သတင်းနှင့် ဆောင်းပါးများ သိုမှီးရေးစနစ်
2015-12-31
အမျိုးသားပညာရေးဥပဒေကို ကန့်ကွက် ဆန္ဒပြခဲ့တဲ့ မြင်းခြံဒီဂရီကောလိပ် ကျောင်း သား ကိုဉာဏ်မြင့်သန်းနဲ့ ဝန်းရံသူ ဦးသန့်ဇင်တို့ကို တရားမဝင်စီတန်းလှည့်လည်မှု ပုဒ်မ ၁၈ နဲ့ မြင်းခြံမြို့နယ်တရားရုံးက ဒီနေ့ ထောင်ဒဏ် တစ်လစီ အမိန့်ချမှတ်လိုက်ပါတယ်။
2015-12-31
နိုင်ငံတော်သမ္မတ တာဝန်ထမ်းဆောင်ခဲ့ သူရဲ့ လုံခြုံရေးဆိုင်ရာ ဥပဒေကြမ်း မှာ နိုင်ငံတော်သမ္မတ တာဝန်ထမ်းဆောင်ခဲ့သူကို တာဝန် ထမ်းဆောင်စဉ်ကာလအတွင်း ဥပဒေအရဆောင်ရွက်ခဲ့ တာတွေကို နောက်ကြောင်းပြန် တရားစွဲဆိုခွင့်မရှိစေရဆိုတဲ့ ပုဒ်မကိုပယ်ဖျက်ပေးဖို့ ပြည်သူ့လွှတ်တော် ကိုယ်စားလှယ် ၂ ဦးက ဒီနေ့ တင်ပြဆွေးနွေးတာကို ပယ်ချပြီး ပြည်သူ့ လွှတ်တော်က မူလအတိုင်း အတည်ပြုလိုက်ပါတယ်။
2015-12-31
ရခိုင်ပြည်နယ် တောင်ကုတ်မြို့နယ်မှာ အစိုးရနဲ့ ဗီယက်နမ်ကုမ္ပဏီတစ်ခုတို့ အကျိုးတူပူးပေါင်းလုပ်ကိုင်နေတဲ့ နေပူတောင် မာဘယ်လ်ကျောက် ထုတ်လုပ်ရေးစီမံကိန်းကို ရပ်ဆိုင်းပေး ဖို့ တောင်ကုတ်မြို့မှာ ဒေသခံ ၃ဝ လောက်က ဒီနေ့ ဆန္ဒပြတောင်းဆိုကြပါတယ်။
2015-12-31
ရှမ်းပြည်နယ်မှာ ငွေကျပ်သိန်းပေါင်း တစ်သိန်း နှစ်သောင်း နီးပါးတန်ဖိုးရှိတဲ့ မူးယစ်ဆေးဝါးတွေ သယ်ဆောင်မှုနဲ့ ဖမ်းဆီးခံထားရတဲ့ အထူးစုံစမ်း စစ်ဆေးရေး (စသုံးလုံး) အဖွဲ့က အရာရှိတချို့နဲ့ အမှုမှာပါဝင်တဲ့သူတွေကို တောင်ကြီး ခရိုင် တရားရုံးမှာ တရားစွဲဆိုထားတယ်လို့ သိရပါတယ်။
2015-12-31
ထိုင်းနိုင်ငံမှာ သေဒဏ်ချမှတ်ခံထားရ တဲ့ မြန်မာလူငယ်နှစ်ဦးနဲ့ပတ်သက်ပြီး အမှုကို ပြန်လည်သုံးသပ် စိစစ်ပေးဖို့ ရခိုင်အမျိုးသား ပါတီ ခေါင်းဆောင်တွေနဲ့ ပါတီရဲ့ လွှတ်တော်ကိုယ်စား လှယ်တွေက ထိုင်းဘုရင်မင်းမြတ်နဲ့ ထိုင်းနိုင်ငံ ဝန်ကြီးချုပ် တို့ထံ ဒီနေ့ မေတ္တာရပ်ခံစာ ပေးပို့လိုက်ပါတယ်။
2015-12-31
ရခိုင်ပြည်နယ် အချုပ်အခြာအာဏာကျဆုံးခဲ့ တဲ့ နှစ်ပေါင်း ၂၃၁ နှစ်မြောက် ဝမ်းနည်းအောက်မေ့ဖွယ် အထိမ်းအမှတ် အခမ်းအနားတွေ ကို တောင်ကုတ်၊ စစ်တွေ၊ မြောက်ဦးနဲ့ အခြားမြို့နယ်အချို့ မှာ ဒီနေ့ပြုလုပ်ကြပါတယ်။
2015-12-31
ရှမ်းပြည်နယ်မြောက်ပိုင်း မူဆယ်မြို့နယ်နဲ့ကွတ်ခိုင် မြို့နယ်အတွင်း ကျေးရွာတွေက ဒေသခံ လူငယ် ၁၅ ယောက်ကို ကေအိုင်အေတပ်တွေက ပြီးခဲ့ တဲ့ နှစ်ရက်လောက်က ဖမ်းဆီးခေါ်ဆောင် သွားကြောင်း မူဆယ်မြို့နယ် ရှမ်းစာပေနဲ့ ယဉ်ကျေးမှုအဖွဲ့က မနေ့က ကြေညာချက်ထုတ်ပြန် ပြောဆိုလိုက် ပါတယ်။
2015-12-30
ထိုင်းနိုင်ငံမှာ မြန်မာရွှေ့ပြောင်းအလုပ် သမား လူငယ်နှစ်ဦးကို မုဒိမ်းမှု၊ လူသတ်မှု စွဲချက်တွေနဲ့ သေဒဏ်ချမှတ်လိုက်လို့ မြန်မာနိုင်ငံတွင်းမှာ မကျေမနပ် ဆန့်ကျင်ဆန္ဒပြပွဲတွေ ပေါ်ပေါက်နေပေမယ့် ၊ မြန်မာ့လေကြောင်းလိုင်း MAI ရဲ့ ရန်ကုန်နဲ့ ဘန်ကောက် ပျံသန်းပြေးဆွဲနေတဲ့ လေကြောင်းခရီးစဉ်တွေ ပုံမှန်အတိုင်း ပဲရှိနေမှာ ဖြစ်ကြောင်း MAI က ပြောပါတယ်။
2015-12-30
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က နိုင်ငံပိုင် သတင်းစာတွေဆိုတာ ဒီမိုကရေစီစနစ်နဲ့ ကိုက်ညီခြင်းမရှိတဲ့အတွက် သူတို့အစိုးရလက်ထက်မှာ ဒီကိစ္စကို အမြန်ဆုံး ကိုင်တွယ်ဖြေရှင်းမယ်လို့ ပြောဆို လိုက်ပါတယ်။
2015-12-30
မြန်မာကာတွန်း နှစ်တစ်ရာပြည့် အခမ်း အနားကို တစ်နိုင်ငံလုံးက ကာတွန်း ဆရာတွေ ပူးပေါင်းပြီး ရန်ကုန်မြို့ မရမ်းကုန်းမြိုနယ် မင်းဓမ္မလမ်းမှာရှိတဲ့ MCC ခန်းမမှာ ဒီကနေ့ စတင်ကျင်းပပါတယ်။
2015-12-30
မွန်ပြည်နယ်၊ ရေးမြို့နယ်မှာ အကောင် အထည်ဖော်မယ့် အံဒင်ကျောက်မီးသွေး ဓာတ်အားပေးစက်ရုံ စီမံကိန်းကို ဒေသခံတွေရဲ့ သဘော တူညီမှု မရရှိသေးမီကာလအတွင်း စီမံကိန်းနဲ့ ပတ်သက်တဲ့ စူးစမ်းလေ့လာတဲ့ လုပ်ငန်းတွေကို ရပ်ဆိုင်းထား မှာဖြစ်ကြောင်း လျှပ်စစ်စွမ်းအားဝန်ကြီးဌာန ဒုတိယဝန်ကြီး ဦးအောင်သန်းဦးက ပြည်သူ့လွှတ်တော်မှာ ပြောပါတယ်။
2015-12-30
ရပ်ကွက်နဲ့ ကျေးရွာအုပ်ချုပ်ရေးမှူးတွေရဲ့ သက်တမ်းကို လွှတ်တော်သက်တမ်းနဲ့အညီ မဟုတ်ဘဲ နိုင်ငံတော်သမ္မတရဲ့သက်တမ်းအတိုင်းထားရှိဖို့ ပြင်ဆင်ထားတဲ့ ရပ်ကျေးအုပ်ချုပ်ရေးမှူး ဥပဒေကြမ်းကို ဥပဒေ ကြမ်းကော်မတီက ပြည်သူ့လွှတ်တော်မှာ ဒီနေ့ တင်သွင်း လိုက်ပါတယ်။
2015-12-30
ရန်ကုန်မြို့တော် စည်ပင်သာယာဌာနက မီးသဂြုႋဟ်စရိတ်တွေ တိုးမြှင့်ကောက်ခံ တဲ့အတွက် နာရေးကူညီမူအသင်းတွေအနေနဲ့ အခက် အခဲတွေ့နိုင်ပြီး၊ တချို့ပိတ်သိမ်းရမယ့် အခြေအနေရှိတယ်လို့ နာရေးကူညီမှုအသင်း(ရန်ကုန်) ရဲ့ အတွင်းရေးမှူး ဒေါ်ရွှေဇီး ကွက်က ပြောပါတယ်။
2015-12-30
အမျိုးသားဒီမိုကရေစီအဖွဲ့ချုပ်ဟာ အစိုးရသစ်ဖွဲ့စည်းပြီးရင် တစ်ပြည်လုံးမှာ သိမ်းဆည်းခံထားရတဲ့ ဧကသိန်းနဲ့ချီတဲ့ လယ်ယာမြေတွေကို မူလပိုင်ရှင်တွေ ပြန်လည်ရရှိအောင် လုပ်ပေးသွားမယ်လို့ NLD တောင်သူလယ်သမားရေးရာကော်မတီက ပြောပါတယ်။
2015-12-30
ဗြိတိန်နိုင်ငံသားနှစ်ဦး အသတ်ခံရမှုနဲ့ ပတ်သက်ပြီး သေဒဏ်ချမှတ်ခံရတဲ့ ကိုဇော်လင်းနဲ့ ကိုဝင်းဇော်ထွန်း တို့အမှုအတွက် ထိုင်းနိုင်ငံ၊ ဘန်ကောက်မြို့မှာရှိတဲ့ အယူခံရုံးမှာ အယူခံဝင်ဖို့ ဒီနေ့ ဆုံးဖြတ်လိုက်ပါတယ်။
2015-12-30
ထိုင်းနိုင်ငံမှာ သေဒဏ်ချမှတ်ခံရတဲ့ မြန်မာနိုင်ငံ သား နှစ်ဦးအတွက် အမှုမှန်ပေါ်ပေါက်ဖို့ မန္တလေး ၊ ကော့သောင်း၊ မြဝတီ၊ မော်လမြိုင် စတဲ့မြို့ကြီးတွေ မှာ ဒေသခံတွေက ဒီနေ့ ဆန္ဒပြတောင်းဆိုကြပါ တယ်။
2015-12-29
ထိုင်းနိုင်ငံမှာ ဒီကနေ့ ထုတ်ဝေတဲ့ The Nation သတင်းစာမှာဖေါ်ပြချက် အရ မြန်မာ ၂ ဦး ကို သေဒဏ်ချမှတ်ခဲ့တဲ့ အမှုနဲ့ပတ်သက်ပြီး ထိုင်းနိုင် ငံခြားရေးဝန်ကြီး Don Pramudwinai က တရား ခံတွေကို ကူညီဖို့အတွက် မြန်မာအစိုးရအနေနဲ့ ဥပဒေ အကြံပေးအရာရှိတွေ စေလွှတ်နိုင်ကြောင်း မြန်မာနိုင် ငံခြားရေးဝန်ကြီးကို ပြောဆိုခဲ့တယ်လို့ သိရှိရပါတယ်။
2015-12-29
နိုင်ငံရေးပါတီ ၈ ပါတီနဲ့ ဖွဲ့စည်းထားတဲ့ ညီညွှတ်သောတိုင်းရင်းသားလူမျိုးများ မဟာမိတ် UNA အဖွဲ့ဝင်တွေဟာ ပြီးခဲ့တဲ့ အထွေထွေရွေးကောက်ပွဲမှာ အစိုးရဖဲ့ွနိုင်တဲ့အထိ အနိုင်ရရှိ ခဲ့တဲ့ အမျိုးသားဒီမိုကရေစီအဖွဲ့ချုပ်နဲ့ ပူးပေါင်းဆောင်ရွက် မယ့် နည်းလမ်းတွေကို ဆွေးနွေးခဲ့ကြပါတယ်။
2015-12-29
အမေရိကန်ဒေါ်လာ ၇ ဘီလျံ ရင်းနှီးမြှုပ်နှံ ပြီး ရခိုင်ပြည်နယ် ကျောက်ဖြူမြို့နယ်မှာ တည်ဆောက်မယ့် ကျောက်ဖြူ အထူးစီးပွားရေးဇုန်ကိုနယ် နိမိတ် သတ်မှတ် ထုတ်ပြန်ဖို့ကို ပြည်ထောင်စုလွှတ်တော်မှာ လွှတ်တော်ကိုယ်စားလှယ် ၁၁ ဦး နှစ်ရက်ကြာ ဆွေးနွေး ပြီးနောက် ဒီနေ့ မဲခွဲဆုံးဖြတ်ပြီး အတည်ပြုလိုက်ပါတယ်။
2015-12-29
မြန်မာနိုင်ငံသား ကိုဇော်လင်းနဲ့ ကိုဝင်းဇော်ထွန်းတို့ကို သေဒဏ်ချမှတ်ခံထားရတာနဲ့ ပတ်သက်ပြီး ထိုင်းနိုင်ငံက တစ်စုံတစ်ရာ ဆောင်ရွက်ပေး သည်အထိ ဆန္ဒပြတောင်းဆို သွားမယ်လို့ ရန်ကုန်မြို့ ဗိုလ်စိန်မှန်ကွင်းမှာ ဆန္ဒပြတောင်းဆိုခဲ့တဲ့ သံဃာတော်တွေ က မိန့်ကြားလိုက်ပါတယ်။
2015-12-29
ရခိုင်ပြည်နယ် ကျောက်တော်မြို့နယ် အရှေ့ဘက် ရမ်းချောင်းတောင် အနီး တစ်ဝိုက်မှာ အစိုးရတပ်မတော် နဲ့ ရက္ခိုင့် တပ်မတော်(AA) တို့ ပြီးခဲ့တဲ့ ဒီဇင်ဘာ ၂၇ ရက်နေ့ကနေ ဒီနေ့အထိ ၃ ရက်ဆက်တိုက် တိုက်ပွဲတွေဖြစ်ပွားနေပါတယ်။
2015-12-28
ပဲခူးတိုင်း၊ သာယာဝတီထောင်မှာ ဖမ်းဆီး ချုပ်နှောင်ခံထားရတဲ့ အမျိုူးသားပညာရေး ဥပဒေ ပြင်ဆင်ရေး သပိတ်မှောက်ကျောင်း သားခေါင်းဆောင် ကိုအောင်မှိုင်းဆန်းမှာ အသည်းရောင် စီပိုး စွဲကပ်နေပြီလို့ ဆေးစစ်ချက်အရ သိရပါတယ်။
2015-12-28
ပြီးခဲ့တဲ့ရွေးကောက်ပွဲမှာ အနိုင်ရခဲ့တဲ့ ကိုယ်စားလှယ်တွေအပေါ် ကန့်ကွက် လွှာတင်တဲ့ အမှုတွေကို ပြည်ထောင် စု ရွေးကောက်ပွဲကော်မရှင်က ဒီနေ့ နောက် ဆုံးထားလက်ခံမှာဖြစ်ပြီး မနေ့ကအထိ အမှုပေါင်း ၃၃ မှု ရှိတယ်လို့ သိရပါတယ်။
2015-12-28
ကချင်ပြည်နယ် ဖားကန့်ကျောက်စိမ်း တွင်းဒေသမှာ မြေစာပုံပြိုကျမှုတွေ ဆက် တိုက် ဖြစ်ပေါ်နေတဲ့အတွက် အုပ်ချုပ်ရေး အာဏာပိုင်တွေက ကျောက်တူးဖော်ရေးကုမ္ပဏီတွေကို မြေစာစွန့်ပစ်တဲ့နည်း ပြောင်းလဲဖို့ ဒီနေ့ ညွှန်ကြားလိုက်ပါတယ်။
2015-12-28
တပ်မတော်ကာကွယ်ရေးဦးစီးချုပ် ဗိုလ်ချုပ် မှူးကြီး မင်းအောင်လှိုင် ကို လှောင်ပြောင် တဲ့ဓါတ်ပုံကို ဖေ့ဘွတ်စ်မှာ တင်ခဲ့တာကြောင့် ဆက်သွယ်ရေး ဥပဒေပုဒ်မ ၆၆(ဃ) နဲ့ ဖမ်းဆီးခံထားရတဲ့ မချောစန္ဒီ ထွန်း ခေါ် ချစ်သမီး ကို ဧရာဝတီတိုင်းဒေသကြီး မအူပင် မြို့နယ် တရားရုံးက ထောင်ဒဏ် ၆ လကျခံဖို့ ဒီကနေ့ အမိန့်ချလိုက်ပါတယ်။
2015-12-28
ထိုင်းနိုင်ငံတောင်ပိုင်း ခိုထောင်းကျွန်း လူသတ်မှု မှာ မြန်မာအလုပ်သမားနှစ်ဦး သေဒဏ်ချမှတ် ခံရတာနဲ့ ပတ်သက်ပြီး အယူခံဝင်တဲ့ကာလအတွင်း လူ့အခွင့်အရေးအရ ကာကွယ်စောင့်ရှောက်ပေး ဖို့ မြန်မာအမျိုးသား လူ့အခွင့်အရေးကော်မရှင်က ထိုင်းအမျိုးသား လူ့အခွင့်အရေးကော်မရှင်ကို ပန်ကြားလိုက် ပါတယ်။
2015-12-28
ကချင်ပြည်နယ် ဖားကန့်ကျောက်စိမ်း တွင်းဒေသမှာ မြေစာပုံပြိုကျမှု၊ မြေသယ်ယာဉ် ကြီးတွေ ရောက်ရှိနေမှုတို့ကြောင့် ပြည်သူတွေ စိုးရိမ်ပူပန်မှု မရှိအောင် ကျောက်စိမ်းတူးဖော်တဲ့လုပ်ငန်းတွေကို ပိတ်သိမ်း ဖို့ အပါအဝင် နည်းလမ်း ၃ခုနဲ့ ဖြေရှင်းသွားမယ်လို့ သတ္တု တွင်းဝန်ကြီးဌာန ဒုတိယဝန်ကြီး ဦးသန်းထွန်းအောင်က ဒီနေ့ ပြည်ထောင်စုလွှတ်တော်မှာ ပြောလိုက်ပါတယ်။
2015-12-27
ထိုင်းနိုင်ငံ ကော့စမွီခရိုင် တရားရုံး က မြန်မာလူငယ်နှစ်ယောက်ပေါ် ချမှတ် လိုက်တဲ့ အမိန့်ကို မကျေနပ်ကြောင်း ပြသ တဲ့အနေနဲ့ မြန်မာနိုင်ငံသား အနည်းငယ်အုပ်စု ဖွဲ့ဆန္ဒပြပေမဲ့ တာ့ခ်ခရိုင် မဲဆောက်မြို့နယ် ထိုင်း-မြန်မာနယ်စပ် ကုန်သွယ်ရေးက မနေ့က ပုံမှန်အတိုင်း ဆက်လက်လည် ပတ်နေတယ်လို့ ဗန်ကောက်ပို့စ် သတင်းစာက ရေးသား လိုက်ပါတယ်။
2015-12-27
ကျောက်ဖြူအထူးစီးပွားရေးဇုန် (SEZ) စီမံကိန်းကို ဒေသခံတွေ အလုပ်အကိုင် ရရှိရေးနဲ့ ဒေသဖွံ့ဖြိုးရေး စတင်ဆောင် ရွက်နိုင်မှသာ စတင်အကောင်အထည်ဖော်ဖို့ ကျောက်ဖြူ မြို့ဒေသခံတွေက မနေ့က တောင်းဆိုလိုက်ပါတယ်။
2015-12-27
ကချင်ပြည်နယ် ဖားကန့်ကျောက်စိမ်းတွင်း လုပ်ကွက်တွေမှာ လည်ပတ်အသုံးပြုနေတဲ့ အခွန်ဆောင်ပြီး တူးဖော်ရေး ယာဉ်၊ စက်ယန္တရား အရေအတွက်ဟာ လောလောဆယ် ဖားကန့်မြို့ နယ်အုပ်ချုပ်ရေးအဖွဲ့က ရရှိထားတဲ့ စာရင်းတွေအရ စုစုပေါင်း အစီးရေ လေးထောင်ဝန်းကျင်ရှိပါတယ်။
