ​ថា អង្ករ​ទាំងនោះ​មាន​ជាតិ​គីមី​ចំនួន ៨​ប្រភេទ​ដែល​ប្រើ​ច្រើន​ហួស​កម្រិត និង​ខ្វះ​អនាម័យ។

ឆ្លើយ​តប​នឹង​វិធានការ​របស់​សហរដ្ឋ​អាមេរិក​នេះ ក្រសួង​កសិកម្ម និង​អភិវឌ្ឍន៍​ជនបទ​វៀតណាម បាន​តម្រូវ​ឲ្យ​ក្រុមហ៊ុន​វៀតណាម ដែល​នាំ​អង្ករ​ចេញ​ទៅ​ទីផ្សារ​អាមេរិក ត្រូវ​ពិនិត្យ​ដោយ​យក​ចិត្ត​ទុក​ដាក់​ទៅ​លើ​គុណភាព​អង្ករ រួម​មាន​ការ​ប្រើ​ថ្នាំ​សម្លាប់​សត្វ​ល្អិត ជាដើម ដើម្បី​បញ្ចៀស​បញ្ហា​ការ​នាំ​អង្ករ​ចេញ​ពី​វៀតណាម ទៅ​សហរដ្ឋ​អាមេរិក នា​ថ្ងៃ​អនាគត។

ចាប់​ពី​ឆ្នាំ​២០១២ ដល់​ខែ​សីហា ឆ្នាំ​២០១៦ អង្ករ​ចំនួន ១​ម៉ឺន​តោន​នាំ​ចូល​ដោយ​ក្រុមហ៊ុន​អង្ករ​វៀតណាម ចំនួន​១៦ ត្រូវ​បាន​រក​ឃើញ​ថា មាន​បញ្ហា​អនាម័យ និង​ពុំ​មាន​សុវត្ថិភាព​សម្រាប់​បរិភោគ។

របាយការណ៍​របស់ FDA បង្ហាញ​ថា រយៈពេល ៤​ខែ​ដើម​ឆ្នាំ​២០១៦ នេះ អង្ករ​ចំនួន ១.៧០០​តោន​ដែល​បម្រុង​នាំ​ចូល​ទីផ្សារ​អាមេរិក រួម​មាន​អង្ករ​ក្រអូប​ម្លិះ អង្ករ​បី​កំណាត់ និង​អង្ករ​សំរូប ជាដើម ត្រូវ​បាន​បញ្ជូន​ត្រឡប់​ទៅ​ប្រទេស​វៀតណាម វិញ។ បម្រាម​របស់​អាមេរិក​នេះ ធ្វើ​ឲ្យ​ប៉ះពាល់​ខ្លាំង​ដល់​វិស័យ​នាំ​អង្ករ​ចេញ​របស់​វៀតណាម។

ក្រសួង​គយ​វៀតណាម ឲ្យ​ដឹង​ថា រយៈពេល ៨​ខែ​ក្នុង​ឆ្នាំ​២០១៦ នេះ បរិមាណ​នាំ​អង្ករ​ចេញ​ពី​ប្រទេស​វៀតណាម មាន​ចំនួន​ជិត ៣​លាន ៤​សែន​តោន​ទៅ​សហរដ្ឋ​អាមេរិក ដែល​គិត​ជា​ប្រាក់​មាន​ចំនួន ១.៥០០​លាន​ដុល្លារ​អាមេរិក។ បរិមាណ​នាំ​ចេញ​អង្ករ​នេះ គឺ​បាន​ថយ​ចុះ​ចំនួន​ជាង ១៦% បើ​ប្រៀបធៀប​ទៅ​នឹង​ឆ្នាំ​មុន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

អ្នក​អាន​អនាមិក

ទេវតាមានភ្នែក ធ្វើល្អបានល្អ ធ្វើអាក្រក់បានអាក្រក់ ។

Oct 06, 2016 06:01 PM

អ្នក​អាន​អនាមិក

Yes. I support U.S.A. Vietnam has nener produced good quality things to sale. We found out , they used a lot of chemicals in the production. For example, fruits, meat, vegetables,and others etc....

Oct 06, 2016 07:06 AM

អ្នក​អាន​អនាមិក

អាមេរិកផ្អាកទិញអង្ករពីវៀតណាម ចុះខ្មែរវិញ?
ពលរដ្ឋខ្មែរ ៩០ភាគរយជាកសិករ ហេតុអីក៏ខ្មែរត្រូវ ទិញអង្ករពីវៀតណាម?

Oct 06, 2016 04:59 AM

អ្នក​អាន​អនាមិក

Dumb question. Because Khmer ,the poor are too poor,the rich are too rich. The poor cannot afford any quality food, rice, meat, fruit,vegetable,... Besides they eat those, ruin health, die sooner,who care ! Hun Sen authority and kam control , when they get money from smugglers, they allow anything to infiltrate Cambodia. By the way ,how the rich can discriminate between good and bad products ?

Oct 06, 2016 09:41 AM

គេហទំព័រ​ទាំងមូល